'തെറ്റും ശരിയും മനസിലാക്കാനുള്ള കഴിവ് അവൾക്കുണ്ട്', മുൻ ഭാര്യയെ കുറിച്ച് അർബാസ് ഖാൻ

പത്തൊമ്പത് വർഷത്തോളം നീണ്ട് നിന്ന ദാമ്പത്യത്തിൽ ഇരുവർക്കും അർഹാൻ ഖാൻ എന്നൊരു മകനുണ്ട്. 2017ൽ ആയിരുന്നു ഇരുവരുടേയും വിവാഹമോചനം. എന്തിന്റേ പേരിലായിരുന്നു വേർപിരിയൽ എന്നത് ഇരുവരും വ്യക്തമാക്കിയിട്ടില്ല. മകൻ അർഹാൻ മലൈകയ്ക്കൊപ്പമാണ് താമസം. ഇപ്പോൾ യുവനടൻ അർജുൻ കപൂറുമായി പ്രണയത്തിലാണ് മലൈക. നാൽപത്തിയെട്ടുകാരിയായ മലൈക മുപ്പത്തിയെട്ടുകാരനായ അർജുൻ കപൂറിനെ പ്രണയിക്കുന്നത് പലപ്പോഴും വിമർശനങ്ങൾക്ക് ഇടായാക്കിയിട്ടുണ്ട്. പ്രായ വ്യത്യാസമായിരുന്നു വിമർശകർ മുന്നോട്ട് വെച്ച പ്രധാന കാരണം. എന്നാൽ വിമർശനങ്ങളെ വകവെക്കാതെ ഇപ്പോഴും പ്രണയിക്കുകയാണ് ഇരുവരും.

ഒരു കാലത്ത് എല്ലാവരും കൊതിച്ച് പോകുന്ന ഐക്യവും സ്നേഹവുമായി മലൈകയും അർബാസും തമ്മിൽ. ഐറ്റം ഡാൻസാണ് മലൈകയുടെ പ്രധാന തട്ടകം. ​ഫാഷനിലും കമ്പമുള്ള മലൈക ​ഗ്ലാമറസ് വേഷങ്ങൾ ധരിച്ചാണ് പൊതുവേദികളിൽ പ്രത്യക്ഷപ്പെടാറുള്ളത്. താരത്തിന്റെ ഫാഷൻ സെൻസിനും നിരവധി ആരാധകരുണ്ട്. ഒരിക്കൽ ഒരു അഭിമുഖത്തിൽ പങ്കെടുക്കവെ അർബാസ് ഖാനോട് അവതാരകൻ മലൈകയുടെ ​ഗ്ലാമറസ് വസ്ത്രധാരണ രീതിയോടുള്ള സമീപനം എങ്ങനെയാണ് എന്ന് ചോദിച്ചപ്പോൾ അർബാസ് പറഞ്ഞ മറുപടിയാണ് ഇപ്പോൾ വീണ്ടും ശ്രദ്ധിക്കപ്പെടുന്നത്. സാജിദ് ഖാൻ സംഘടിപ്പിച്ച ചാറ്റ് ഷോയിലാണ് അർബാസ് ഖാൻ പങ്കെടുത്തത്. മറുപടി ഇങ്ങനെയായിരുന്നു. 'അവളുടെ വസ്ത്ര ധാരണ രീതി കണ്ട് വിഷമിക്കാൻ മാത്രം എന്തെങ്കിലും ഉള്ളതായി തോന്നിയിരുന്നില്ല. എന്താണ് ചെയ്യേണ്ടതെന്നും എന്ത് ചെയ്യരുതെന്നും മലൈകയ്ക്ക് നന്നായി അറിയാം' അർബാസ് ഖാൻ പറഞ്ഞു. അദ്ദേഹത്തിന്റെ മറുപടിയിൽ നിന്ന് തന്നെ ഇരുവരും എത്രത്തോളം മനസിലാക്കിയാണ് കഴിഞ്ഞിരുന്നത് എന്ന് വ്യക്തമാണ്.

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

സിനിമകളിൽ മലൈകയെ സുലഭമായി കാണുന്നില്ലെങ്കിലും ടെലിവിഷൻ പരിപാടികളിലും റിയാലിറ്റി ഷോകളിലും വിധി കർത്താവായി സജീവമാണ് മലൈക. കഴിഞ്ഞ രണ്ട് ദിവസമായി മലൈകയും അർജുനും തമ്മിൽ പിരിഞ്ഞുവെന്ന തരത്തിൽ വ്യാപകമായി വാർത്തകൾ വന്നിരുന്നു. 2018 മുതലാണ് അർജുനുമായുള്ള മലൈകയുടെ പ്രണയം ആരംഭിച്ചത്. എന്നാൽ റൂമറുകൾ സത്യമല്ലെന്ന് തെളിയിച്ച് ഇരുവരും ഇപ്പോൾ ഒന്നിച്ച് അവധി ആഘോഷിക്കുകയാണ്. ഇരുവരുടേയും വിവാഹത്തിനായാണ് ആരാധകർ ഇപ്പോൾ കാത്തിരിക്കുന്നത്.