അമ്മ അവന്റെ കണ്ണുകള്‍ കാണണം! അജയ് ദേവ്ഗണിനോടുള്ള പ്രണയം അമ്മയോട് സമ്മതിച്ച കജോള്‍

അമ്മ, എനിക്ക് വിവാഹം കഴിക്കണം, എനിക്ക് അജയ് ദേവ്ഗണിനെ വിവാഹം കഴിക്കണം എന്നാണോ കജോള്‍ പറഞ്ഞതെന്നായിരുന്നു രവീണയുടെ ചോദ്യം. ഇതിന് തനൂജ നല്‍കിയത് രസകരമായൊരു മറുപടിയായിരുന്നു. ''അവള്‍ ശരിക്കും അത് തന്നെയാണ് പറഞ്ഞത്. ഒരിക്കല്‍ അവളെന്റെ അടുത്ത് വന്നു. ഇവനൊപ്പം ആദ്യത്തെ സിനിമയുടെ ഷൂട്ടിംഗ് തുടങ്ങിയതേ ഉണ്ടായിരുന്നുള്ളൂ. അമ്മ അയാം ഇന്‍ ലവ് എന്ന് പറഞ്ഞു. ശരി, ആരാണ് ആളെന്ന് ഞാന്‍ ചോദിച്ചു. അമ്മ നിങ്ങള്‍ അവന്റെ കണ്ണുകള്‍ കാണണം എന്നായി ഇവള്‍. ആരാണത് എന്ന് ഞാന്‍ ചോദിക്കു. അജയ് ആണെന്ന് ഇവളും. ഏത് അജയ് എന്ന് ചോദിച്ചപ്പോള്‍ അജയ് ദേവ്ഗണ്‍ എന്ന് പറഞ്ഞു.'' തനൂജ പറയുന്നു.

അജയ് ദേവ്ഗണ്‍, അത് വീരുജിയുടെ മകന്‍ ആണല്ലോ. ഇവന്റെ അച്ഛന്‍ വരുന്നത് ഞാന്‍ അഭിനയിച്ചിരുന്ന കാലത്താണ്. അദ്ദേഹം കാണാന്‍ സുന്ദരനായിരുന്നു. വളരെ കരിസ്മാറ്റിക് ആണ്. ഇതാ അദ്ദേഹത്തിന്റെ മകന്‍. അദ്ദേഹത്തോളമോ അതിലും കൂടുതലോ സുന്ദരന്‍. ഇത്രത്തോളം തന്നെ കരിസ്മാറ്റിക്കും ആണ്'' എന്നും തനൂജ കൂട്ടിച്ചേര്‍ക്കുന്നുണ്ട്. പിന്നാലെ കജോളിന്റെ സഹോദരിയും നടിയുമായ തനിഷ മുഖര്‍ജിയും ഇടപെടുന്നുണ്ട്. തന്റെ ചേച്ചിയെ പ്രണയച്ചിരുന്ന സമയത്ത് താന്‍ ചെറുതായിരുന്നുവെന്നും തന്നെ പുറത്ത് കൊണ്ടു പോകാനെന്ന പേരില്‍ അജയ് ദേവ്ഗണും കജോളും ഡ്രൈവിന് പോകുമായിരുന്നുവെന്നാണ് തനിഷ പറയുന്നത്.

1995 ല്‍ ഹല്‍ചല്‍ എന്ന ചിത്രത്തിന്റെ ലൊക്കേഷനില്‍ വച്ചാണ് അജയ് ദേവ്ഗണും കജോളും കണ്ടുമുട്ടുന്നത്. പിന്നീട് ഇത് സൗഹൃദവും പ്രണയവുമായി മാറുകയായിരുന്നു. 1999 ല്‍ ഇരുവരും വിവാഹിതരാവുകയും ചെയ്തു. തന്‍ഹാജി എന്ന ചിത്രത്തിലാണ് ഇരുവരും അവസാനമായി ഒരുമിച്ച് എത്തിയത്. ചിത്രം വന്‍ വിജയമായി മാറുകയും ചെയ്തു. രണ്ട് മക്കളാണ് താരദമ്പതികള്‍ക്കുള്ളത്. നൈസയാണ് മൂത്തമകള്‍. യുഗ് ആണ് മകന്‍.

Recommended Video

റെക്കോർഡ് തീർത്ത് Dilwale Dulhania Le jayenge

അതേസമയം ഭുജ് ആണ് അജയ് അഭിനയിച്ച് പുറത്തിറങ്ങിയ അവസാനത്തെ ചിത്രം. പക്ഷെ ചിത്രത്തിന് പ്രതീക്ഷിച്ച വിജയം നേടാന്‍ സാധിച്ചില്ല. ഒടിടി പ്ലാറ്റ്‌ഫോമായ നെറ്റ്ഫ്‌ളിക്‌സില്‍ റിലീസ് ചെയ്ത ത്രിഭംഗയാണ് കജോളിന്റെ ഒടുവില്‍ പുറത്തിറങ്ങിയ സിനിമ. നിരവധി സിനിമകളാണ് ഇരുവരുടേതുമായി പുറത്തിറങ്ങാനുള്ളത്. ആരാധകരുടെ പ്രിയപ്പെട്ട താരജോഡിയാണ് കജോളും അജയ് ദേവ്ഗണും. ഇരുവരും ഒരുമിച്ചെത്തുന്ന ചിത്രങ്ങള്‍ക്കും ആരാധകരുണ്ട്.