നീ അരികിലുണ്ടായിരുന്നുവെങ്കില്‍! കാമുകിയോട ഹൃത്വിക് റോഷന്‍; ഇനിയൊന്നും രഹസ്യമല്ല!

സബയുടെ പുതിയ വീഡിയോയ്ക്ക് കയ്യടിച്ചു കൊണ്ട് ഹൃത്വിക് എത്തുകയായിരുന്നു. പൂനെയിലെ സംഗീത പരിപാടിയില്‍ നിന്നുമുള്ള തന്റെ വീഡിയോയായിരുന്നു സബ പങ്കുവച്ചിരുന്നത്. മുന്‍ കാമുകന്‍ കൂടിയായ നടന്‍ ഇമാദ് ഷായോടൊപ്പം ചേര്‍ന്നാണ് സബ പരിപാടിയുടെ ഭാഗമാകുന്നത്. പരിപാടിയിലേക്ക്് ആരാധകരെ ക്ഷണിക്കുകയായിരുന്നു സബ. ഈ വീഡിയോയാണ് ഹൃത്വിക് റോഷന്‍ തന്റെ ഇന്‍സ്റ്റഗ്രാം പേജിലെ സ്റ്റോറിയിലൂടെ പങ്കുവച്ചത്. അവിടെയുണ്ടാകാന്‍ സാധിച്ചിരുന്നുവെങ്കില്‍ എന്നായിരുന്നു ഹൃത്വിക് കുറിച്ചത്. സബയ്ക്ക് ആശംസകള്‍ നേരാനും ഹൃത്വിക് മറന്നില്ല.

പിന്നാലെ സബ പ്രതികരണവുമായി എത്തുകയായിരുന്നു. നീ ഉണ്ടായിരുന്നുവെന്നുവെങ്കില്‍ എന്ന്് ഞാനും ആശിക്കുന്നുവെന്നായിരുന്നു സബയുടെ പ്രതികരണം. ക്യൂട്ടി എന്നായിരുന്നു സബ ഹൃത്വിക്കിനെ വിശേഷിപ്പിച്ചത്. ഇത് സോഷ്യല്‍ മീഡിയയില്‍ വൈറലായിരുന്നു. തങ്ങളുടെ പ്രണയം ലോകത്തിന് മുന്നില്‍ വിളിച്ച് പറയുകയാണ് ഇരുവരുമെന്നാണ് സോഷ്യല്‍ മീഡിയ പറയുന്നത്. നേരത്തെ ഹൃത്വിക്കിന്റെ കുടുംബത്തോടൊപ്പമുള്ള സബയുടെ ചിത്രങ്ങളും സോഷ്യല്‍ മീഡിയയില്‍ വൈറലായിരുന്നു. കഴിഞ്ഞ കുറച്ച് നാളുകളായി ഇരുവരും പ്രണയത്തിലാണ്. എന്നാല്‍ ഇപ്പോഴാണ് ലോകത്തിന് മുന്നില്‍ ആ പ്രണയം തുറന്ന് കാണിക്കാന്‍ ഇരുവരും തയ്യാറായതെന്നാണ് സുഹൃത്തുക്കള്‍ പറയുന്നത്.

ഇതിനിടെ സബയും ഹൃത്വിക്കും ഉടനെ വിവാഹം കഴിക്കുമെന്നും അതിനുള്ള ഒരുക്കങ്ങള്‍ ആരംഭിച്ചതായും റിപ്പോര്‍ട്ടുകളുണ്ട്. ഹൃത്വിക്കിന്റെ കുടുംബവുമായി സബയ്ക്ക് വളരെ അടുത്ത ബന്ധമാണെന്നാണ് റിപ്പോര്‍ട്ടുകള്‍ പറയുന്നത്. സബയുടെ പരിപാടിയുടെ വീഡിയോ പങ്കുവച്ചു കൊണ്ട് ഹൃത്വിക്കിന്റെ മുന്‍ ഭാര്യയും അടുത്ത സുഹൃത്തുമായ സൂസെയ്ന്‍ ഖാനുമെത്തിയിരുന്നു. സൂസെയ്‌ന് സബ നന്ദി പറയുകും ചെയ്്തിരുന്നു. 2014 ലായിരുന്നു സൂസെയ്‌നും ഹൃത്വിക്കും പിരിയാന്‍ തീരുമാനിക്കുന്നത്. വിവാഹ ബന്ധം അവസാനിപ്പിച്ചുവെങ്കിലും ഇപ്പോഴും നല്ല സുഹൃത്തുക്കളാണ് ഇരുവരും. മക്കളുടെ ഉത്തരവാദിത്തം പങ്കിടുകയും ചെയ്യുന്നുണ്ട്. മക്കളോടൊപ്പം ഇരുവരും ഒരുമിച്ച് യാത്രകള്‍ പോകാറും മറ്റുമുണ്ട്.

അതേസമയം വാര്‍ ആണ് ഹൃത്വിക് റോഷന്‍ ഒടുവില്‍ പുറത്തിറങ്ങിയ ചിത്രം. ടൈഗര്‍ ഷ്രോഫും ചിത്രത്തിലൊരു പ്രധാന വേഷത്തിലെത്തിയിരുന്നു. ചിത്രം വന്‍ വിജയമായി മാറുകയും ചെയ്തിരുന്നു. തമിഴ് ചിത്രം വിക്രം വേദയുടെ ഹിന്ദി റീമേക്കിലാണ് ഹൃത്വിക് ഇപ്പോള്‍ അഭിനയിക്കുന്നത്. തമിഴില്‍ വിജയ് സേതുപതി ചെയ്ത വേഷമാണ് ഹിന്ദിയില്‍ ഹൃത്വിക് ചെയ്യുന്നത്. സെയ്്ഫ് അലി ഖാന്‍ ആണ് മാധവന്റെ വേഷത്തിലെത്തുന്നത്. പിന്നാലെ ദീപിക പദുക്കോണിനൊപ്പം ആദ്യമായി അഭിനയിക്കുന്ന ഫൈറ്റര്‍ അടക്കം നിരവധി സിനിമകള്‍ ഹൃത്വിക്കിന്റേതായി അണിയറയിലുണ്ട്.