രാത്രിയിലെ ഈ ശീലം കാമുകന് ഇഷ്ടമല്ല, നിനക്കെന്താണ് പ്രശ്‌നം എന്ന് ചോദിക്കും: മല്ലിക ഷെറാവത്ത്‌

രണ്ടു പേരും തങ്ങളുടെ സുഹൃത്തുക്കള്‍ക്കൊപ്പം അവധിക്കാലം ആഘോഷിക്കാന്‍ എത്തിയതായിരുന്നു ഫ്രാന്‍സില്‍. ഒരേ ഹോട്ടലിലായിരുന്നു താമസം. ആ കൂടിക്കാഴ്ച പിന്നീട് പ്രണയത്തിലേക്ക് വഴി മാറുകയായിരുന്നു. ദീര്‍ഘനാളായി തങ്ങള്‍ ഒരുമിച്ചാണെന്നാണ് മല്ലിക പറയുന്നത്. തന്റെ കരിയറിലെ തിരക്കുകള്‍ പ്രണയത്തെ ബാധിച്ചിട്ടില്ലെന്നും മല്ലിക പറയന്നു. ''കരിയറിന്റെ തുടക്കത്തില്‍ ഒരു പ്രണയ ബന്ധത്തിനുള്ള സമയമുണ്ടായിരുന്നില്ല. ഞാന്‍ ജോലി ചെയ്തു കൊണ്ടിരിക്കുകയായിരുന്നു. പക്ഷെ പതിയെ നമ്മള്‍ വളരുകയും പരിണമിക്കകയും ചെയ്യും. ഇന്ന് ഞാന്‍ ജീവിതത്തിലെ നല്ലൊരു നിലയിലാണ്. പ്രണയത്തിന് എന്റെ ജീവിതത്തില്‍ വലിയ സ്ഥാനമുണ്ട്'' എന്നായിരുന്നു താരം പറഞ്ഞത്.

ഓണ്‍ സ്‌ക്രീനിലെ തന്‌റെ ഗ്ലാമറസ് ഇമേജ് കാരണം പലരും കരുതിയിരുന്നത് താന്‍ എപ്പോഴും പാര്‍ട്ടികളില്‍ പങ്കെടുക്കുകയും മദ്യപിക്കുകയും ചെയ്യുന്ന ആളാണെന്നായിരുന്നുവെന്നും എന്നാല്‍ നേരെ വിപരീതമാണ് തന്റെ കാര്യമെന്നുമാണ് മല്ലിക പറയുന്നത്. തന്റേത് ആത്മീയത നിറഞ്ഞ ജീവിത രീതിയാണെന്നും തന്റെ കാമുകന്‍ എപ്പോഴും പരാതിപ്പെടുന്നത് തന്റെ ഈ ശീലത്തെക്കുറിച്ചാണെന്നും മല്ലിക പറയുന്നു.'' എനിക്ക് പാര്‍ട്ടി സംസ്‌കാരം ഇഷ്ടമല്ല. എന്റേത് കൂറേക്കൂടി ആത്മീയമായ ജീവിതമാണ്. ഞാന്‍ നേരത്തെ ഉറങ്ങാന്‍ ഇഷ്ടപ്പെടുന്നയാളാണ്. അതിന് എന്റെ കാമുകന്‍ എപ്പോഴും പരാതിപ്പെടും. എന്റെ ദൈവമേ, നീയെന്താ സന്യാസിയാണോ എന്ന് ചോദിക്കും. നീ എന്തിനാണ് നേരത്തെ ഉറങ്ങുന്നത? നിന്റെ പ്രശ്‌നം എന്താണ്? എന്നൊക്കെ ചോദിക്കും'' മല്ലിക പറുന്നു.

നേരത്തെ ഫ്രാന്‍സ് സ്വദേശിയായ സിറില്‍ ഓക്‌സെന്‍ഫാന്‍സ് എന്ന യുവാവുമായി മല്ലിക പ്രണയത്തിലാണെന്ന റിപ്പോര്‍ട്ടുകളുണ്ടായിരുന്നു. ഇരുവരും ഒരുമിച്ചുള്ള ചിത്രങ്ങളും മല്ലിക പങ്കുവച്ചിരുന്നു. എന്നാല്‍ ഇരുവരും പിന്നീട് പിരിയുകയായിരുന്നു. സാമ്പത്തിക കാരണങ്ങളായിരുന്നു പിരിയാന്‍ കാരണം. പാരീസിലെ വീട് വാടക കൊടുക്കാത്തത് കാരണം ഒഴിയേണ്ടി വന്നതായും റിപ്പോര്‍ട്ടുകളുണ്ടായിരുന്നു. എന്നാല്‍ ഈ റിപ്പോര്‍ട്ടുകളെല്ലാം മല്ലിക നിരസിക്കുകയായിരുന്നു. സിറില്‍ തന്റെ സുഹൃത്ത് മാത്രമാണെന്നായിരുന്നു മല്ലിക പറഞ്ഞത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം അഭിനയത്തിലേക്ക് തിരികെ വന്നിരിക്കുകയാണ് മല്ലിക ഷെറാവത്ത്. വെബ് സീരീസിലൂടെയാണ് താരത്തിന്റെ തിരിച്ചുവരവ്. നക്കാബ് എന്ന ഷോയിലെ കേന്ദ്ര കഥാപാത്രമായ സോറ മെഹ്‌റയെയാണ് മല്ലിക അവതരിപ്പിച്ചത്. രജത് കപൂറിന്റെ ആര്‍ക്കെ ആര്‍ക്കെയിലാണ് മല്ലിക ഇപ്പോള്‍ അഭിനയിക്കുന്നത്.് താരത്തിന്റെ തിരിച്ചുവരവിനായി കാത്തിരിക്കുകയായിരുന്നു ആരാധകര്‍. മര്‍ഡര്‍, വെല്‍ക്കം, ആപ്പ് ക സുറൂര്‍ തുടങ്ങി നിരവധി സിനിമകളിലെ നായികയാണ് മല്ലിക. ഹിന്ദിയ്ക്ക് പുറമെ ഹോളിവുഡിലും കന്നഡയിലും തമിഴിലും അഭിനയിച്ചിട്ടുണ്ട്.