'ക്രിക്കറ്റിന് പുറത്തെ ഏറ്റവും വലിയ നേട്ടം'; കത്രീനയ്ക്ക് ഒപ്പമുള്ള നിമിഷങ്ങളെക്കുറിച്ച് വിരാട് കോഹ്ലി!

കത്രീനയുടെ ആരാധകരില്‍ സാധാരണക്കാര്‍ മാത്രമല്ല താരങ്ങളുമുണ്ട്. ക്രിക്കറ്റ് താരങ്ങളിലും കത്രീനയ്ക്ക് ആരാധകരുണ്ട്. കത്രീനയോട് കടുത്ത ആരാധനയുള്ള താരമാണ് ക്രിക്കറ്റ് ലോകത്തെ സൂപ്പര്‍ താരമായ വിരാട് കോഹ്ലി.

ഒരിക്കല്‍ കത്രീനയുമായുള്ള തന്റെ കൂടിക്കാഴ്ചയെക്കുറിച്ച് വിരാട് പറയുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു. വിരാടിന്റെ വിവാഹത്തിനൊക്കെ ഏറെ മുമ്പായിരുന്നു സംഭവം.

വീഡിയോയില്‍ വിരാട് കത്രീനയുമായുള്ള സംസാരത്തെക്കുറിച്ച് സംസാരിക്കുകയാണ്. ക്രിക്കറ്റ് ലോകത്ത് ഒരുപാട് നേട്ടങ്ങള്‍ സ്വന്തം പേരിലാക്കിയ താരമാണ് വിരാട് കോഹ്ലി.

എന്നാല്‍ ക്രിക്കറ്റ് പുറത്ത് തന്റെ ജീവിതത്തിലെ ഏറ്റവും വലിയ നേട്ടം കത്രീന കൈഫ് തന്നോട് സംസാരിച്ച രണ്ട് മിനുറ്റാണെന്നാണ് വീഡിയോയില്‍ വിരാട് പറയുന്നത്. ഈ വീഡിയോ ഒരിടയ്ക്ക് സോഷ്യല്‍ മീഡിയയില്‍ വൈറലായി മാറിയിരുന്നു.

വിരാടിന്റെ വിവാഹത്തിന് മുമ്പുള്ളതാണ് ഈ വീഡിയോ എന്നതും സോഷ്യല്‍ മീഡിയയിലെ കുത്തിപ്പൊക്ക് വിരുതര്‍ ചൂണ്ടിക്കാണിക്കുന്നത്. വിരാട് പിന്നീട് നടി അനുഷ്‌ക ശര്‍മയുമായി പ്രണയത്തിലാവുകയായിരുന്നു.

ഇന്ന് ആരാധകരുടെ പ്രിയപ്പെട്ട പവര്‍ കപ്പിളാണ് വിരാട് കോഹ്ലിയും അനുഷ്‌ക ശര്‍മയും. രണ്ടു പേരും ഈയ്യടുത്താണ് തങ്ങളുടെ ആദ്യത്തെ കണ്‍മണിയെ വരവേറ്റത്. വാമിക എന്നാണ് മകള്‍ക്ക് അനുഷ്‌കയും വിരാടും പേരിട്ടിരിക്കുന്നത്.

കുഞ്ഞിനെ ഗര്‍ഭധരിച്ച കാലം അഭിനയത്തില്‍ നിന്നും വിട്ടു നിന്ന അനുഷ്‌ക ശര്‍മ ഇപ്പോള്‍ തിരിച്ചുവരവിനുള്ള തയ്യാറെടുപ്പിലാണ്. അതേസമയം ഈയ്യടുത്തായിരുന്നു കത്രീന കൈഫിന്റെ വിവാഹം. നടന്‍ വിക്കി കൗശിലിനെയാണ് കത്രീന വിവാഹം കഴിച്ചത്.

ഇരുവരുടേയും പ്രണവും വിവാഹവുമൊക്കെ വലിയ വാര്‍ത്തയായിരുന്നു. സമീപകാലത്ത് ബോൡവുഡ് കണ്ട ഏറ്റവും വലിയ താരവിവാഹങ്ങളിലൊന്നായിരുന്നു കത്രീനയുടേയും വിക്കിയുടേയും.

രാജസ്ഥാനിലെ റിസോര്‍ട്ടില്‍ വച്ചായിരുന്നു വിവാഹം നടന്നത്. കനത്ത സുരക്ഷയിലായിരുന്നു വിവാഹം നടന്നത്. അതിഥികള്‍ക്കും നിയന്ത്രണമുണ്ടായിരുന്നു. ഫോട്ടോയെടുക്കാനും അനുമതിയുണ്ടായിരുന്നില്ല.

ഇതിനിടെ കത്രീന കൈഫ് ഗര്‍ഭിണിയാണെന്നും റിപ്പോര്‍ട്ടുകളുണ്ട്. വിവാഹ ശേഷം താരം പൊതുവേദികൡല്‍ നിന്നെല്ലാം വിട്ടു നില്‍ക്കുകയായിരുന്നു. എന്നാല്‍ വാര്‍ത്തകളോട് കത്രീനയോ വിക്കിയോ പ്രതികരിച്ചിരുന്നില്ല. ഔദ്യോഗിക സ്ഥിരീകരണങ്ങളൊന്നും വന്നിട്ടില്ല. സൂര്യവംശിയാണ് കത്രീനയുടെ ഒടുവില്‍ പുറത്തിറങ്ങിയ സിനിമ.

സല്‍മാന്‍ ഖാനൊപ്പം അഭിനയികുന്ന ടൈഗര്‍ പരമ്പരയിലെ മൂന്നാമത്തെ സിനിമയാണ് കത്രീനയുടെ അണിയറയില്‍ തയ്യാറെടുക്കുന്ന സിനിമ. പിന്നാലെ ഫോണ്‍ ബൂത്ത് എന്ന സിനിമയും അണിയറയിലുണ്ട്. കത്രീന കൈഫ്, ആലിയ ഭട്ടിനും പ്രിയങ്ക ചോപ്രയ്ക്കുമൊപ്പം അഭിനയിക്കുന്ന ജീ ലേ സര എന്ന സിനിമയും അണിയറയിലുണ്ട്.

ഫര്‍ഹാന്‍ അക്തര്‍ സംവിധാനം ചെയ്യുന്ന സിനിമയുടെ തിരക്കഥയൊരുക്കുന്നത് ഫര്‍ഹാനും സോയ അക്തറും റീമ കട്ട്ഗിയും ചേര്‍ന്നാണ്. റോഡ് മൂവിയായ ജീലേ സരയ്ക്കായി കാത്തിരിക്കുകയാണ് ആരാധകര്‍.