അതുകൊണ്ടാകാം എന്റെ കല്യാണം നടക്കാത്തത്! സൂപ്പര്‍നായികയെ വിവാഹം കഴിക്കാന്‍ ആഗ്രഹിച്ച സല്‍മാന്‍

വിവാഹത്തെക്കുറിച്ചുള്ള ചോദ്യങ്ങള്‍ക്ക് സല്‍മാന്‍ ഖാന്‍ പലപ്പോഴും മറുപടി നല്‍കാറില്ല. എന്നാല്‍ ഒരിക്കല്‍ സല്‍മാന്‍ ഈ ബോളിവുഡ് നടിയെ വിവാഹം കഴിക്കാന്‍ ആഗ്രഹിച്ചിരുന്നു. തന്റെ ആഗ്രഹം സല്‍മാന്‍ വീട്ടില്‍ പറയുകയും ചെയ്തിരുന്നു. ബോളിവുഡിലെ ഇതിഹാസ താരമായ രേഖയെ വിവാഹം കഴിക്കണമെന്നായിരുന്നു ചെറുപ്പകാലത്ത് സല്‍മാന്‍ ഖാന്‍ ആഗ്രഹിച്ചിരുന്നത്. രേഖയുടെ കടുത്ത ആരാധകനാണ് സല്‍മാന്‍ ഖാന്‍. രേഖയെ കാണാന്‍ വേണ്ടി മാത്രം യോഗ ക്ലാസില്‍ ചേര്‍ന്നിട്ടുണ്ട് സല്‍മാന്‍ ഖാന്‍. രേഖയും സല്‍മാന്‍ ഖാനും അയല്‍വാസികളായിരുന്നു. രേഖയെ കാണാന്‍ വേണ്ടി താന്‍ രാവിലെ അഞ്ചരയ്ക്ക് തന്നെ എഴുന്നേല്‍ക്കുമായിരുന്നുവെന്നാണ് സല്‍മാന്‍ തന്നെ പറഞ്ഞിരുന്നത്. ആ സമയത്ത് രേഖ പ്രഭാത സവാരിയ്ക്ക് പോയിരുന്നു.

''എനിക്ക് അന്ന് യോഗയുമായി യാതൊരു ബന്ധവുമുണ്ടായിരുന്നില്ല. പക്ഷെ രേഖ ജി പഠിപ്പിച്ചിരുന്നത് കൊണ്ട് മാത്രം ഞാനും സുഹൃത്തുക്കളും അവിടെ പോകുമായിരുന്നു'' എന്നാണ് ഒരിക്കല്‍ സല്‍മാന്‍ ഖാന്‍ പറഞ്ഞത്. കുറച്ച് നാള്‍ മുമ്പ് തന്റെ ചിത്രമായ സൂപ്പര്‍ നാനിയുടെ പ്രൊമോഷന് വേണ്ടി രേഖ ബിഗ് ബോസിലെത്തിയപ്പോഴാണ് തന്റെ ആരാധന സല്‍മാന്‍ ഖാന്‍ തുറന്ന് പറഞ്ഞത്. വലുതാകുമ്പോള്‍ എനിക്ക് ഇവരെ കല്യാണം കഴിക്കണമെന്ന് സല്‍മാന്‍ തന്റെ വീട്ടില്‍ പറഞ്ഞിരുന്നതായി രേഖയും പറയുന്നുണ്ട്. ഇതുകൊണ്ടാകാം എന്റെ കല്യാണം ഇതുവരെ നടക്കാത്തതെന്നായിരുന്നു പിന്നീട് സല്‍മാന്‍ ഖാന്‍ പറഞ്ഞത്. ഇത് കേട്ടതും ചിലപ്പോള്‍ ഇതുകൊണ്ടാകാം എന്റെ കല്യാണവും നടക്കാതെ പോയതെന്ന് രേഖയും പറയുകയായിരുന്നു.

അതേസമയം സല്‍മാന്റെ വിവാഹം ഒരിക്കല്‍ തീരുമാനിച്ചിരുന്നു. സംഗീത ബിജ്‌ലാനിയെ വിവാഹം കഴിക്കാന്‍ ഇരുന്നതായിരുന്നു സല്‍മാന്‍ ഖാന്‍. ഇരുവരും ഏറെ നാള്‍ പ്രണയിച്ച ശേഷമായിരുന്നു വിവാഹം കഴിക്കാന്‍ തീരുമാനിക്കുന്നത്. വിവാഹത്തിനുള്ള തയ്യാറെടുപ്പുകളും ആരംഭിച്ചിരുന്നു. അതിഥികള്‍ക്കായുള്ള ക്ഷണക്കത്തും തയ്യാറായിരുന്നു. എന്നാല്‍ അവസാന നിമിഷം സല്‍മാന്‍ വിവാഹത്തില്‍ നിന്നും പിന്മാറുകയായിരുന്നു. പിന്നീടും പ്രണയിച്ചുവെങ്കിലും സല്‍മാന്‍ ഖാന്‍ വിവാഹം കഴിക്കാന്‍ തയ്യാറായിട്ടില്ല. ഇതിനിടെ കത്രീന കൈഫുമായുള്ള പ്രണയം വിവാഹത്തിലേക്ക് എത്തുന്നതായി റിപ്പോര്‍ട്ടുകളുണ്ടായിരുന്നു. എന്നാല്‍ പിന്നീട് ഇവര്‍ പിരിയുകയായിരുന്നു.

Recommended Video

വീട്ടിലെ അവസ്ഥ ഇപ്പോഴും ശോകമാണ്.. | Aishwarya Lekshmi Reveals | Archana 31 Not Out | Filmibeat

അന്തിം ആണ് സല്‍മാന്‍ ഖാന്റെ അവസാനം പുറത്തിറങ്ങിയ സിനിമ. ചിത്രത്തില്‍ സല്‍മാന്റെ സഹോദരി ഭര്‍ത്താവായ ആയുഷ് ശര്‍മയും ഒരു പ്രധാന വേഷത്തിലെത്തിയിരുന്നു. ടൈഗര്‍ പരമ്പരയിലെ പുതിയ സിനിമയായ ടൈഗര്‍ ത്രീയാണ് സല്‍മാന്റേതായി അണിയറയില്‍ തയ്യാറെടുക്കുന്ന സിനിമ. കത്രീന കൈഫ് ആണ് ചിത്രത്തിലെ നായിക.