ശ്രദ്ധ കപൂര്‍ കട്ട പ്രണയത്തില്‍, കാമുകനുമായുള്ള ചാറ്റ് പുറത്ത്! പുലിവാല് പിടിച്ചൊരു അതിബുദ്ധി!

ശ്രദ്ധ കപൂര്‍ പ്രണയത്തിലാണെന്ന തരത്തിലുള്ള വാര്‍ത്തകളാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായി മാറിയിരിക്കുന്നത്. സംഭവങ്ങളുടെ തുടക്കം സെലിബ്രിറ്റി ഫോട്ടോഗ്രാഫറായ വൈറല്‍ ഭയനിയുടെ ഒരു പോസ്റ്റായിരുന്നു. മുംബൈയിലെ ഒരു സ്റ്റുഡിയോയില്‍ നിന്നും പുറത്തേക്ക് വരുന്ന ശ്രദ്ധയുടെ ചിത്രമായിരുന്നു ഫോട്ടോഗ്രാഫര്‍ പങ്കുവച്ചത്. ചിത്രത്തില്‍ തന്റെ മൊബൈല്‍ ഫോണില്‍ നോക്കി ചിരിച്ചു കൊണ്ട് നടന്നു വരുന്ന ശ്രദ്ധ കപൂറിനെയായിരുന്നു കാണാന്‍ സാധിച്ചത്.

ഈ ചിത്രത്തിന് നല്‍കിയിരുന്ന ക്യാപ്ഷന്‍ മുംബൈയിലെ ഷൂട്ടില്‍ നിന്നും പുറത്തേക്ക് വരുന്ന ശ്രദ്ധ കപൂര്‍. തന്റെ ഫോണില്‍ നോക്കി നാണത്തോടെ ചിരിച്ചു കൊണ്ടാണ് ശ്രദ്ധ നടന്നു വരുന്നത്. ആരോടെ സംസാരിക്കുകയാണ് എന്നായിരുന്നു. മൂന്ന് ലവ് ഇമോജികളായിരുന്നു ശ്രദ്ധ സംസാരിക്കുന്ന വ്യക്തിയുടെ പേരിന് പകരം നല്‍കിയിരുന്നത്. പിന്നാലെ അവര്‍ നടത്തിയ ചാറ്റ് എന്ന തരത്തിലുള്ള ചിത്രങ്ങളും പങ്കുവച്ചിരുന്നു. എന്നാല്‍ ഒറ്റ നോട്ടത്തില്‍ തന്നെ ഈ ചിത്രം ഫോട്ടോഷോപ്പ് ആണെന്ന് വ്യക്തമായിരുന്നു. ഇതോടെ സോഷ്യല്‍ മീഡിയയില്‍ വിമര്‍ശനം ഉയരുകയായിരുന്നു.

ചിത്രത്തില്‍ ശ്രദ്ധയുടെ കൈയ്യിലുള്ള ഫോണും ചിത്രത്തിലുള്ള ഫോണും വേറെ വേറെയാണെന്നും സോഷ്യല്‍ മീഡിയ ചൂണ്ടിക്കാണിച്ചു. ചാറ്റ് ഫോട്ടോഷോപ്പ് ചെയ്ത് എഡിറ്റ് ചെയ്തതാണെന്നും സോഷ്യല്‍ മീഡിയ ചൂണ്ടിക്കാണിച്ചു. ഈ ചെയ്തത് നാണം കെട്ട പ്രവര്‍ത്തിയാണെന്നും വൈറല്‍ ആകാന്‍ വേണ്ടി എന്ത് തരംതാണ പ്രവര്‍ത്തിയും കാണിക്കാമെന്നാണോ കരുതിയിരിക്കുന്നത്, അല്‍പ്പമെങ്കിലും നാണം കാണിക്കുവെന്നെല്ലാമായിരുന്നു സോഷ്യല്‍ മീഡിയയുടെ വിമര്‍ശനം. ഇതൊരു തമാശയായിരുന്നുവെങ്കില്‍ വളരെ മോശം തമാശയാണെന്നും സത്യമാണെങ്കില്‍ ഒരാളുടെ സ്വകാര്യതയിലേക്കുള്ള കടന്നു കയറ്റമാണ്. എങ്ങനെ ന്യായീകരിച്ചാലും അംഗീകരിക്കാന്‍ സാധിക്കില്ലെന്നും സോഷ്യല്‍ മീഡിയ പറയുന്നു.

ഫിനാലെ കാണുമ്പോൾ വോട്ട് ചെയ്തവർ അഭിമാനത്തോടെ ചിരിക്കും, ഫിറോസ് പറഞ്ഞത് ഇതാണോ, നന്ദി പറഞ്ഞ് താരം

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം രണ്‍ബീര്‍ കപൂറിനൊപ്പമുള്ള ലവ് രഞ്ജന്‍ ചിത്രത്തിലാണ് ശ്രദ്ധ കപൂര്‍ അഭിനയിക്കുന്നത്. ചിത്രത്തിന് പേരിട്ടിട്ടില്ല്. നാഗിന്‍ എന്ന ട്രയോളജിയും അണിയറയിലൊരുങ്ങുന്നുണ്ട്. ബോളിവുഡ് ഏറെ പ്രതീക്ഷയോടെ കാണുന്ന താരമാണ് ശ്രദ്ധ കപൂര്‍. നേരത്തെ നടന്‍ സുശാന്ത് സിങ് രജ്പുത്തിന്റെ മരണ സമയത്ത് നേരിട്ടെത്തിയ താരങ്ങളില്‍ ഒരാളായിരുന്നു ശ്രദ്ധ കപൂര്‍. ഇതിന് പിന്നാലെ ശ്രദ്ധയ്ക്ക് സോഷ്യല്‍ മീഡിയയുടെ വലിയ തോതിലുള്ള പ്രശംസ ലഭിച്ചിരുന്നു. ശക്തി കപൂറിന്റെ മകളായ ശ്രദ്ധ ടീന്‍ പത്തിയെന്ന സിനിമയിലൂടെയാണ് അരങ്ങേറുന്നത്. ബാഗി 3യാണ് ഏറ്റവും ഒടുവില്‍ പുറത്തിറങ്ങിയ സിനിമ.