അഭിഷേക് ഉപേക്ഷിച്ച കഥാപാത്രം സ്വീകരിച്ചത് എന്തിന്? സെയ്ഫ് അലി ഖാന്‍ പറയുന്നു

പിങ്ക് വില്ലയ്ക്ക് നല്‍കിയ അഭിമുഖത്തിലായിരുന്നു സെയ്ഫ് മനസ് തുറന്നത്. ''എനിക്ക് ആദിത്യ ചോപ്രയുടെ ഒരു കോള്‍ വരികയായിരുന്നു. മറ്റൊരു നടന്‍ ചെയ്ത് കഥാപാത്രത്തെ അവതരിപ്പിക്കാന്‍ ബുദ്ധിമുട്ടുണ്ടോ എന്ന് ചോദിച്ചു. ചില കാരണങ്ങളാല്‍ അവര്‍ക്ക് ആ ചര്‍ച്ച മുന്നോട്ട് കൊണ്ട് പോകാന്‍ പറ്റിയിരുന്നില്ലെന്നാണ് പറഞ്ഞത്. എനിക്കതില്‍ എന്തെങ്കിലും പ്രശ്‌നമുണ്ടോ എന്ന് ചോദിച്ചു. ഇത് പോലെ തന്നെയാണ് എനിക്ക് ഹം തും വന്നതെന്ന് ഞാന്‍ പറഞ്ഞു. എല്ലാവര്‍ക്കും ഓക്കെയാണെങ്കില്‍, വിവാദങ്ങളോടെ എതിര്‍പ്പുകളുമില്ലെങ്കില്‍ ഞാന്‍ തയ്യാറആണ്. തീര്‍ത്തും വ്യത്യസ്തമായ കഥാപാത്രമാണ്. സാധാരണയില്‍ നിന്നും തീര്‍ത്തും വ്യത്യസ്തം'' എന്നായിരുന്നു സെയ്ഫ് പറഞ്ഞത്.

അതേസമയം സ്‌പോട്ട്‌ബോയ്ക്ക് നല്‍കിയ അഭിമുഖത്തില്‍ താരതമ്യങ്ങളെക്കുറിച്ച് റാണി മുഖര്‍ജിയും മനസ് തുറന്നിരുന്നു. ''താരതമ്യം ചെയ്യാന്‍ ആളുകള്‍ക്ക് ഇഷ്ടമാണ്. അതിനാല്‍ രണ്ട് സിനിമകളേയും താരതമ്യം ചെയ്യരുതെന്ന് പറയുന്നതില്‍ അര്‍ത്ഥമില്ല. അവരത് സോഷ്യല്‍ മീഡിയയിലൂടെ ചെയ്യും. പക്ഷെ സത്യത്തില്‍ അതേസമയം തന്നെ മനസിലാക്കേണ്ടത് ബണ്ടി ഓര്‍ ബബ്ലി 2 വേറൊരു സിനിമയാണെന്നതാണ്. 2005ലെ സിനിമയല്ല ഇത്'' എന്നായിരുന്നു റാണി മുഖര്‍ജി പറഞ്ഞത്.

വരുണ്‍ വി ശര്‍മയാണ് രണ്ടാം ഭാഗം സംവിധാനം ചെയ്തിരിക്കുന്നത്. റാണിയ്ക്കും സെയ്ഫിനുമാപ്പം യുവ നടന്‍ സിദ്ധാന്ത് ചതുര്‍വേദിയും പുതുമുഖ നടി ഷര്‍വരി വാഗും പ്രധാന വേഷങ്ങൡലെത്തുന്ന ചിത്രത്തില്‍ പങ്കജ് ത്രിപാഠിയും അഭിനയിക്കുന്നുണ്ട്. ആദ്യ ഭാഗം ബോളിവുഡിലെ കള്‍ട്ട് ക്ലാസിക്കുകളിലൊന്നാണ്. ഷാദ് അലിയായിരുന്നു ഒന്നാം ഭാഗം സംവിധാനം ചെയ്തത്. അമിതാഭ് ബച്ചനും ചിത്രത്തില്‍ പ്രധാന വേഷത്തിലെത്തിയിരുന്നു. ഐശ്വര്യയുടെ ഡാന്‍സും ചിത്രത്തിലെ പ്രധാന ഹൈലൈറ്റായിരുന്നു. ആദിത്യ ചോപ്രയുടേതായിരുന്നു കഥ. തിരക്കഥ ജയ്ദീപ് സാഹ്നിയും.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം സെയ്ഫ് അലി ഖാന്റേതായി നിരവധി സിനിമകളാണ് പുറത്തിറങ്ങാനുള്ളത്. തെലുങ്കിലേക്ക് ചുവടുവെക്കുകയാണ് സെയ്ഫ്. പ്രഭാസ് ചിത്രം ആദിപുരുഷിലെ വില്ലന്‍ വേഷത്തിലൂടെയാണ് സെയ്ഫ് തെലുങ്കിലെത്തു്ന്നത്. ഭൂത് പോലീസായിരുന്നു ബണ്ടി ഓര്‍ ബബ്ലിയ്ക്ക് മുമ്പ് പുറത്തിറങ്ങിയ ചിത്രം. റാണിയുടെ മര്‍ദാനി 2വിന് ശേഷം പുറത്തിറങ്ങുന്ന ചിത്രമാണ് ബണ്ടി ഓര്‍ ബബ്ലി 2. നിരവധി സിനിമകള്‍ റാണിയുടേതായി അണിയറയില്‍ തയ്യാറെടുക്കുന്നുണ്ട്.