മോദി പറഞ്ഞു അൽപം വൈകിയെങ്കിലും ഷാരൂഖ് അത് കേട്ടു!! ജനങ്ങളോട് അത് വൈകരുതെന്ന് താരം..

മോദി പറഞ്ഞു ഷാരൂഖ് അത് കേട്ടൂ

ലോകത്തിലെ ഏറ്റവും വലിയ ജനാധിപത്യ പ്രക്രിയയിൽ ഭാഗമാകാൻ ജനങ്ങളോട് അഭ്യർഥിച്ച് ബോളിവുഡ് താരം ഷാരൂഖ് ഖാൻ. സ്വന്തമായി പുറത്തിറക്കിയ റാപ് വീഡിയോയിലൂടെയാണ് താരം വോട്ട് അഭ്യർഥിച്ചിരിക്കുന്നത്. പ്രധാന മന്ത്രി ക്രിയേറ്റിവിറ്റി ആവശ്യപ്പെട്ടിരുന്നു. ഇതിന്റെ പ്രതികരണം എന്ന നിലയിലാണ ഷാരൂഖ് സ്വന്തമായി ഒരു റാംപ് വീഡിയോ പുറത്തിറക്കിയത്.

വീഡിയോ ഇറക്കാൻ വൈകിപ്പോയി

പ്രധാനമന്ത്രി പറഞ്ഞതിനനുസരിച്ച് മ്യൂസിക്കൽ വീഡിയോ പുറത്തിറക്കാൻ വൈകിയെങ്കിലും വോട്ട് ചെയ്യാൻ ആരും കാല താമസം വരുത്തരുതെന്ന് ഷാരൂഖ് ആമുഖമായി പറയുന്നുണ്ട്. വോട്ട് നമ്മുടെ അവകാശം മാത്രമല്ല അധികാരം കൂടിയാണെന്നും താരം ട്വീറ്ററിൽ കുറിച്ചു. ഷാരൂഖിന്റെ ഈ ഉദ്യമത്തെ അഭിനന്ദിച്ച് പ്രധാനമന്ത്രി രംഗത്തെത്തിയിട്ടുണ്ട്.

ഗംഭീര പ്രയത്നം

ഷാരൂഖിന്റെ റാപ് വീഡിയോ കുറിച്ച് മോദിയുടെ വാക്കുകൾ ഇങ്ങനെയായിരുന്നു. ഗംഭീര പ്രയത്നം, രാജ്യത്തെ വോട്ടർമാർ, പ്രത്യേകിച്ചും കന്നി വോട്ടർമാർ തീർച്ചയായും തങ്കളുടെ അഭ്യർത്ഥന കേൾക്കുകയും വലിയ തോതിൽ വോട്ട് ചെയ്യാൻ എത്തുമെന്ന് തനിയ്ക്ക് ഉറപ്പുണ്ടെന്നും മോദി പറഞ്ഞു. അതേസമയം ഏതെങ്കിലും ഒരു പ്രത്യേക പാർട്ടിയ്ക്കോ സ്ഥാനാർഥിയ്ക്കോ വേണ്ടിയല്ല താരം വീഡിയോ പുറത്തിറക്കിയത്. എബി വിരാലിന്റെ വരികൾക്ക് തനിഷ്ക ബാഗ്ചിയാണ് ഷാരൂഖിന്റെ മ്യൂസിക് വീഡിയോയ്ക്ക് സംഗീതം നൽകിയത്.

വോട്ട് ആരാഞ്ഞ് താരങ്ങൾ

പ്രേക്ഷകരോട് വോട്ട് അഭ്യർഥിച്ച് താരങ്ങൾ രംഗത്തെത്തിയിരുന്നു. വോട്ട് ജനങ്ങളുടെ അവകാശമാണെന്നും നല്ല ഭരണത്തിനായി വോട്ട് ചെയ്യണമെന്നുമായിരുന്നു പ്രേക്ഷകരോടുള്ള താരങ്ങളുടെ അഭ്യർഥന. ഇക്കുറി നിരവധി താരങ്ങൾ ജനവിധി തേടുന്നുണ്ട്.