ഇതിനൊക്കെ ഉത്തരം നല്‍കി മടുത്തു! വിവാഹമോചന അഭ്യൂഹങ്ങള്‍ക്കിടെ ചര്‍ച്ചയായി പ്രിയങ്കയുടെ വാക്കുകള്‍

ഇതിനിടെ ഇപ്പോഴിതാ പ്രിയങ്കയുടെ വാക്കുകളും സോഷ്യല്‍ മീഡിയയില്‍ വൈറലാവുകയാണ്. വിവാഹ ശേഷം താന്‍ സ്ഥിരമായി കേള്‍ക്കുന്ന ചോദ്യങ്ങളെക്കുറിച്ചുള്ള പ്രിയങ്കയുടെ വാക്കുകളാണ് ശ്രദ്ധ നേടുന്നത്. താന്‍ മറുപടി നല്‍കി തളര്‍ന്നു പോയ ചോദ്യങ്ങളെക്കുറിച്ച് പ്രിയങ്ക ഒരു അഭിമുഖത്തില്‍ തുറന്നു പറഞ്ഞിരുന്നു. ആ വാക്കുകളാണ് സോഷ്യല്‍ മീഡിയയില്‍ ചര്‍ച്ചയായി മാറിയിരിക്കുന്നത്. തനിക്ക് ഉത്തരം നല്‍കാന്‍ താല്‍പര്യമില്ലാത്ത ചോദ്യമായി താരം ആദ്യം പറഞ്ഞത് വിവാഹം ശേഷം പ്രിയങ്കയ്ക്കുണ്ടായ മാറ്റം എന്താണ് എന്നായിരുന്നു. തനിക്ക് എന്തെങ്കിലും മാറ്റം വന്നതായി തോന്നുന്നുണ്ടോയെന്നും തന്റെ രൂപവും നിറവുമൊക്കെ പഴയ് തന്നെയാണെന്നും പ്രിയങ്ക പറയുന്നു.

രണ്ടാമതായി പ്രിയങ്ക ഉത്തരം നല്‍കി മടുത്ത ചോദ്യം ഇന്ത്യയിലേക്ക് തിരികെ വരുന്നതിനെക്കുറിച്ച് എന്ത് തോന്നുന്നുവെന്നാണ്. താന്‍ ഒരാളെ കണ്ടുമുട്ടിയെന്ന് കരുതി അങ്ങനെ ചോദിക്കുന്നതില്‍ അര്‍ത്ഥമില്ലെന്നും താന്‍ ഇന്ത്യയില്‍ കുറച്ച് കാലത്തേക്ക് ഉണ്ടായിരുന്നില്ലെന്നും അര്‍ത്ഥമില്ലെന്നായിരുന്നു പ്രിയങ്ക പറഞ്ഞത്. എന്നാല്‍ ഇന്ത്യയിലില്ലെങ്കില്‍ ഇതുപോലെ അഭിമുഖങ്ങള്‍ നല്‍കാന്‍ സാധിക്കില്ലായിരുന്നുവെന്ന് തമാശയായി പറയുന്ന പ്രിയങ്ക താന്‍ ഇന്ത്യയിലേക്ക് തിരികെ വരില്ലെന്ന് തന്റെ വിവാഹത്തിന് അര്‍ത്ഥമില്ലെന്നും പ്രിയങ്ക പറഞ്ഞു.

മൂന്നാമതായി പ്രിയങ്കയെ മടുപ്പിക്കുന്ന ചോദ്യം ഇപ്പോള്‍ എന്ത് തോന്നുന്നുവെന്നതാണ്. തീര്‍ത്തും അര്‍ത്ഥരഹിതമായ ചോദ്യമാണത് എന്നാണ് പ്രിയങ്ക പറയുന്നത്. തണുപ്പും ചൂടും ക്ഷീണവുമൊക്കെ ആളുകള്‍ക്ക് തോന്നുന്ന കാര്യങ്ങളാണ്. പക്ഷെ ഈ ചോദ്യത്തിന് മറുപടി നല്‍കാന്‍ തനിക്ക് അറിയില്ലെന്നും എന്ത് മറുപടിയാണ് ഞാന്‍ നല്‍ുക എന്നുമാണ് പ്രിയങ്ക പറയുന്നത്. താരത്തിന്റെ വാക്കുകള്‍ ശ്രദ്ധ നേടുകയാണ് ഇപ്പോള്‍ വീണ്ടും. അതേസമയം നിക്കും പ്രിയങ്കയും വിവാഹമോചിതരാവുകയാണ് എന്ന സോഷ്യല്‍ മീഡിയ അഭ്യൂഹങ്ങള്‍ക്ക് മറുപടിയുമായി പ്രിയങ്കയുടെ അമ്മ മധു ചോപ്ര രംഗത്ത് എത്തിയിരിക്കുകയാണ്.

Recommended Video

Priyanka chopra's natural hair mask

ന്യൂസ് 18 നോടായിരുന്നു മധു ചോപ്രയുടെ പ്രതികരണം. പ്രിയങ്കയും നിക്കും പിരിയുന്നില്ലെന്നും തെറ്റായ വാര്‍ത്തകള്‍ പ്രചരിപ്പിക്കരുതെന്നുമായിരുന്നു മധുവിന്റെ പ്രതികരണം. ''ഇതൊക്കെ മണ്ടത്തരങ്ങളാണ്. കിംവദന്തികള്‍ പ്രചരിപ്പിക്കരുത്'' എന്നായിരുന്നു മധു ചോപ്രയുടെ പ്രതികരണം. പിന്നാലെ പ്രിയങ്കയുടെ സുഹൃത്തും പ്രതികരണവുമായി എത്തി. വാര്‍ത്തകള്‍ തീര്‍ത്തും അടിസ്ഥാന രഹിതമാണെന്നാണ് സുഹൃത്തിന്റെ പ്രതികരണം. ഇടൈംസിനോടായിരുന്നു പ്രിയങ്കയുടെ മുംബൈയിലുള്ള അടുത്ത സുഹൃത്തിന്റെ പ്രതികരണം. പിന്നാലെ നിക്കിന്റെ പുതിയ ചിത്രത്തിന് പ്രിയങ്ക നല്‍കിയ കമന്റും ശ്രദ്ധ നേടുകയാണ്. വിവാഹ മോചന വാര്‍ത്തകള്‍ സോഷ്യല്‍ മീഡിയയുടെ തെറ്റിദ്ധാരണ മാത്രമാണെന്നാണ് വിലയിരുത്തപ്പെടുന്നത്. ഇതോടെ സോഷ്യല്‍ മീഡിയയുടെ ചര്‍ച്ചകളും അവസാനിക്കുകയാണ്.