കാമുകനെ യുവതികള്‍ക്കൊപ്പം ഹോട്ടല്‍ മുറിയില്‍ വച്ച് കണ്ട പ്രിയങ്ക; ബോളിവുഡിനെ ഞെട്ടിച്ച രഹസ്യങ്ങള്‍!

പ്രിയങ്ക ചോപ്രയെ വഞ്ചിച്ച ഹര്‍മന്‍ ബവേജ

നിക്ക് ജൊനാസുമായുള്ള വിവാഹത്തിനൊക്കെ കുറേ മുമ്പ് ഹര്‍മനും പ്രിയങ്കയും തമ്മില്‍ പ്രണയത്തിലായിരുന്നു. അഞ്ച് വര്‍ഷത്തോളം ഇരുവരും ഒരുമിച്ചായിരുന്നു. പിന്നീട് ഇവര്‍ പിരിയുകയായിരുന്നു. എന്തായിരുന്നു പിരിയാനുള്ള കാരണമെന്ന് ഇരുവരും ഇതുവരേയും പുറത്ത് പറഞ്ഞിട്ടില്ല. എങ്കിലും ഗോസിപ്പ് കോളങ്ങള്‍ പറയുന്നത് പ്രിയങ്കയെ ഹര്‍മന്‍ വഞ്ചിക്കുകയായിരുന്നു എന്നാണ്. ആഫ്രിക്കയില്‍ നടന്നൊരു ഷൂട്ടിംഗിനിടെ പ്രിയങ്ക ഹര്‍മനെ രണ്ട് യുവതികള്‍ക്കൊപ്പം ഹോട്ടല്‍ മുറിയില്‍ വച്ച് കണ്ടുവെന്നും ഇതോടെയാണ് പിരിയാന്‍ പ്രിയങ്ക തീരുമാനിച്ചതെന്നും ഗോസിപ്പ് കോളങ്ങള്‍ പറയുന്നു. വാര്‍ത്ത പുറത്തറിയാതെ ആ ഹോട്ടല്‍ ശ്രമിച്ചുവെന്നും പറയപ്പെടുന്നു. എന്തായാലും ഹര്‍മന് പ്രതീക്ഷിച്ചത് പോലൊരു കരിയര്‍ ബോളിവുഡില്‍ പടുത്തുയര്‍ത്താന്‍ സാധിച്ചില്ല.

സഞ്ജയ് ദത്തിനെ സഹായിച്ച് മാധുരി

ബോളിവുഡിലെ വിവാദ നായകനാണ് സഞ്ജയ് ദത്ത്. കരിയറിന്റെ തുടക്കം മുതല്‍ ഒരുപാട് വിവാദങ്ങളില്‍ പെടുകയും ജയിലില്‍ കിടക്കുകയും ചെയ്തിട്ടുണ്ട് സഞ്ജയ് ദത്ത്. മാധുരിയും സഞ്ജയും തമ്മില്‍ അടുപ്പത്തിലായിരുന്നുവെന്ന് ഒരു സമയത്ത് റിപ്പോര്‍ട്ടുകളുണ്ടായിരുന്നു. ഈ സമയത്ത് സഞ്ജയ് ദത്തിനെ മയക്കുമരുന്നുകളുടെ ലോകത്തു നിന്നും രക്ഷപ്പെടാന്‍ മാധുരി ഒരുപാട് സഹായിച്ചിരുന്നു. എന്തായാലും ഈ ബന്ധത്തിന് അധികം ആയുസുണ്ടായിരുന്നില്ല. ഇരുവരും പിന്നീട് പിരിഞ്ഞു.

മഹേഷ് ഭട്ടും പര്‍വീണ്‍ ബബിയും

ബോളിവുഡിലെ ഏറ്റവും വലിയ വിവാദങ്ങളിലൊന്നായിരുന്നു മഹേഷ് ഭട്ടും പര്‍വീനും തമ്മിലുള്ള ബന്ധം. വിവാഹിതനായിരുന്ന മഹേഷ് തന്റെ ഭാര്യയില്‍ നിന്നും മാറി താരത്തിനൊപ്പം താമസിക്കാന്‍ തുടങ്ങിയിരുന്നു. എന്നാല്‍ ഇരുവരും പിന്നീട് പിരിഞ്ഞു. എന്താണ് ഇതിന്റെ കാരണമെന്ന് വ്യക്തമല്ല. എങ്കിലും പര്‍വീണിന്റെ മാനസികപ്രശ്‌നങ്ങളായിരുന്നു കാരണമെന്നാണ് പലരും പറയുന്നത്. മഹേഷിനെ പര്‍വീണ്‍ ആക്രമിക്കാന്‍ ശ്രമിച്ചുവെന്നും അതോടെ മഹേഷ് അവിടെ നിന്നും എന്നന്നേക്കുമായി പോവുകയായിരുന്നുവെന്നുമാണ് റിപ്പോര്‍ട്ടുകള്‍.

Recommended Video

Priyanka chopra's natural hair mask

സീനത്ത് അമനെ മര്‍ദ്ദിച്ച സഞ്ജയ് ഖാന്‍

സൂസെയ്ന്‍ ഖാന്റെ പിതാവാണ് സഞ്ജയ് ഖാന്‍. അദ്ദേഹത്തിന്റെ രണ്ടാമത്തെ ഭാര്യയായിരുന്നു സീനത്ത് അമന്‍. വിവാഹ ശേഷവും ഒരുമിച്ച് പൊതു ഇടങ്ങളില്‍ വരുന്നതിന് സഞ്ജയ്ക്ക് എതിര്‍പ്പായിരുന്നുവെന്നാണ് റിപ്പോര്‍ട്ടുകള്‍ പറയുന്നത്. ഒരു തവണ സഞ്ജയ് ഖാന്റെ വിലക്ക് മറി കടന്ന് സീനത്ത് പൊതുവേദിയിലെത്തി. ഇത് സഞ്ജയ് ഖാനെ ചൊടിപ്പിച്ചു. ആ സമയം അദ്ദേഹത്തിന്‍രെ മുന്‍ ഭാര്യയായ സറീന്‍ ഖാനും കൂടെയുണ്ടായിരുന്നു. ഇരുവരും ചേര്‍ന്ന് സീനത്തിനെ പരസ്യമായി മര്‍ദ്ദിക്കുകയായിരുന്നു. ഇതാണ് സീനത്തിന്റെ കാഴ്ചയെ പോലും ബാധിക്കാനുണ്ടായ കാരണമെന്നും പറയപ്പെടുന്നു.