അമിതാഭ് ബച്ചൻ ഇല്ലാത്തപ്പോൾ രേഖയെ വീട്ടിലേക്ക് ക്ഷണിച്ച ജയ; പിന്നീട് അവിടെ സംഭവിച്ചത്!

എന്നാല്‍ പല അഭിമുഖങ്ങളിലും തന്റെ ഇഷ്ടത്തെ കുറിച്ചുള്ള സൂചനകൾ രേഖ നൽകിയിരുന്നു. സ്വന്തം പ്രതിഛായ നശിക്കാതെ ഇരിക്കാനും മക്കളുടെയും കുടുംബത്തെയും സംരക്ഷിക്കുന്നതിന് വേണ്ടിയുമാണ് ബച്ചന്‍ ഒന്നും മിണ്ടാതെയിരിക്കുന്നതെന്നും രേഖ പറഞ്ഞിരുന്നു. ഇതോടെ ബച്ചൻ രേഖയുമായി പിണങ്ങി. എന്നാൽ വർഷങ്ങൾ കഴിയുന്നതിന് അനുസരിച്ച് എല്ലാം പതിയെ കെട്ടടങ്ങി.

അതേസമയം, ഈ വിഷയം ബി ടൗണിൽ കത്തി നിൽക്കുന്നതിനിടെ ജയാ ബച്ചൻ രേഖയെ വീട്ടിലേക്ക് അത്താഴത്തിനായി ക്ഷണിച്ചിരുന്നു. അമിതാഭ് ബച്ചൻ ഇല്ലാത്ത സമയം നോക്കി ആയിരുന്നു ജയ ഇത്തരമൊരു നീക്കം നടത്തിയത്. ഇവരുടെ പ്രണയബന്ധം സംബന്ധിച്ച വാർത്തകൾ വ്യാപകമായപ്പോൾ അതിനെ കുറിച്ച് സംസാരിക്കാനാണ് ജയ, ബച്ചൻ മുംബൈയിൽ ഇല്ലാത്ത സമയം നോക്കി. രേഖയെ വീട്ടിലേക്ക് ക്ഷണിച്ചത് എന്നാണ് റിപ്പോർട്ടുകൾ.

ഒരിക്കൽ രേഖ തന്നെ ഈ കൂടിക്കാഴ്ചയെ കുറിച്ച് തുറന്നു പറഞ്ഞിരുന്നു. ജയ ബച്ചൻ തന്നെ അത്താഴത്തിന് ക്ഷണിച്ചുവെന്നും തർക്കമുണ്ടാകുമെന്ന് കരുതി തയ്യാറായാണ് പോയത്. എന്നാൽ, അങ്ങനെയൊന്നും സംഭവിച്ചില്ലെന്ന് രേഖ പറഞ്ഞു. 'ജയ ആദ്യം ബന്ധം കാര്യമാക്കിയില്ല. എന്നാൽ തന്റെ ഭർത്താവ് വൈകാരികമായി അതുമായി ബന്ധപ്പെട്ട് നിൽക്കുമ്പോഴാണ് അവർ തകർന്നു പോയത്,' എന്ന് രേഖ ഒരു അഭിമുഖത്തിൽ പറഞ്ഞിരുന്നു.

'ഒരു വൈകുന്നേരമാണ് എന്നെ അത്തായത്തിന് ക്ഷണിക്കുന്നത്. അന്ന് അമിതാഭ് ബച്ചനെ കുറിച്ച് ഒഴിച്ച് മറ്റെല്ലാ കാര്യങ്ങളും ഞാൻ മടങ്ങും വരെ സംസാരിച്ചു. 'എന്ത് സംഭവിച്ചാലും അമിതാഭ് ബച്ചനെ താൻ ഉപേക്ഷിക്കില്ലെന്ന്' വ്യക്തമാക്കാൻ അവർ പ്രത്യേകം ശ്രദ്ധിച്ചിരുന്നു,' രേഖ ആ കൂടിക്കാഴ്ചയെ കുറിച്ച് പറഞ്ഞു നിർത്തി.

ഗോസിപ്പുകൾക്കിടയിൽ ജയ ബച്ചൻ എടുത്ത നിലപാട് ഏറെ അഭിനന്ദനം ഏറ്റുവാങ്ങിയിരുന്നു. ഇൻഡസ്ട്രി മുഴുവൻ വിഷയം ചർച്ച ചെയ്യുമ്പോൾ ജയ വിഷയത്തിൽ മൗനം പാലിക്കുകയും തന്റെ മാന്യത പുലർത്തുകയും ചെയ്തിരുന്നു. ജയയുടെ ആ നിലപാടുകൾ ഒക്കെ തന്നെയാണ് ഇന്നും ഇവരെ ബോളിവുഡിന്റെ പവർ കപ്പിളായി നിലനിർത്തുന്നത്.