ക്ലബ്ബില്‍ വച്ച് യുവതികള്‍ക്കൊപ്പം ഡാന്‍സ്, കാമുകന്മാരുമായി തല്ലുണ്ടാക്കി; സെയ്ഫിന്റെ തലയ്ക്ക് പരുക്ക്!

സംഭവം നടക്കുന്നത് 1994 ലായിരുന്നു. മേം കില്ലാഡി തു അനാരി എന്ന സിനിമയുടെ റിലീസിന് പിന്നാലെയായിരുന്നു സംഭവം. സിനിമയുടെ പ്രിമിയറിന് ശേഷം ഒരു നൈറ്റ് ക്ലബ്ബില്‍ വച്ച് സെയ്ഫ് രണ്ടു പേരുമായി തല്ലുണ്ടാക്കുകയായിരുന്നു. പിന്നീടൊരു അഭിമുഖത്തില്‍ ഈ സംഭവത്തെക്കുറിച്ച് സെയ്ഫ് തന്നെ വെളിപ്പെടുത്തുന്നുണ്ട്. അടിയില്‍ നെറ്റിയ്ക്ക് ഇടി കൊണ്ടതെല്ലാം സെയ്ഫ് വെളിപ്പെടുത്തുന്നുണ്ട്. സംഭവത്തെക്കുറിച്ച് പുറത്ത് വന്ന റിപ്പോര്‍ട്ടുകളില്‍ പകുതി ശരിയും പകുതി തെറ്റാണെന്നും സെയ്ഫ് പറയുന്നു.

അടിയുണ്ടായിട്ടുണ്ടെന്ന് സെയ്ഫ് അലി ഖാന്‍ തുറന്നു സമ്മതിച്ചു. സുഹൃത്തുക്കളും കൂടെയുണ്ടായിരുന്നുവെന്നും അവിടെ ക്ലബ്ബില്‍ വച്ച് രണ്ട് പെണ്‍കുട്ടികളെ കണ്ടുമുട്ടിയെന്നും തുടര്‍ന്നുണ്ടായ സംഭവങ്ങളാണ് അടിയിലേക്ക് നയിച്ചതെന്നാണ് സെയ്ഫ് പറയുന്നത്. അവര്‍ തങ്ങളോടൊപ്പം നൃത്തം ചെയ്യാന്‍ ആഗ്രഹിച്ചിരുന്നുവെന്നും സെയ്ഫ് പറഞ്ഞു. കുറച്ച് നേരം അങ്ങനെ പോയി. പിന്നെ തങ്ങള്‍ പോവുകയാണെന്ന് പറഞ്ഞു. എന്നാല്‍ അപ്പോഴേക്കും ആ പെണ്‍കുട്ടികളുടെ കാമുകന്മാര്‍ അവിടേക്ക് വരികയായിരുന്നു.

കാമുകന്മാരോട് തങ്ങള്‍ പോവുകയാണെന്നും സാഹചര്യത്തെ നിങ്ങള്‍ കൈകാര്യം ചെയ്യണമെന്നും പറഞ്ഞു. ഞങ്ങള്‍ക്ക് ആരോടും സംസാരിക്കാന്‍ വയ്യെന്നും അവരോട് പറഞ്ഞു. എന്നാല്‍ അവര്‍ക്കത് ഇഷ്ടമായില്ല. നിന്റെ മില്യണ്‍ ഡോളര്‍ മുഖം ഞാന്‍ നശിപ്പിക്കുമെന്ന് പറഞ്ഞ് തല്ലാന്‍ വരികയായിരുന്നുവെന്നും സെയ്ഫ് പറഞ്ഞു. തുടര്‍ന്ന് അടിയുണ്ടായെന്നും തന്റെ നെറ്റിയ്ക്ക് ഇടികൊള്ളുകയും പരുക്കേല്‍ക്കുകയും ചെയ്തുവെന്നും സെയ്ഫ് തന്നെ പറയുന്നു.

Recommended Video

സൈഫ് അലി ഖാന്റെ മകൾക്കെതിരെ ആരോപണം

അതേസമയം സംഭവത്തിന് പിന്നാലെ തന്റെ ഭാര്യയായിരുന്ന അമൃത സിംഗിനോട് താന്‍ മാപ്പ് ചോദിച്ചിരുന്നുവെന്നും സെയ്ഫ് പറയുന്നു. സംഭവത്തില്‍ അമൃത വല്ലാതെ അസ്വസ്ഥയായിരുന്നുവെന്നും സെയ്ഫ് ഓര്‍ക്കുന്നുണ്ട്. എന്തായാലും അതൊക്കെ കഴിഞ്ഞ കാലമാണ്. സെയ്ഫും അമൃതയും പിരിയുകയും സെയ്ഫ് പിന്നീട് കരീന കപൂറിനെ വിവാഹം കഴിക്കുകയും ചെയ്തു. ഈ ബന്ധത്തില്‍ സെയ്ഫിന് രണ്ട് മക്കളാണുളളത്. തൈമുര്‍ അലി ഖാനും ജേഹ് ഖാനും.

സെയ്ഫിന്റേയും മുന്‍ ഭാര്യ അമൃത സിംഗിന്റേയും മകളാണ് സാറ അലി ഖാന്‍. അച്ഛന്റേയും അമ്മയുടേയും പാതയിലൂടെ സാറയും സിനിമയിലെത്തുകയായിരുന്നു. സിമ്പ, കേദാര്‍നാഥ് തുടങ്ങിയ സിനിമകളിലൂടെ ശ്രദ്ധ നേടാനും സാറയ്ക്ക് സാധിച്ചു.