ഇതെന്റെ രോമങ്ങള്‍, ഇതിന്റെ പേരില്‍ ഞാന്‍ മാപ്പ് അപേക്ഷിക്കില്ല; കയ്യടി നേടി നടി തിലോത്തമ

ചിത്രത്തില്‍ തിലോത്തമയുടെ കക്ഷത്തിലെ രോമങ്ങള്‍ ആണ് സോഷ്യല്‍ മീഡിയയുടെ ശ്രദ്ധ നേടിയിരിക്കുന്നത്. ശരീരത്തിലെ രോമം കളയുന്നത് ശീലമായി മാറിയിരിക്കുമ്പോഴും ചിലര്‍ അതിന് തയ്യാറാകാതെ നില്‍ക്കുന്നുണ്ട്. അതില്‍ ഒട്ടും തന്നെ പ്രശ്‌നമില്ലെന്നാണ് തിലോത്തമ തന്റെ പോസ്റ്റിലൂടെ പറയുന്നത്. താരത്തിന്റെ വാക്കുകള്‍ വിശദമായി വായിക്കാം തുടര്‍ന്ന്.

ഞാന്‍ ഒരുപാട് ക്ഷമ പ്രകടിപ്പിക്കാറുണ്ട്. ആരുടെയെങ്കിലും ക്ഷമാപണം പ്രതീക്ഷിച്ച് ഞാന്‍ ക്ഷമ ചോദിക്കുന്നതാണ് ഇതിലെ ഏറ്റവും മോശമായ കാര്യം. ഒരു ഹലോ പറയുന്നത് പോലെ. ഞാന്‍ നല്ലത് എന്തെങ്കിലും ചെയ്തുവെങ്കില്‍ ക്ഷമ ചോദിക്കുന്നു. എന്തുകൊണ്ടെന്നാല്‍ എനിക്ക് അത് അല്‍പ്പം കൂടി നന്നായി ചെയ്യാമായിരുന്നു എന്നാണ് തിലോത്തമ പറയുന്നത്. യുക്തിയ്ക്ക് നിരക്കാത്ത ഒന്ന്, നിശബ്ദതയില്‍ നമ്മുടെ വായില്‍ നിന്ന് അറിയാതെ പോകുന്നത്. ഈ ടി ഷര്‍ട്ട് കുറച്ച് ഉപയോഗിക്കാനും കൂടുതല്‍ അര്‍ത്ഥമാക്കാനുമുള്ള ഓര്‍മ്മപ്പെടുത്തലാണെന്നും താരം പറയുന്നു. ഓ എന്റെ രോമങ്ങളെക്കുറിച്ചാണെങ്കില്‍ അതില്‍ ഞാന്‍ ക്ഷമ ചോദിക്കില്ല. ഇതൊരു പ്രസ്താവനയല്ലെന്നും ഞാന്‍ ചിലപ്പോള്‍ വാക്സ് ചെയ്യും. ചിലപ്പോള്‍ ചെയ്യാതെയും ഇരിക്കും എന്നുമാണ് തിലോത്തമ പറയുന്നത്.

പിന്നാലെ കമന്റിലൂടെ അഭിനന്ദനങ്ങളുമായി നിരവധി പേരാണ് എത്തിയിരിക്കുന്നത്. സാറില്‍ നിങ്ങളെ ഒരുപാട് ഇഷ്ടമായി. ഇപ്പോള്‍ ഈ പോസ്‌ററിന് ശേഷം കൂടുതല്‍ ഇഷ്ടമായി. നിങ്ങള്‍ നിങ്ങളായിരിക്കുന്നത് തന്നെയാണ് സൗന്ദര്യം എന്നായിരുന്നു ഒരാളുടെ കമന്റ്. ഞാന്‍ ഒരുപാട് ആരാധിക്കുന്നൊരാള്‍ക്ക് എങ്ങനെയാണ് ഇത്രയും റിലേറ്റബിള്‍ ആയിരിക്കാന്‍ ്‌സാധിക്കുക എന്ന് ആലോചിച്ചിരിക്കുകയായിരുന്നു കുറച്ച് നേരം ഞാന്‍ എന്നായിരുന്നു മറ്റൊരാളുടെ കമന്റ്. നേരത്തെ മെറ്റ് ഗാലയില്‍ മഡോണയുടെ മകള്‍ ലോര്‍ഡസ് ലിയോണും ഇതേ ആശയം പങ്കുവച്ചു കൊണ്ട് തന്റെ കക്ഷത്തിലെ രോമം പ്രദര്‍ശിപ്പിച്ചു കൊണ്ട് എത്തിയിരുന്നു. താരത്തിന്റെ നിലപാട് വലിയ മാധ്യമ ശ്രദ്ധ നേടിയിരുന്നു.

Recommended Video

Nivin Pauly’s ‘Thuramukham’ postponed due to COVID Surge | FilmiBeat Malayalam

മണ്‍സൂണ്‍ വെഡ്ഡിംഗ് എന്ന ചിത്രത്തിലൂടെയായിരുന്നു തിലോത്തമയുടെ അരങ്ങേറ്റം. ഇംഗ്ലീഷിലും ബംഗാളിയിലും അഭിനയിച്ചിട്ടുള്ള തിലോത്തമ ടേണിംഗ് 30 എന്ന ചിത്രത്തിലൂടെയാണ് ഹിന്ദിയിലെത്തുന്നത്. പിന്നീട് ഷാങ്ഹായ്, കിസ്, ഹിന്ദി മീഡിയം, എ ഡെത്ത് ഇന്‍ ഗ ഗഞ്ച്, സര്‍ തുടങ്ങിയ നിരവധി സിനിമകളില്‍ അഭിനയിച്ചു. കിസയിലെ പ്രകടനം ഏറെ ശ്രദ്ധിക്കെപ്പട്ടിരുന്നു. സാറിലൂടെയും ആരാധകരുടെ ഹൃദയം കീഴടക്കാന്‍ തിലോത്തമയ്ക്ക് സാധിച്ചു. അംഗ്രേസി മീഡിയം എന്ന ചിത്രത്തിലാണ് അവസാനമായി അഭിനയിച്ചത്. ഡിജിറ്റല്‍ രംഗത്തും സാന്നിധ്യം അറിയിച്ചിട്ടുണ്ട് തിലോത്തമ. നിരവധി പുരസ്‌കാരങ്ങളും നേടിയിട്ടുണ്ട് തിലോത്തമ.