തെരുവിലൂടെ തുണിയില്ലാതെ നടക്കുന്നതല്ല ഫാഷന്‍; മുന്‍ഭര്‍ത്താവിനെ ഓസി ജീവിക്കുന്നവര്‍ മിണ്ടരുത്!

ഇപ്പോഴിതാ ഉര്‍ഫിയും നടി ചാഹത്ത് ഖന്നയും തമ്മിലുള്ള വാക് പോര് ചര്‍ച്ചയായി മാറിയിരിക്കുകയാണ്. കഴിഞ്ഞ ദിവസം ഉര്‍ഫി മഞ്ഞ നിറത്തിലുള്ള, ശരീരം പ്രദര്‍ശിപ്പിക്കുന്ന തരത്തിലുള്ള വസ്ത്രം ധരിച്ചെത്തിയിരുന്നു. ഇതിനെ ചാഹത്ത് വിമര്‍ശിച്ചെത്തുകയായിരുന്നു. ചീപ്പ് എന്നായിരുന്നു ചാഹത്ത് ഉര്‍ഫിയെ വിളിച്ചത്. പിന്നാലെ ചാഹത്തിന് മറുപടിയുമായി ഉര്‍ഫിയെത്തുകയായിരുന്നു. താരത്തിന്റെ വാക്കുകള്‍ വായിക്കാം.

ഗുണ്ട എന്നാണ് ചാഹത്തിനെ ഉര്‍ഫി വിശേഷിപ്പിച്ചിരിക്കുന്നത്. താന്‍ എന്ത് ധരിക്കുന്നുവെന്നതും താന്‍ എവിടെ പോകുന്നുവെന്നതും മറ്റാരേയും ബാധിക്കുന്ന കാര്യമല്ലെന്നായിരുന്നു ഉര്‍ഫിയുടെ പ്രതികരണം. രണ്‍വീര്‍ സിംഗിന്റെ ഫോട്ടോഷൂട്ടിന് പ്രശംസിച്ച ചാഹത്ത് തന്നെ വിമര്‍ശിക്കുന്നത് ഇരട്ടത്താപ്പാണെന്നും ഉര്‍ഫി പറഞ്ഞു.

''കുറഞ്ഞത് ഞാന്‍ പൂവ് വാങ്ങാനല്ല പോകുന്നത്. നിങ്ങള്‍ ഹോം വര്‍ക്ക് ചെയ്തിരുന്നുവെങ്കില്‍ മനസിലായേനെ ഞാന്‍ അവിടെ പോയത് ഒരു ഇന്റര്‍വ്യുവിനാണെന്ന്. അത് നിങ്ങളുടെ ബിസിനസല്ല. പണം കൊടുത്തിട്ടും പാപ്പരാസികള്‍ നിങ്ങളെ കവര്‍ ചെയ്യുന്നില്ലെന്നതന്റെ അസൂയയാണ് നിങ്ങള്‍ക്ക്. ഈ ഭൂമിയില്‍ ആരെന്ത് ചെയ്താലും നിങ്ങള്‍ക്കെന്താണ്. രണ്‍വീര്‍ സിംഗിന്റെ സ്‌റ്റോറി അപ്പ്‌ലോഡ് ചെയ്തത് എന്തിനാണ്. ഇത് നിങ്ങളുടെ ഇരട്ടത്താപ്പ് കാണിച്ചു തരുന്നുണ്ട്. നിങ്ങള്‍ രണ്ട് വട്ടം വിവാഹ മോചിതയായതും പ്രായം കുറഞ്ഞവരെ ഡേറ്റ് ചെയ്യുന്നതും ഒന്നും ഞാന്‍ ജഡ്ജ് ചെയ്തിട്ടില്ല'' എന്നായിരുന്നു ഉര്‍ഫിയുടെ പ്രതികരണം.

''കുറഞ്ഞത് ഞാന്‍ പണമുണ്ടാക്കുന്നത്. രണ്ട് മുന്‍ ഭര്‍ത്താക്കന്മാരുടെ ജീവനാംശത്തിലല്ല ജീവിക്കുന്നത്. ചാഹത്ത് ഖന്ന, നിങ്ങളുടെ ജീവിതത്തെ വിധിക്കാനെ ഇഷ്ടപ്പെടാനോ ഞാനില്ല. ഈ ആന്റിമാരൊക്കെ എന്തിനാണ് എനിക്കെതിരെ വരുന്നതെന്ന് എനിക്ക് മനസിലാകുന്നില്ല'' എന്നും ഉര്‍ഫി കുറിച്ചിരുന്നു. പിന്നാലെ ഉര്‍ഫിയ്ക്ക് മറുപടിയുമായി ചാഹത്തുമെത്തുകയായിരുന്നു.

''ഞാന്‍ ഇതിന്റെ ഭാഗമാകണമെന്ന് ആഹ്രഹിച്ചിരുന്നതല്ല. പക്ഷെ എന്റെ ഫോളോവേഴ്‌സിനെ അറിയിക്കണമെന്ന് കരുതി. ചില ആളുകള്‍ സംസാരിക്കും. ചിലര്‍ കുരയ്ക്കും. എന്നെ അറിയുന്നവര്‍ക്കറിയാം ഞാന്‍ ഒരുപാട് കഷ്ടപ്പെട്ടാണ് ഇവിടെ വരെ എത്തിയതെന്നും ജീവനാംശത്തിലല്ല ജീവിക്കുന്നതെന്നും. സംസാരിക്കുന്നതിന് മുമ്പ് നോക്കണം. ഒരു രൂപ പോലും ഞാനെടുത്തിട്ടില്ല'' എന്നായിരുന്നു ചാഹത്ത് പ്രതികരിച്ചത്.

''എന്റെ വിവാഹമോചനം എല്ലാവര്‍ക്കും അറിയുന്നതാണ്. പക്ഷെ നിലവാരമുള്ളവര്‍ ഇത് ചെയ്യില്ല. നിലവാരമില്ലാത്തവരില്‍ നിന്നും ഞാന്‍ നിലവാരം പ്രതീക്ഷിക്കുന്നുമില്ല. ഈ സ്ത്രീ വല്ലാത്ത തമാശക്കാരിയാണ്. ആളുകള്‍ക്ക് അവളോട് അസൂയയാണെന്ന് കരുതിയാണോ തന്നെ രണ്‍വീര്‍ സിംഗിനോട് ഉപമിക്കുന്നത്. കുറഞ്ഞത് അദ്ദേഹം ചെയ്തതിന്റെ പകുതി ജോലിയെങ്കിലും ചെയ്യൂ. പിന്നെ അദ്ദേഹം നഗ്നനായി ഫോട്ടോഷൂട്ട് നടത്തുകയായിരുന്നു. അല്ലാതെ തെരുവിലൂടെ ഒടുകയായിരുന്നില്ല.'' ചാഹത്ത് പറയുന്നു.

''ഇതിനെ എതിര്‍ക്കുന്നവര്‍ക്ക് നീ പറയുന്ന നിന്റെ പ്രശസ്തിയോടൊന്നും പ്രശ്‌നമില്ല. പക്ഷെ ഈ വിവരക്കേടിനോടാണ്. പിന്നെ രണ്‍വീര്‍ നിന്നെ അബദ്ധവശാലോ അല്ലാതെയോ ഫാഷന്‍ ഐക്കണ്‍ എന്നു വിളിച്ചിട്ടുണ്ടെങ്കില്‍ അതിനര്‍ത്ഥം നിനക്ക് ഒരു വലിയ നടനൊപ്പം സ്വയം ഉപമിപ്പിക്കാം എന്നല്ല'' എന്നും ചാഹത്ത് തന്റെ കുറിപ്പില്‍ പറഞ്ഞു.