എല്ലാമൊന്ന് വേഗത്തിലാക്കാമോ, വിവാഹ ചടങ്ങിനിടെ പുജാരിയോട് ആവശ്യപ്പെട്ട വിക്കി; കാരണമിതാണ്

അതീവ സുരക്ഷിതമായി രാജസ്ഥാനിലെ സവായ് മധോപുരിലെ ചൗത് കാ ബര്‍വാര പട്ടണത്തിലെ സിക്‌സ് സെന്‍സസ് ഫോര്‍ട്ട് ബര്‍വാരയാണ് താരവിവാഹത്തിന് വേദിയായത്. രാജസ്ഥാനി രാജകുടുംബത്തിന്റെ ഉടമസ്ഥതയിലുള്ള 700 വര്‍ഷത്തോളം പഴക്കമുള്ള കൊട്ടാരമാണ് സിക്‌സ് സെന്‍സസ് ഫോര്‍ട്ട് ബര്‍വാര.

അതുകൊണ്ട് തന്നെ സോഷ്യല്‍ മീഡിയയിലും ബോളിവുഡ് കോളങ്ങളിലും വിവാഹം വലിയ ചർച്ചയായി മാറിയിരുന്നു. വിവാഹത്തിന്റെ ഒരുക്കങ്ങള്‍ ഒക്കെയും അതീവ രഹസ്യമായിട്ടായിരുന്നു. ഇതു സംബന്ധിച്ച് വാര്‍ത്തകള്‍ പുറത്ത് വന്നിരുന്നെങ്കിലും പ്രതികരിക്കാന്‍ താരകുടുംബങ്ങള്‍ തയ്യാറായില്ലായിരുന്നു. അവസാന നിമിഷമാണ് കല്യാണത്തെ കുറിച്ച് ഇരുവരും വെളിപ്പെടുത്തിയത്.

ഇന്ന് ഇരുവരും സന്തോഷകരമായി ദാമ്പത്യം മുന്നോട്ട് കൊണ്ടുപോവുകയാണ്. അതിനിടെ ഇവർ ഒരു കുഞ്ഞിനായി തയ്യാറെടുക്കുകയാണ് എന്ന റിപ്പോർട്ടുകളും ഉണ്ട്. എന്നാൽ ഇരുവരും ഇതിൽ ഔദ്യോഗികമായി പ്രതികരിച്ചിട്ടില്ല. അതേസമയം, കഴിഞ്ഞ ദിവസം കോഫി വിത്ത് കരൺ ഷോയിൽ എത്തിയ വിക്കി കൗശൽ, വിവാഹ ചടങ്ങിനിടെ ഉണ്ടായ രസകരമായ സംഭവങ്ങൾ പറയുകയുണ്ടായി. അതാണ് ഇപ്പോൾ സോഷ്യൽ മീഡിയയുടെ ശ്രദ്ധനേടുന്നത്.

കത്രീനയെ വിവാഹം കഴിക്കുന്നതിന് തൊട്ടുമുമ്പ് പൂജാരിയോട് താൻ പറഞ്ഞ കാര്യം വിക്കി വെളിപ്പെടുത്തിയിരിക്കുകയാണ്. വിവാഹചടങ്ങുകൾ പെട്ടെന്ന് തീർക്കാൻ താൻ ആവശ്യപ്പെട്ടു എന്നാണ് വിക്കി പറയുന്നത്. വേദിക്കടുത്ത് ഡ്രോണുകൾ വെടിവച്ചു വീഴ്ത്തിയെന്ന വാർത്ത കേട്ടതിനെ തുടർന്ന് ഒരു മണിക്കൂറിനുള്ളിൽ ചടങ്ങുകൾ തീർക്കണം അധികം സമയമെടുക്കരുത് എന്ന് താൻ പൂജാരിയോട് പറഞ്ഞതായി വിക്കി പറഞ്ഞു.

Recommended Video

Dr. Robin At Kozhikode: കോഴിക്കോട്ട് വെറുക്കുന്നവർക്ക് ചുട്ട മറുപടി നൽകി റോബിൻ | *BiggBoss

വിവാഹസമയത്ത് വൈറലായ മീമുകളെ കുറിച്ചും വിക്കി പറഞ്ഞു, 'വിവാഹസമയത്ത് വന്ന രസകരമായ മീമ്മുകളും ട്വീറ്റുകളും സന്ദേശങ്ങളും ഞങ്ങൾ അറിഞ്ഞിരുന്നു. ഞങ്ങൾ ചിരിക്കാൻ വേണ്ടി അവ വായിച്ചു കേൾപ്പിച്ച സുഹൃത്തുക്കൾ ഉണ്ടായിരുന്നു.' വിക്കി പറഞ്ഞു.

അതേസമയം, തങ്ങളുടെ വിവാഹത്തിന്റെ ക്രെഡിറ്റ് മുഴുവൻ തനിക്ക് താരണമെന്ന് കരൺ ഷോയിൽ പറഞ്ഞു. വിക്കി അത് സമ്മതിച്ചു കൊണ്ട് കഴിഞ്ഞ തവണ ഞാൻ ഈ സോഫയിൽ ഇരുന്ന് നിമിഷമാണ് ഞാൻ എന്ന വ്യക്തിയുണ്ടെന്ന് പോലും കത്രീന മനസിലാകുന്നതെന്ന് വിക്കി പറഞ്ഞു. കഴിഞ്ഞ തവണ വിക്കി കോഫി വിത്ത് കറണിൽ പങ്കെടുത്തപ്പോൾ നടത്തിയ ഒരു തുറന്നു പറച്ചിലിൽ നിന്നായിരുന്നു വിക്കി - കത്രീന പ്രണയം ഉടലെടുത്തതും വിവാഹത്തിലേക്ക് എത്തിയതും.