ജാക്കി ഷ്രോഫിനെ ഞാൻ അന്ന് ഭയപ്പെട്ടിരുന്നു; കോഫി വിത്ത് കരണിൽ തുറന്ന് പറഞ്ഞ് അനിൽ കപൂർ

കോഫീ വിത്ത് കരണിന്റെ ഏറ്റവും പുതിയ എപ്പിസോഡിൽ അനിൽ കപൂർ അതിഥി ആയി എത്തിയിരുന്നു. വരുൺ ധവാനൊപ്പമാണ് താരം ഷോയിൽ പങ്കെടുത്തത്. ജഗ് ജഗ് ജിയോ എന്ന ഏറ്റവും പുതിയ ചിത്രത്തിന്റെ പ്രൊമോഷന്റെ ഭാഗമായാണ് താരങ്ങൾ ഷോയിലെത്തിയത്. പ്രണയം, വിവാഹബന്ധത്തിലെ വിശ്വാസവഞ്ചന, നെപ്പോട്ടിസം തുടങ്ങി വിവിധ വിഷയങ്ങളെ കുറിച്ച് താരങ്ങൾ ഷോയിൽ സംസാരിച്ചിരുന്നു.

സംസാരത്തിനിടെ കരൺ ജോഹർ അനിൽ കപൂറിനോട് നെപ്പോട്ടിസത്തെ കുറിച്ച് തന്റെ കാഴചപ്പാട് എന്നതാണെന്ന് ചോദിക്കുകയുണ്ടായി. ആദ്യം നടൻ അത്തരം അഭിപ്രായങ്ങൾ അവഗണിക്കുകയും താൻ ജോലിയിലാണ് ശ്രദ്ധ കേന്ദ്രീകരിക്കാൻ താൽപ്പര്യപ്പെടുന്നതെന്ന് പറയുകയും ചെയ്തു. എന്നാൽ ആദ്യ കാലങ്ങളിൽ ജാക്കി ഷ്രോഫിന്റെ വളർച്ച കണ്ട് താൻ ഭയപ്പെട്ടിരുന്നുവെന്നും അരക്ഷിതത്വം തോന്നിയെന്നും അനിൽ കപൂർ പിന്നീട് വെളിപ്പെടുത്തി.

'ജാക്കി ഷ്രോഫ് ഒരു തരത്തിൽ പറഞ്ഞാൽ പുറത്തു നിന്നുള്ള ആളായിരുന്നു. എന്നാൽ സുഭാഷ് ഘായ് എന്ന ചിത്രത്തിൽ അദ്ദേഹത്തിന് ആദ്യ ബ്രേക്ക് ലഭിച്ചു. അങ്ങനെ ആ ഒരു അറിയിപ്പ് കൊണ്ട് തന്നെ അദ്ദേഹം മുൻനിര താരമായി മാറി. അക്കാലത്ത് ഞാൻ ചെറിയ വേഷങ്ങൾ ചെയ്യുകയായിരുന്നു, തെന്നിന്ത്യൻ സിനിമകൾ ചെയ്യുകയായിരുന്നു. ജാക്കിയുടെ ആ വളർച്ച എനിക്ക് അത്ര സുഖകരമായി തോന്നിയില്ല. അദ്ദേഹം വിജയിച്ചപ്പോൾ എനിക്ക് ഭയം തോന്നി. എന്നാൽ യാഷ് ചോപ്രയുടെ സിനിമയ്ക്കായി കരാർ ഒപ്പിട്ട
ആ ദിവസം എനിക്ക് തോന്നി, 'ഓ എനിക്ക് കുഴപ്പമൊന്നുമില്ല' എന്ന്.'

'ഞാൻ ഇപ്പോഴും ഓർക്കുന്നു, അവൻ വളരെ സൗമ്യനായ വ്യക്തിയായിരുന്നു. ഞങ്ങൾ ഓരുമിച്ചു ഷൂട്ട് ചെയ്യുമ്പോൾ ആരെങ്കിലും ഓട്ടോഗ്രാഫ് പുസ്തകവുമായി വന്നാൽ, അവന് അറിയാം അത് അവന്റെ ഓട്ടോഗ്രാഫിനായി വന്നവരാണെന്ന്. എന്നാലും എന്നോട് ഒപ്പിട്ടു കൊടുക്കാൻ പറയും, എനിക്ക് അറിയാം അവർ എല്ലാം അവനു പിറകെ വന്നവരാണെന്ന്. എന്നാലും ഞാൻ ഒപ്പിടും അതുകഴിഞ്ഞ് അവനും ഇടും.' അനിൽ കപൂർ ഓർത്തു.

ആന്ദർ ബഹാർ (1984), യുദ്ധം (1985), കർമ്മ (1986), കാലാ ബസാർ, കഭി ന കഭി (1998), റാം ലഖൻ ആൻഡ് പരിന്ദ (1989), 1942: എ ലവ് സ്റ്റോറി (1994), ത്രിമൂർത്തി (1995), ലജ്ജ (2001) തുടങ്ങിയ ചിത്രങ്ങളിൽ ജാക്കി ഷ്രോഫും അനിൽ കപൂറും ഒരുമിച്ച് അഭിനയിച്ചിട്ടുണ്ട്.