വിവാഹം കഴിക്കാതെ അമ്മയാവാൻ തീരുമാനിച്ചാൽ ആർക്കും തടുക്കാനാവില്ല; തബു പറഞ്ഞത്

സിനിമകളുടെ തിരക്കുകളിൽ കഴിയുന്ന തബു ഇപ്പോഴും അവിവാഹിതയാണ്. സമപ്രായക്കാരായ മിക്ക നടിമാരും വിവാഹം കഴിഞ്ഞ് കുടുംബ ജീവിതത്തിലേക്ക് കടന്നെങ്കിലും തബുവിന് ഇപ്പോഴും വിവാഹ ജീവിതത്തോട് താൽപര്യമില്ല. മുമ്പൊരിക്കൽ നടി വിവാഹത്തെക്കുറിച്ചും അമ്മയാവുന്നതിനെക്കുറിച്ചും തബു സംസാരിച്ചിരുന്നു. 2013 ൽ ഫിലിംഫെയറിന് നൽകിയ അഭിമുഖത്തിലായിരുന്നു പ്രതികരണം.

Also Read: ഒട്ടുമിക്ക പെൺകുട്ടികളും വിവാഹമാണ് സ്വപ്‌നം കാണുന്നതെങ്കിൽ എന്റെ സ്വപ്‍നം മറ്റൊന്നായിരുന്നു: ആലിയ പറഞ്ഞത്

'വിവാഹത്തിന് ഞാനൊരുപാട് പ്രാധ്യാന്യം നൽകുന്നുണ്ട്. സ്ത്രീയും പുരുഷനും പരസ്പരം സഹകരിച്ച് ജീവിക്കേണ്ടവരാണ്. നമുക്ക് കണക്ട് ചെയ്യാൻ പറ്റുന്ന ഒരാളെ ലഭിച്ചാൽ വിവാഹം ഏറ്റവും നല്ല കാര്യമാണ്. അടുപ്പവും പൂർണതയും കണ്ടെത്താൻ കഴിയുന്നതും നിങ്ങളുടെ ജീവിതം പങ്കിടാൻ കഴിയുമെന്ന് വിശ്വസിക്കുകയും ചെയ്യുന്നത്. എല്ലാവരും അത്തരമൊരു ബന്ധം ആ​ഗ്രഹിക്കുന്നുണ്ട്'

'അമ്മയാവുന്നതിനെക്കുറിച്ചും തബു അന്ന് സംസാരിച്ചു. മാതൃത്വത്തോട് നോ പറഞ്ഞാൽ അതൊരു മണ്ടത്തരം ആയിരിക്കും. അവിചാരിതമായോ അല്ലാതെയോ നമ്മളൊരു സംവിധാനത്തിന്റെ ഭാ​ഗമാണ്. ഇതിനോട് പൊരുതി ഒരു കുഞ്ഞ് വേണമെന്ന് എനിക്കില്ല. ചിലപ്പോൾ അമ്മയാവാനുള്ള ആ​ഗ്രഹം വിവാഹം കഴിക്കാനുള്ള ആ​ഗ്രഹത്തെ മറി കടക്കും'

'പക്ഷെ എന്നിലെ വിവേകശാലി ആ തോന്നലിനെ നിശബ്ദമാക്കും. വിവാഹം കഴിക്കാതെ കുഞ്ഞിന് ജൻമം നൽകുന്നതിനോട് എനിക്ക് എതിർപ്പില്ല. അങ്ങനെ ഒരു കുഞ്ഞ് വേണമെന്നെനിക്ക് തോന്നിയാൽ ആർക്കും തടുക്കാനാവില്ല,' തബു പറഞ്ഞു. പക്ഷെ കുട്ടിക്ക് അച്ഛനും അമ്മയും പ്രാധാനമാണെന്നും തബു പറഞ്ഞു.

പക്ഷെ അമ്മയാവുന്നതിന് മാത്രമല്ല പ്രാധാന്യം. ഞാൻ എന്നെ സ്നേഹിക്കുന്ന പുരുഷനെയാണ് തേടുന്നത്. അതിന് ശേഷം കുഞ്ഞ്. അങ്ങനെ സംഭവിച്ചില്ലെങ്കിൽ കുഴപ്പമില്ല. കുട്ടികൾ വേണ്ടെന്ന് തീരുമാനിച്ച ഒരുപാട് സ്ത്രീകളുണ്ട്. അമ്മയായില്ലെങ്കിൽ മരിച്ചു പോവുന്ന അവസ്ഥയില്ലെന്നും തബു പറഞ്ഞു. സ്ത്രീകളെ ബഹുമാനിക്കുകയും തുറന്നു മനസ്സുമുള്ള പുരുഷനെയാണ് താൻ തേടുന്നതെന്നും തബു അന്ന് പറഞ്ഞിരുന്നു.