നായികയുടെ റോള്‍ വെട്ടി ചെറുതാക്കി, മെയിന്‍ ആകാന്‍ ഐശ്വര്യയുടെ കുതന്ത്രം; കരിയറില്ലാതായി പ്രിയ!

താരപദവിയ്‌ക്കൊപ്പം തന്നെ വരുന്ന ഒന്നാണ് ഉത്തരവാദിത്തമെന്നത്. അതോടൊപ്പം തന്നെ ഇന്‍സെക്യൂരിറ്റിയും താരങ്ങളെ അലട്ടിയേക്കാം. പ്രത്യേകിച്ചും ബോളിവുഡ് പോലൊരു ഇടത്ത്. തങ്ങളുടെ നേട്ടത്തിന് മറ്റൊരാളുടെ കരിയറിനെ തന്നെ ബാധിക്കുന്ന തരത്തിലുള്ള പൊളിറ്റിക്‌സ് നടക്കുന്നതായി ബോളിവുഡിനെക്കുറിച്ച് പലരും വെളിപ്പെടുത്തിയിട്ടുണ്ട്. താരങ്ങളെ സിനിമയില്‍ നിന്നും മാറ്റുന്നതും രംഗങ്ങള്‍ വെട്ടിക്കുറക്കുന്നതുമൊക്കെ പതിവാണ്.

ഒരിക്കല്‍ ഇത്തരത്തില്‍ ഐശ്വര്യ റായിയെക്കുറിച്ച് സുഭാഷ് ഗായ് ഒരു നിരീക്ഷണം നടത്തുകയുണ്ടായിട്ടുണ്ട്. ജോഷ്, താല്‍ തുടങ്ങിയ സിനിമകളുടെ വിജയത്തിന് ശേഷമായിരുന്നു ഇത്. വലിയ താരമായി മാറിയിരുന്നു ആ സമയത്ത് ഐശ്വര്യ റായ്. ഇതോടെ താരം തന്നെ തന്റെ നിര്‍മ്മാതാക്കളേയും സംവിധായകരേയും സ്വാധീനിക്കാന്‍ ആരംഭിച്ചുവെന്നാണ് സുഭാഷ് ഗായ് പറയുന്നത്.

''ചിത്രത്തിലെ മറ്റ് നടിമാരെ അവള്‍ ഒതുക്കും. ജോഷില്‍ പ്രിയ ഗില്‍ ഡാന്‍സ് ചെയ്യേണ്ടിയിരുന്ന പാട്ട് അവള്‍ കരസ്ഥമാക്കി. തനിക്ക് കൂടുതല്‍ പ്രധാന്യം നല്‍കുന്ന തരത്തില്‍ തിരക്കഥ മാറ്റിപ്പിച്ചു'' എന്നായിരുന്നു അദ്ദേഹം പറഞ്ഞത്. ഐശ്വര്യയുടേത് പ്രൊഫഷണല്‍ അഗ്രഷന്‍ ആണെന്നും ഇത് ഇന്നത്തെ താരങ്ങള്‍ക്കിടയില്‍ സാധാരണയാണെന്നും സുഭാഷ് ഗായ് പറഞ്ഞിരുന്നു. ഐശ്വര്യ റായ് ഷാരൂഖ് ഖാന്റെ സഹോദരിയായി എത്തിയ ചിത്രമായിരുന്നു ജോഷ്.

''ഇതൊരു ബിസിനസ് നീക്കമാണ്. കരിയറിലെ ഒരു ഘട്ടത്തില്‍ താരങ്ങള്‍ ബിസിനസ് പ്രൊഡക്ടായി മാറും. അതോടെ അവര്‍ അവരെ വളരെ ശക്തമായി തന്നെ സംരക്ഷിച്ചു നിര്‍ത്താന്‍ ആരംഭിക്കും'' എന്നാണ് സുഭാഷ് ഗായ് ഐശ്വര്യയുടെ നീക്കത്തെക്കുറിച്ച് പറഞ്ഞത്. ചിത്രത്തിലെ ഷാരൂഖ് ഖാന്റെ നായികയായിരുന്നു പ്രിയ ഗില്‍. എന്നാല്‍ ഈ കഥാപാത്രത്തേക്കാള്‍ പ്രധാന്യം തന്റെ വേഷത്തിന് ലഭിക്കുവാന്‍ വേണ്ടി ഐശ്വര്യ ചിത്രത്തിന്റെ അണിയറ പ്രവര്‍ത്തകരെ സ്വാധീനീച്ചുവെന്നാണ് ആരോപണം. ചിത്രം പുറത്ത് വന്നപ്പോള്‍ പ്രിയയുടെ കഥാപാത്രത്തിന്റെ സ്‌ക്രീന്‍ ടൈം തീരെ കുറവായിരുന്നു.

ഷാരൂഖിന്റേയും പ്രിയയുടേയും കഥാപാത്രങ്ങളുടെ പ്രണയത്തിന് പ്രധാന്യം കുറഞ്ഞ സിനിമയില്‍ പ്രധാന്യം കുടൂതലും ഷാരൂഖ്-ഐശ്വര്യ സാഹോദര്യത്തിനും ഐശ്വര്യ-ചന്ദ്രചൂര്‍ പ്രണയത്തിനുമായിരുന്നു. അതേസമയം സിനിമ തീയേറ്ററില്‍ മികച്ച വിജയം നേടുകയും ചെയ്തിരുന്നു.

അതേസമയം ഒരിടവേളയ്ക്ക് ശേഷം ബിഗ് സ്‌ക്രീനിലേക്ക് മടങ്ങിയെത്തിയിരിക്കുകയാണ് ഐശ്വര്യ റായ്. മണിരത്‌നത്തിന്റെ ബ്രഹ്‌മാണ്ഡ ചിത്രമായ പൊന്നിയിന്‍ സെല്‍വനിലൂടെയാണ് താരത്തിന്റെ തിരിച്ചുവരവ്. ചിത്രവും ഐശ്വര്യയുടെ പ്രകടനവും കയ്യടി നേടിയിരിക്കുകയാണ്. ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണ് ആരാധകര്‍. നെഗറ്റീവ് ഷെയ്ഡുള്ള വേഷത്തിലാണ് പൊന്നിയിന്‍ സെല്‍വനില്‍ ഐശ്വര്യ എത്തിയത്.