Don't Miss!
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Automobiles ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ഇനി മേലാല് നിനക്ക് ഡാന്സ് കളിക്കാനാകില്ല! ഹൃത്വിക്കിന്റെ ഹൃദയം തകര്ത്ത് ഡോക്ടറുടെ വാക്കുകള്
ബോളിവുഡിലെ സൂപ്പര് താരമാണ് ഹൃത്വിക് റോഷന്. സിനിമ കുടുംബത്തില് നിന്നുമാണ് ഹൃത്വിക് കടന്നു വരുന്നത്. സംവിധായകനും നിര്മ്മാതാവുമായ രാകേഷ് റോഷന്റെ മകനാണ് ഹൃത്വിക്. കഹോ ന പ്യാര് ഹേ ആയിരുന്നു ആദ്യത്തെ സിനിമ. അരങ്ങേറ്റ സിനിമ തന്നെ ബ്ലോക്ബസ്റ്റര് ആയതോടെ ഹൃത്വിക്കിന് പിന്നെ തിരഞ്ഞു നോക്കേണ്ടി വന്നിട്ടില്ല. ഇന്ന് ബോളിവുഡിലെ ഏറ്റവും വലിയ താരങ്ങളില് ഒരാളാണ് ഹൃത്വിക്.
അതേസമയം തന്റെ വ്യക്തിജീവിതത്തില് ഒരുപാട് വെല്ലുവിളികള് നേരിടേണ്ടി വന്നിട്ടുണ്ട് ഹൃത്വിക്കിന്. തന്റെ ആറാം വിരലും സംസാരിക്കുമ്പോഴുള്ള വിക്കുമെല്ലാം കുട്ടിക്കാലത്ത് ഹൃത്വിക്കിനെ കൂട്ടുകാര്ക്കിടയില് പരിഹാസപാത്രമാക്കിയിരുന്നു. എന്നാല് തന്റെ കഠിനാധ്വാനത്തിലൂടെ സൂപ്പര് താരമായി മാറുകയായിരുന്നു ഹൃത്വിക്.
ഏറെ നാളത്തെ വിവാഹജീവിതത്തിന് ശേഷമാണ് സൂസെയ്നും ഹൃത്വിക്കും പിരിയുന്നത്. ഇതേക്കുറിച്ച് ഒരിക്കല് ഫിലിംഫെയറിന് നല്കിയ അഭിമുഖത്തില് ഹൃത്വിക് റോഷന് മനസ് തുറന്നിരുന്നു. താരത്തിന്റെ വാക്കുകള് വായിക്കാം വിശദമായി.
താരമെന്ന നിലയില് ഇത് പ്രയാസമേറിയതാണെന്ന് ഞാന് പറയില്ല. കാരണം താരമെന്ന നിലയില് നേട്ടങ്ങള് വേറെയുണ്ട്. ഞാന് ജീവിതത്തെ ഉപാധികളില്ലാതെ വിശ്വസിക്കാന് തുടങ്ങി. ചില സാഹചര്യം തരുന്ന തോന്നല് ഒന്നാകാം പക്ഷെ സംഭവിക്കുന്നതും മറ്റൊന്നുമാകാം. അങ്ങനെ എനിക്ക് വലിയ വിജയങ്ങള് വന്നു ചേര്ന്നിട്ടുണ്ട് എന്നാണ് താരം പറയുന്നത്. പിന്നാലെ തന്റെ അനുഭവവും താരം പങ്കുവെക്കുന്നുണ്ട്.
ഇന്ന് ഞാന് അറിയപ്പെടുന്ന വലിയൊരു നര്ത്തകന് ആയിട്ടാണ്. പക്ഷെ ഇത് തുടങ്ങുമ്പോള് ഡോക്ടര് പറഞ്ഞത് എനിക്കൊരിക്കലും ഡാന്സ് ചെയ്യാന് പറ്റില്ല എന്നായിരുന്നു. ഡോക്ടറുടെ വാക്കുകള് എന്റെ ഹൃദയം തകര്ത്തു. എന്റെ കാല്മുട്ടിനും നട്ടെല്ലിനും പരുക്കേറ്റിരുന്നു. ഡോക്ടറുടെ പക്കല് ഒരുപാട് ഉദാഹരണങ്ങളുണ്ടായിരുന്നുവെന്നാണ് താരം പറയുന്നത്.
സൂസെയ്നുമായുള്ള വേര്പിരിയലിന് ശേഷം താന് മറ്റൊരു വിവാഹത്തെക്കുറിച്ച് ചിന്തിക്കുന്നില്ലെന്നും താരം പറഞ്ഞിരുന്നു. ഇന്ന് എനിക്ക് പുനര്വിവാഹത്തെക്കുറിച്ച് ചിന്തിക്കാനാകില്ല. ഇന്നുവരെ ആ തരത്തിലൊരു ചിന്തയും ഉണ്ടായിട്ടില്ല. മനുഷ്യന്റെ ആവശ്യങ്ങള് കുറച്ചേയുള്ളൂവെന്ന് ഞാന് തിരിച്ചറിഞ്ഞിട്ടുണ്ട്. അവനവനില് തൃപ്തി കണ്ടെത്താന് സാധിക്കുന്നുണ്ട്. പക്ഷെ നമ്മള്ക്ക് ഒന്നിലും ഉറപ്പ് പറയാനാകില്ല. എന്താണ് നടക്കുക എന്നറിയില്ല. വാക്കുകള് മാറിയേക്കാം. രണ്ട് വര്ഷം കഴിയുമ്പോള് ഞാന് പറയുന്നത് മറ്റൊന്നാകാം. ആ മാറ്റമാണ് വളര്ച്ച എന്നാണ് താരം പറയുന്നത്.
അതേസമയം ഇന്ന് ഹൃത്വിക് രണ്ടാമതും വിവാഹിതനാകാനുള്ള ഒരുക്കത്തിലാണ്. നടിയും ഗായികയുമായി സബ ആസാദുമായി പ്രണയത്തിലാണ് താരം. സൂസെയ്നുമായി പിരഞ്ഞ ശേഷം ഇതാദ്യമായിട്ടാണ് താരം ഔദ്യോഗികമായി പ്രണയത്തിലാണെന്ന് അറിയിക്കുന്നത്. ഹൃത്വിക്കിന്റെ വീട്ടുകാരുമായും സബയ്ക്ക് അടുത്ത ബന്ധമാണുള്ളത്. താരത്തിന്റെ കുടുംബത്തോടൊപ്പം സബ സമയം ചെലവിടാറുണ്ട്. ഇരുവരും വിവാഹത്തിനുള്ള ഒരുക്കത്തിലാണെന്നാണ് റിപ്പോര്ട്ടുകള് പറയുന്നത്.
തന്റെ ആദ്യ സിനിമയില് അഭിനയിക്കുമ്പോള് അച്ഛന് വഴക്ക് പറഞ്ഞതും ഹൃത്വിക് ഓര്ത്തെടുക്കുന്നുണ്ട്. കഹോ ന പ്യാര് ഹേയില് അഭിനയിക്കുമ്പോള് ഒരു ദിവസം അച്ഛന് എന്നെ ഫയര് ചെയ്തതാണ്. സിനിമ നിര്ത്തിക്കോ, ബാഗുമെടുത്ത് വീട്ടില് പൊക്കോ എന്നു വരെ പറഞ്ഞു. പക്ഷെ അന്ന് ഞാന് ചെയ്തത് തെറ്റായിരുന്നു. സ്പാനിഷ് ഓംലെറ്റ് ഉണ്ടാക്കുന്ന രംഗം ചെയ്യുമ്പോഴായിരുന്നു സംഭവം. ഞാന് ഷര്ട്ട് ധരിക്കണമെന്നാണ് അച്ഛന് പറഞ്ഞത്. പക്ഷെ എനിക്കത് ഇഷ്ടമായില്ല. എന്റെ മുഖഭാവത്തില് നിന്നും അച്ഛന് അത് വായിച്ചെടുത്തു.
Recommended Video
എല്ലാവരുടേയും മുന്നില് വച്ച് അദ്ദേഹം എന്നെ വഴക്ക് പറഞ്ഞു. പക്ഷെ ആ ഷോട്ട് കഴിഞ്ഞതും എല്ലാം പഴയത് പോലെയായി. ഞങ്ങള് തമാശ പറഞ്ഞ് ചിരിച്ചു. അത് വിശ്വാസത്തിന്റെ കരുത്താണ്. എന്നെ എന്തെങ്കിലും അലട്ടുന്നുണ്ടെങ്കില് അച്ഛനറിയാം. ഞാന് അദ്ദേഹത്തോട് യോജിക്കുമ്പോള് അദ്ദേഹത്തിന് താന് ചെയ്തത് ശരിയായിരുന്നുവെന്ന് ഉറപ്പാവുകയും ചെയ്യുമെന്നാണ് താരം പറയുന്നത്.
വിക്രം വേദയാണ് ഹൃത്വിക്കിന്റെ ഏറ്റവും പുതിയ സിനിമ. തമിഴില് വിജയ് സേതുപതി ചെയ്ത വേഷമാണ് ഹിന്ദി റീമേക്കില് ഹൃത്വിക് ചെയ്യുന്നത്. ഇന്നലെ ചിത്രത്തിന്റെ ടീസര് പുറത്തിറങ്ങിയിരുന്നു. മികച്ച പ്രതികരണങ്ങളാണ് ടീസറിന് ലഭിക്കുന്നത്. ഇതിനോടകം തന്നെ പത്ത് മില്യണ് കടന്നിരിക്കുകയാണ് വിക്രം വേദ ടീസറിന്റെ വ്യൂസ്. തമിഴില് മാധവന് ചെയ്ത വേഷത്തില് സെയ്ഫ് അലി ഖാന് ആണെത്തുന്നത്. തമിഴിന്റെ സംവിധായകരായ പുഷ്കറും ഗായത്രിയും തന്നെയാണ് ഹിന്ദിയുമൊരുക്കുന്നത്.
-
പറ്റുന്നില്ല, സിബിൻ പുറത്തേക്ക്; പ്രേക്ഷകരെ ഞെട്ടിച്ച് തീരുമാനം; അമ്പരപ്പ് മാറാതെ മത്സരാർത്ഥികളും
-
'കരഞ്ഞു മെഴുകുകയാണ് ഓരോന്നും; സൈക്കോളജിസ്റ്റുകൾ ഉൾപ്പെടെ ഇന്റർവ്യു ചെയ്തിട്ട് എടുക്കുന്ന മത്സരാർത്ഥികളാണ്'
-
അക്ഷയ് കുമാറിനെ സൂക്ഷിക്കണം, പ്രമുഖ നടന് രാജേഷ് ഖന്ന മകള്ക്ക് നല്കിയ ഉപദേശം വീണ്ടും വൈറലാവുന്നു