ഹൃത്വിക്കിന്റെ പഞ്ചാരയടി സഹിക്കാതെ ദിഷ സിനിമ ഇട്ടിട്ട് ഓടി! ഉപദേശം നല്‍കി ഹൃത്വിക് റോഷന്‍

നഒരിടയ്ക്ക് ബോളിവുഡിനെയാകെ ഇളക്കി മറിച്ച വിവാദമായിരുന്നു ഹൃത്വിക് റോഷനും ദിഷ പഠാനിയും തമ്മില്‍ പ്രശ്‌നങ്ങള്‍ ഉടലെടുത്തുവെന്നത്. ഹൃത്വിക്കും ടൈഗര്‍ ഷ്രോഫും പ്രധാന വേഷത്തിലെത്തിയ വാര്‍ എന്ന ചിത്രത്തില്‍ നിന്നും ദിഷ പിന്മാറാന്‍ കാരണം ഹൃത്വിക് ആണെന്നായിരുന്നു പ്രചരണങ്ങള്‍. ഇതിനെതിരെ ഹൃത്വിക് തന്നെ പരസ്യമായി രംഗത്ത് എത്തുകയായിരുന്നു. താന്‍ കാരണമാണ് ദിഷ പിന്മാറിയതെന്ന് റിപ്പോര്‍ട്ട് ചെയ്ത് മാധ്യമത്തിനെതിരെ ഹൃത്വിക് രംഗത്ത് എത്തുകയായിരുന്നു. സോഷ്യല്‍ മീഡിയയിലൂടെയായിരുന്നു ഹൃത്വിക്കിന്റെ പ്രതികരണം.

2018 ലാണ് യഷ് രാജ് ഫിലിംസ് നിര്‍മ്മിക്കുന്നത് ആക്ഷന്‍ ഡ്രാമയായ വാറില്‍ ദിഷ പഠാനി നായികയാകുന്നുവെന്ന റിപ്പോര്‍ട്ടുകള്‍ പുറത്ത് വരുന്നത്. ചിത്രത്തില്‍ ഹൃത്വിക്കിനൊപ്പം ദിഷയുടെ കാമുകന്‍ കൂടിയായ ടൈഗര്‍ ഷ്രോഫും പ്രധാന വേഷത്തിലെത്തിയിരുന്നു. സിദ്ധാര്‍ത്ഥ് ആനന്ദ് സംവിധാനം ചെയ്ത ചിത്രത്തിന്റെ വന്‍ വിജയത്തിന് പിന്നാലെ ചിത്ത്രതിനൊരു രണ്ടാം ഭാഗവും പ്രഖ്യാപിച്ചിരുന്നു. 2018 ല്‍ തന്നെയായിരുന്നു ദിഷ പഠാനി ചിത്രം ഉപേക്ഷിച്ചുവെന്നും ഇതിന് കാരണം സെറ്റില്‍ വച്ച് ഹൃത്വിക് റോഷന്‍ ദിഷയോട് മോശമായി പെരുമാറിയതാണെന്നുമുള്ള റിപ്പോര്‍ട്ടുകള്‍ പുറത്ത് വരുന്നത്. യാതൊരു തെളിവുമില്ലെങ്കിലും താരത്തിനെതിരെ സോഷ്യല്‍ മീഡിയ വിമര്‍ശനം ഉന്നയിക്കാന്‍ ഈ റിപ്പോര്‍ട്ടുകള്‍ ധാരളമായിരുന്നു.

ഇതോടെയാണ് താരം തന്നെ നേരിട്ട് മറുപടിയുമായി എത്തിയത്. തന്നേയും ദിഷയേയും കുറിച്ചുള്ള വാര്‍ത്തയുടെ സ്‌ക്രീന്‍ ഷോട്ട് പങ്കുവച്ചു കൊണ്ടായിരുന്നു ഹൃത്വിക്കിന്റെ പ്രതികരണം. ''എന്റെ പ്രിയപ്പെട്ട പത്രിക് ജീ, നിങ്ങള്‍ വ്യായാമം ചെയ്യാറുണ്ടോ? കുറച്ച് സമയം ജിമ്മില്‍ പോകൂ. മനസില്‍ നിന്നും എല്ലാ മാലിന്യവും നീക്കം ചെയ്യപ്പെടും. പ്രത്യേകിച്ച് 20 ഡോങ്കി കിക്ക്‌സും 20 മങ്കി റോള്‍സും രണ്ട് ഡോഡ് ജമ്പും നിങ്ങള്‍ക്ക് വേണ്ടി വരും. തീര്‍ച്ചയായും ചെയ്യണം. ആശംസകള്‍. നല്ല ദിവസം നേരുന്നു. സ്‌നേഹത്തോടെ'' എന്നായിരുന്നു ഹൃത്വിക്കിന്റെ പ്രതികരണം.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

പിന്നാലെയാണ് സംഭവത്തില്‍ പ്രതികരണവുമായി ദിഷയും രംഗത്ത് എത്തുന്നത്. സത്യത്തില്‍ തനിക്ക് വാര്‍ എന്ന ചിത്രത്തിലെ വേഷം ഓഫര്‍ ചെയ്യുക പോലും ചെയ്തിട്ടില്ലെന്നായിരുന്നു ദിഷയുടെ പ്രതികരണം. പിന്നാലെ ദിഷ ഔദ്യോഗിക പ്രസ്താവന തന്നെ പുറത്തിറക്കുകയുണ്ടായി. ഹൃത്വിക്കിനെ താന്‍ കണ്ടപ്പോഴെല്ലാം അദ്ദേഹം വളരെ മാന്യമായിട്ടാണ് തന്നോട് പെരുമാറിയതെന്നും റിപ്പോര്‍ട്ടുകള്‍ അസത്യവും ബാലിശവുമാണെന്നും ദിഷ പ്രസ്താവനയിലൂടെ അറിയിക്കുകയായിരുന്നു. ഇതോടെയാണ് ആ വിവാദം കെട്ടടങ്ങിയത്. വാറില്‍ ഹൃത്വിക്കിന്റെ നായികയായി എത്തിയത് വാണി കപൂറായിരുന്നു. ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണ് ആരാധകര്‍.