ഷാഹിദിനെ ചുംബിക്കാന്‍ അറപ്പ് തോന്നി, കാരണം മൂക്കൊലിപ്പ് എന്ന് കങ്കണ; താരം വായടപ്പിച്ചത് ഇങ്ങനെ

ചിത്രത്തിലെ നായകനും നായികയുമായിരുന്നു ഷാഹിദും കങ്കണയും. ചിത്രത്തിലെ കങ്കണയുടെ ചുംബന രംഗങ്ങള്‍ റിലീസിന് മുമ്പ് തന്നെ ചര്‍ച്ചയായിരുന്നു. ഷാഹിദും കങ്കണയും തമ്മിലുള്ള ഒന്നിലധികം ചൂടന്‍ രംഗങ്ങളും ചിത്രത്തിലുണ്ടായിരുന്നു. ഇതൊക്കെ സിനിമയെ റിലീസിന് മുമ്പ് തന്നെ വാര്‍ത്തകളില്‍ നിറച്ചിരുന്നു. ഇതോടെ സിനിമയുടെ പ്രൊമോഷന്‍ പരിപാടികള്‍ക്കിടെ മിക്കപ്പോഴും ചുംബന രംഗത്തെക്കുറിച്ചുള്ള ചോദ്യങ്ങള്‍ കങ്കണയ്ക്ക് നേരിടേണ്ടി വന്നിരുന്നു. എന്തിനേറെ പറയുന്നു, ഷാഹിദുമായുള്ള ചുംബനം എങ്ങനെയുണ്ടായിരുന്നു എന്നുവരെ കങ്കണയോട് ചോദിച്ചിരുന്നു.

എന്നാല്‍ കങ്കണയുടെ മറുപടി അറപ്പുളവാക്കുന്നതായിരുന്നു ആ ചുംബനം എന്നായിരുന്നു. ''ഷാഹിദിന്റെ മീശ അസഹീനയമായിരുന്നു. അതിനാല്‍ ചുംബിക്കുക എന്നത് സുഖമായിരുന്നു. പോരാത്തതിന് ഷാഹിദ് പറഞ്ഞത് തനിക്ക് മൂക്കൊലിപ്പുണ്ടെന്നും അതിനാല്‍ മീശ അവിടെ തന്നെ ഒട്ടിയിരിക്കുമെന്നുമായിരുന്നു. അതിനാല്‍ ആ ചുംബന രംഗം ചെയ്യുക എന്നത് അറപ്പുളവാക്കുന്നതായിരുന്നു'' എന്നായിരുന്നു ചുംബന രംഗത്തെക്കുറിച്ചുള്ള കങ്കണയുടെ പ്രതികരണം. തുടര്‍ന്നും ഷാഹിദിനെതിരെ കങ്കണ പ്രസ്താവനകള്‍ നടത്തി. കങ്കണയും ഷാഹിദും ഇരുവരുടേയും ടീമും ഒരു കോട്ടേജിലായിരുന്നു ചിത്രീകരണ സമയത്ത് താമസിച്ചിരുന്നത്. ഷാഹിദിനൊപ്പം കോട്ടേജ് പങ്കിടുക എന്നത് തനിക്കൊരു ദുസ്വപ്‌നമായിരുന്നുവെന്നാണ് കങ്കണ പറഞ്ഞത്.

''ഞങ്ങള്‍ ചിത്രീകരണം നടത്തിയിരുന്ന ലൊക്കേഷനില്‍ താമസിക്കാനായി എടുത്തുമാറ്റാന്‍ പറ്റുന്ന കോട്ടേജ് ഒരുക്കുകയായിരുന്നു. ഷാഹിദും ഞാനും ഞങ്ങളുടെ ടീമിനൊപ്പം ഒരു കോട്ടേജ് പങ്കിടുകയായിരുന്നു ചെയ്തത്. എല്ലാ ദിവസവും രാവിലെ ഞാന്‍ എഴുന്നേറ്റിരുന്നത് ഷാഹിദിന്റെ ഹിപ്പ് ഹോപ്പ് സംഗീതം കേട്ടുകൊണ്ടായിരുന്നു. ആ ഭ്രാന്തന്‍ ട്രാന്‍സ് പാട്ടുകള്‍ കേട്ടായിരുന്നു ഷാഹിദ് വ്യായാമം ചെയ്തിരുന്നത്. എനിക്ക് മടുത്തു. അവിടെ നിന്നും മാറാന്‍ വരെ ആഗ്രഹിച്ചിരുന്നു. ഷാഹിദിനൊപ്പം കോട്ടേജ് പങ്കിടുക എന്നത് എനിക്കൊരു ദുസ്വപ്‌നമായിരുന്നു'' എന്നായിരുന്നു കങ്കണ പറഞ്ഞത്.

Recommended Video

Vicky Kaushal & Katrina Kaif’s Wedding Footage Rights Sold To Amazon Prime For A Whopping 80 Crores?

എന്നാല്‍ കങ്കണയുടെ വാദങ്ങളെ എതിര്‍ത്തു കൊണ്ട് ഷാഹിദ് രംഗത്ത് എത്തുകയായിരുന്നു. കങ്കണയോട് താന്‍ അങ്ങനെ പറഞ്ഞിട്ടില്ലെന്നും എല്ലാം കങ്കണയുടെ ഭാവനയാണെന്നുമായിരുന്നു ഷാഹിദിന്റെ വാദം. ഇതോടെ താരങ്ങള്‍ അങ്ങോട്ടും ഇങ്ങോട്ടും വാദ പ്രതിവാദങ്ങളായി. ഒടുവില്‍ തനിക്ക് ഇതിനൊന്നും മറുപടി പറയാല്‍ താല്‍പര്യമില്ലെന്ന് ഷാഹിദ് വ്യക്തമാക്കുകയായിരുന്നു. കങ്കണ തന്റെ സഹതാരങ്ങളോട് മാന്യമായി പെരുമാറണെന്നും മുന്നോട്ട് പോകണമെന്നും ഷാഹിദ് പറഞ്ഞു. പിന്നോട് തങ്ങളുടെ ചുംബന രംഗത്തെക്കുറിച്ച് ചോദിച്ചപ്പോള്‍ തനിക്ക് ഓര്‍മ്മയില്ലെന്നായിരുന്നു ഷാഹിദിന്റെ മറുപടി. ഇരുവര്‍ക്കുമിടയിലെ പ്രശ്‌നങ്ങളും സിനിമയുടെ പരാജയവുമെല്ലാം ഭാവിയില്‍ കങ്കണയും ഷാഹിദും ഒരുമിക്കില്ലെന്ന സാധ്യതയാണ് നല്‍കുന്നത്.