സെയ്ഫിന്റെ മികച്ച ജോഡി ദീപിക; സ്ക്രീനിലെ പോലെയല്ല ജീവിതത്തിൽ; കരീന കപൂർ പറഞ്ഞതിങ്ങനെ

ഒരേ കരിയറിൽ വർക്ക് ചെയ്യുന്നവരാണെങ്കിലും കരീനയും സെയ്ഫും പരസ്പരം പ്രൊഫഷണൽ കാര്യങ്ങളിൽ ഇടപെടാറില്ല. അതേസമയം ചെയ്ത വർക്കുകളെ പറ്റി രണ്ട് പേരും സംസാരിക്കാറുണ്ട്. മുമ്പൊരിക്കൽ സെയ്ഫ് അലി ഖാന്റെ ഏറ്റവും മികച്ച ഓൺസ്ക്രീൻ ജോഡി ആരാണെന്ന് കരീന പറഞ്ഞിരുന്നു. നടി ദീപിക പദുകോണിനാണ് സെയ്ഫുമായി സിനിമകളിൽ ചേർച്ച എന്നാണ് കരീന പറഞ്ഞത്.

'ദീപികയുമായി സെയ്ഫിന് മികച്ച കെമിസ്ട്രിയുണ്ട്. ലവ് ആജ് കൽ, കോക്ക്ടെയ്ൽ എന്നീ സിനിമകൾ അവർ മികച്ചതായിരുന്നു. യഥാർത്ഥ ജീവിതത്തിലെ കെമിസ്ട്രി റീലിൽ കാണണമമെന്നില്ല. റീൽ ലൈഫിലേ പോലെ റിയൽ ലൈഫിൽ വരണമെന്നുമില്ല. അത്യന്തികമായി ഞങ്ങൾ അഭിനയിക്കുകയാണ്,' കരീന കപൂർ പറഞ്ഞു.

ദീപികയും സെയ്ഫ് അലി ഖാനും ഒരുമിച്ച് അഭിനയിച്ച കോക്ക്ടെയ്ലും, ലൗ ആജ് കലും സൂപ്പർ ഹിറ്റായിരുന്നു. സൽമാൻ ഖാൻ ഉൾപ്പെടെ നിരവധി താരങ്ങളുടെ മികച്ച ഓൺസ്ക്രീൻ ജോഡി ആണ് കരീന കപൂർ‌. കരിയറിൽ രണ്ട് പതിറ്റാണ്ട് പിന്നിട്ട കരീന ഇതിനോടകം നിരവധി സൂപ്പർ ഹിറ്റ് ചിത്രങ്ങളിൽ നായിക ആയി. 2000 ൽ പുറത്തിറങ്ങിയ റെഫ്യൂജി ആണ് കരീനയുടെ ആദ്യ സിനിമ.

പിന്നീട് ഓം കാര, കഭീ ഖുശി കഭീ ​ഗം, തലാശ്, ബോഡി ​ഗാർഡ്, 3 ഇഡിയറ്റ്സ് തുടങ്ങി ഒട്ടനവധി സിനിമകളിൽ കരീന നായിക ആയെത്തി. ആമിർ‍ ഖാനൊപ്പം എത്തിയ ലാൽ സിം​ഗ് ഛദ്ദയാണ് കരീനയുടെ ഒടുവിൽ റിലീസ് ചെയ്ത സിനിമ. ചിത്രം ബോക്സ് ഓഫീസിൽ വലിയ വിജയം നേടിയിരുന്നില്ല. അടുത്തു തന്നെ ഒടിടി പ്ലാറ്റ്ഫോമിലേക്ക് ചുവടു വെക്കാൻ പോവുകയാണ് കരീന.

Also Read: 'നാ​​ഗചൈതന്യ രഹസ്യമായി സ്നേഹം പ്രകടിപ്പിക്കുന്നു'; താരത്തെ വിടാതെ പാപ്പരാസികൾ

കരിയറിൽ പഴയ തിരക്കുകളിലേക്ക് നീങ്ങാനാവില്ലെന്ന് കരീന അടുത്തിടെ നൽകിയ അഭിമുഖത്തിൽ പറഞ്ഞിരുന്നു. മുമ്പ് ലഭിച്ചതിനേക്കാൾ കൂടുതൽ സ്ക്രിപ്റ്റുകൾ ഇപ്പോൾ ലഭിക്കുന്നുണ്ട്‌. എന്നാൽ കുട്ടികൾക്ക് തന്റെ സാമീപ്യം ആവശ്യമായതിനാൽ ഇവയെല്ലാം തനിക്ക് ചെയ്യാനാവില്ലെന്നും കരീന വ്യക്തമാക്കി.