റൊമാന്റിക് സൽമാനല്ല, സഹോദരൻ അർബാസാണ്; താരത്തെക്കുറിച്ച് കത്രീന പറഞ്ഞത്

2005 ൽ പുറത്തിറങ്ങിയ മേനേ പ്യാർ ക്യോം കിയ എന്ന സിനിമയിലൂടെ ആണ് നടിക്ക് കരിയറിൽ ആദ്യ വിജയം ലഭിക്കുന്നത്. സൽമാൻ ഖാൻ ആയിരുന്നു. ചിത്രത്തിലെ നായകൻ. കരിയറിനപ്പുറം കത്രീനയുടെ സ്വകാര്യ ജീവിതവും എപ്പോഴും വാർത്തകളിൽ നിറഞ്ഞിരുന്നു.

ഇതിലൊന്നാണ് നടൻ സൽമാൻ ഖാനുമായി കത്രീനയ്ക്കുണ്ടായിരുന്ന പ്രണയം. സൽമാൻ സിനിമകളിൽ തുടക്കക്കാലത്ത് നിരന്തരം നായികയായെത്തിയത് കത്രീനയായിരുന്നു. 2005 ലാണ് സൽമാനും കത്രീനയും ഡേറ്റിം​ഗ് തുടങ്ങിയത്.

Also Read: ചെറുപ്പമായിരിക്കാന്‍ 50000 രൂപയുടെ ക്രീം വാങ്ങിയ തബു, ഇനിയാവര്‍ത്തിക്കില്ലെന്ന് താരം; സംഭവിച്ചത്!

എന്നാൽ 2010 ഓടെ ഇരുവരും വേർപിരിഞ്ഞു. 2007 ൽ സൽമാൻ ഖാനെക്കുറിച്ചും സഹോദരൻമാരെക്കുറിച്ചും കത്രീന പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ വീണ്ടും ഉയർന്ന് വന്നിരിക്കുന്നത്. ആദ്യമായി കോഫി വിത്ത് കരണിൽ അതിഥി ആയെത്തിയതായിരുന്നു കത്രീന. ലാറ ദത്തയായിരുന്നും നടിക്കൊപ്പം എത്തിയത്. ഷോയിലെ റാപിഡ് ഫയർ റൗണ്ടിൽ സൽമാനെക്കുറിച്ചും നടന്റെ സഹോദരൻമാരായ സൊഹൈൽ ഖാൻ, അർബാസ് ഖാൻ എന്നിവരെക്കുറിച്ചും ചോദ്യം വന്നു.

Also Read: അമ്മ നടിയാണെന്ന് പോലും മക്കള്‍ക്കറിയില്ല! നമ്മളിലെ 'രാക്ഷസി' ഇപ്പോള്‍ ഇവിടെയുണ്ട്!

ഏറ്റവും റൊമാന്റിക് ആയി തോന്നിയ ആളാരാണെന്ന് കരൺ ചോദിച്ചു. ലാറ ദത്ത സൽമാന്റെ പേര് പറയൂയെന്ന് പറഞ്ഞെങ്കിലും കത്രീന പറഞ്ഞത് അർബാസ് ഖാന്റെ പേരാണ്. സെൻസിറ്റീവ് സൊഹൈൽ ഖാൻ ആണെന്നും തമാശക്കാരൻ സൽമാൻ ആണെന്നും കത്രീന പറഞ്ഞു.

സൽമാനും കത്രീനയും ഇപ്പോഴും സുഹൃത്തുക്കളാണ്. നടന്റെ ടൈ​ഗർ 3 എന്ന സിനിമയിലും നടി അഭിനിക്കാനൊരുങ്ങുകയാണ്. കഴിഞ്ഞ വർഷം ഡിസംബറിലാണ് കത്രീന കൈഫ് വിവാഹിതയായത്.

'കേരളത്തിൽ നിന്നും വിജയ്ക്ക് നിരന്തരം കോൾ, നയൻതാരയ്ക്ക് പകരം അസിനെ നിർദ്ദേശിച്ചത് നടൻ''

നടൻ വിക്കി കൗശൽ ആണ് കത്രീനയുടെ ഭർത്താവ്. ഏറെ നാളത്തെ പ്രണയത്തിനൊടുവിലാണ് കത്രീനയും വിക്കി കൗശലും വിവാഹം കഴിച്ചത്. ഫോൺഭൂത് ആണ് കത്രീനയുടെ റിലീസ് ചെയ്യാനിരിക്കുന്ന സിനിമ. ഇഷാൻ ഖട്ടർ, സിദ്ധാർത്ഥ് ചതുർവേദി എന്നിവരാണ് സിനിമയിലെ മറ്റ് താരങ്ങൾ. വിജയ് സേതുപതിക്കൊപ്പം എത്തുന്ന ക്രിസ്മസ് എന്ന സിനിമയിലും നടി അഭിനയിക്കുന്നുണ്ട്.