അടച്ചിട്ട മുറിയില്‍ മറ്റൊരു നടിക്കൊപ്പം നാന! പൊട്ടിത്തെറിച്ച് മനീഷ, ആ പ്രണയം അവിടെ തീര്‍ന്നു!

അഗ്നി സാക്ഷിയ്ക്ക് ശേഷം ഇരുവരും പിന്നീട് സഞ്ജയ് ലീല ബന്‍സാലിയുടെ ഖാമോഷിയില്‍ വീണ്ടും ഒരുമിച്ചു. ഇതോടെ ഓഫ് സ്‌ക്രീനിലെ ഇരുവരുടേയും അടുപ്പവും വാര്‍ത്തകളില്‍ ഇടം നേടി. രഹ്‌സമായി വച്ചിരുന്ന പ്രണയം ചര്‍ച്ചയായി മാറിയതോടെ താരങ്ങള്‍ക്ക് പരസ്യമായി തന്നെ പ്രണയം സമ്മതിക്കേണ്ടി വന്നു. മനീഷയായിരുന്നു താനും നാനയും പ്രണയത്തിലാണെന്ന വാര്‍ത്ത ആദ്യം സ്ഥിരീകരിക്കുന്നത്. പിന്നാലെ നാനായും പ്രണയം സമ്മതിച്ചു. ഈ സമയത്ത് നാനയും ഭാര്യ നീലകാന്തിയും അകന്ന് താമസിക്കുകയായിരുന്നു.

പ്രതീക്ഷിച്ചത് പോലെ അത്ര സുഖകരമായിരുന്നില്ല നാനയുടേയും മനീഷയുടേയും പ്രണയം. ഇരുവരും തമ്മില്‍ പലപ്പോഴും വഴക്കുകളുണ്ടാകുമായിരുന്നു. രണ്ടു പേരും പെട്ടെന്ന് ദേഷ്യം വരുന്ന സ്വഭാവക്കാരായിരുന്നു. പ്രണയമുണ്ടെങ്കിലും മനീഷയെ വിവാഹം കഴിക്കാന്‍ നാന തയ്യാറായിരുന്നില്ല. ഇതിന്റെ പേരില്‍ ഇരുവരും തമ്മില്‍ പലപ്പോഴും വഴക്കിട്ടിരുന്നു. ഇതിനിടെ നാനയ്ക്ക് നടി ആയിഷ ജുല്‍ക്കയുമായി ബന്ധമുണ്ടെന്ന റിപ്പോര്‍ട്ടുകളും പ്രചരിക്കാന്‍ തുടങ്ങിയിരുന്നു. ഒടുവില്‍ നാനയും മനീഷയും പിരിയുകയായിരുന്നു. നാനയേയും ആയിഷയേയും അടച്ചിട്ട മുറിയില്‍ വച്ച് മനീഷ കണ്ടുവെന്നും ഇതാണ് പിരിയാന്‍ കാരണമെന്നുമാണ് റിപ്പോര്‍ട്ടുകള്‍ പറയുന്നത്. മനീഷ ആയിഷയോട് പൊട്ടിത്തെറിച്ചുവെന്നും തന്റെ പുരുഷനെ വെറുതെ വിടാന്‍ പറഞ്ഞുവെന്നും റിപ്പോര്‍ട്ടുകള്‍ പറയുന്നുണ്ട്.

അതേസമയം നാനയും ആയിഷയും പ്രണയ വാര്‍ത്തകളെ നിരസിക്കുകയായിരുന്നു. എന്തായാലും നാനയും മനീഷയും പിരിഞ്ഞു. പിന്നീടൊരിക്കല്‍ ഫിലിം ഫെയറിന് നല്‍കിയ അഭിമുഖത്തില്‍ താന്‍ മനീഷയെ മിസ് ചെയ്യുന്നുണ്ടെന്ന് നാന വെളിപ്പെടുത്തിയിരുന്നു. ''ഏറ്റവും സെന്‍സിറ്റീവായ നടിയാണ് അവള്‍. ഒരു കസ്തൂരി മാനിനെ പോലെയാണ് അവള്‍. എല്ലാര്‍ക്കുമൊപ്പം ഓടേണ്ടതില്ലെന്ന് അവള്‍ തിരിച്ചറിയണം. വേണ്ടതെല്ലാം അവള്‍ക്കുണ്ട്. അവള്‍ സ്വയം ചെയ്യുന്നത് കാണുമ്പോള്‍ എനിക്ക് കണ്ണുനീര്‍ അടക്കാനാകുന്നില്ല. ബ്രേക്ക് അപ്പ് എന്നത് വളരെ സങ്കീര്‍ണമായൊരു ഘട്ടമാണ്. ആ വേദന മനസിലാക്കാന്‍ അനുഭവിക്കണം. ഞാന്‍ കടന്നു പോയ വേദന എനിക്ക് വിശദീകരിക്കാനാകില്ല. ഞാന്‍ മനീഷയെ മിസ് ചെയ്യുന്നുണ്ട്'' എന്നായിരുന്നു നാന പറഞ്ഞത്.

Recommended Video

നയൻതാരയെ ചെറുപ്പത്തിൽ വിളിച്ച് പറ്റിച്ച കഥ പറഞ്ഞ് Dhyan Sreenivasan | FilmiBeat Malayalam

അതേസമയം നാനയും മനീഷയും ഇപ്പോള്‍ അഭിനയത്തില്‍ നേരത്തേത് പോലെ സജീവമല്ല. ഇന്ത്യ സ്വീറ്റ് ആന്റ് സ്‌പൈസസ് എന്ന ഇംഗ്ലീഷ് ചിത്രത്തിലാണ് മനീഷ അവസാനമായി അഭിനയിച്ചത്. ഇറ്റ് മൈ ലൈഫ് ആണ് നാനയുടെ അവസാനം പുറത്തിറങ്ങിയ ചിത്രം. അതേസമയം ഡിജിറ്റല്‍ രംഗത്തും മനീഷ സാന്നിധ്യം അറിയിച്ചിട്ടുണ്ട്. ഒടിടി പ്ലാറ്റ്‌ഫോമുകളിലൂടെ സജീവമായി മാറാനാണ് മനീഷയുടെ തീരുമാനം.