ഭര്‍ത്താവിനെ പാഠം പഠിപ്പിക്കാന്‍ അവിഹിത ബന്ധത്തിലേര്‍പ്പെട്ട പൂനം; വിവാദനായികയുടെ ജീവിതകഥ

ഇതിനിടെ പൂനമും രമേശ് രഹസ്യമായി വിവാഹ നിശ്ചയം നടത്തിയതായും റിപ്പോര്‍ട്ടുകളുണ്ടായിരുന്നു. എന്നാല്‍ ഇതേക്കുറിച്ച് പ്രതികരിക്കാന്‍ കുറേനാളത്തേക്ക് ഇരുവും കൂട്ടാക്കിയില്ല. പിന്നീട് ഇരുവര്‍ക്കും ഒരുമിച്ച് ജീവിക്കാനായി രമേശ് ജൂഹുവില്‍ പുതിയ വീട് വാങ്ങിയിട്ടുണ്ടെന്ന് രമേശിന്റെ സുഹൃത്ത് തന്നെ വെളിപ്പെടുത്തുകയുണ്ടായി. എന്നാല്‍ ഈ പ്രണയ ബന്ധം പിന്നീട് അവസാനിക്കുകയായിരുന്നു. ചില മാധ്യമങ്ങളില്‍ വന്ന വാര്‍ത്തകളായിരുന്നു ഇരുവരും പിരിയാനുള്ള കാരണം. 1980 കളില്‍ പൂനം തന്റെ കരിയറിന്റെ ഏറ്റവും മികച്ച സമയങ്ങളിലൂടെ കടന്നു പോവുകയായിരുന്നു. ഈ സമയത്താണ് സംവിധായകന്‍ രാജ് സിപ്പിയുമായി പൂനം പ്രണയത്തിലാകുന്നത്.

എന്നാല്‍ രാജ് സിപ്പി നേരത്തെ തന്നെ വിവാഹിതനായിരുന്നു. ഇരുവരും ഒരു സിനിമയുടെ ചിത്രീകരണത്തിനിടെയാണ് അടുപ്പത്തിലാണ്. രാജ് സിപ്പിയെ വിവാഹം കഴിക്കാന്‍ പൂനം ആഗ്രഹിച്ചിരുന്നു. എന്നാല്‍ പൂനമിന് വേണ്ടി തന്റെ കുടുംബത്തെ ഉപേക്ഷിക്കാന്‍ രാജ് തയ്യാറായിരുന്നില്ല. ഇതോടെ ഇരുവരും പിരിയുകയായിരുന്നു. ഈ പ്രണയ തകര്‍ച്ച പൂനമിനെ വല്ലാതെ തകര്‍ക്കുന്നതായിരുന്നു. മാസങ്ങള്‍ വേണ്ടി വന്നു പൂനമിന് ആ വേദനയില്‍ നിന്നും കരകയറാന്‍. 1988 പൂനമിന്റെ ജീവിതം മാറ്റി മറിച്ച വര്‍ഷമായിരുന്നു. രാജുമായുള്ള പ്രണയ തകര്‍ച്ചയ്ക്ക് പിന്നാലെയാണ് പൂനമിന്റെ അച്ഛന്‍ മരിക്കുന്നത്. ഇതേ വര്‍ഷം തന്നെ പൂനം അശോക് തക്കേരിയയുമായി പ്രണയത്തിലാവുകയും വിവാഹം കഴിക്കുകയും ചെയ്തു. ഒരു ഹോളി പാര്‍ട്ടിയില്‍ വച്ചായിരുന്നു ഇരുവരും കണ്ടുമുട്ടിയതും സുഹൃത്തുക്കളായി മാറിയതും.

വിവാഹ ശേഷം അഭിനയം നിര്‍ത്താനും പൂനം തയ്യാറായി. രണ്ട് മക്കളാണ് ഇരുവര്‍ക്കുമുള്ളത്. മകന്‍ അന്‍മോള്‍ പിന്നീട് നടനായി മാറുകയും ചെയ്തു. അതേസമയം മകള്‍ പലോമയും തന്റെ അരങ്ങേറ്റത്തിന് തയ്യാറെടുക്കുകയാണ്. വിവാഹത്തോടെ ഇടവേളയെടുത്ത പൂനം കുറച്ച് കാലം കഴിഞ്ഞ് വീണ്ടും അഭിനയിക്കാന്‍ തുടങ്ങി. ഇതേസമയം അശോകും ബിസിനസ് തിരക്കുകളിലായി. ഇതോടെ ഇരുവര്‍ക്കുമിടയില്‍ അകലം ഉടലെടുക്കുകയായിരുന്നു. ഞായറാഴ്ചകളില്‍ പോലും അശോകിനെ തനിക്ക് കിട്ടുന്നില്ലെന്ന് ഒരു സുഹൃത്തിനോട് പൂനം പറഞ്ഞിരുന്നു. പതിയെ ഭര്‍ത്താവിനോടുള്ള വിയോജിപ്പ് പൂനം പരസ്യമായി തന്നെ പ്രകടിപ്പിക്കാന്‍ തുടങ്ങി. ഇതിനിടെ 1994 ല്‍ അശോകിന് മറ്റൊരു പ്രണയമുണ്ടെന്ന വാര്‍ത്ത പുറത്ത് വന്നതോടെ ഇരുവരും തമ്മിലുള്ള അകല്‍ച്ച വളരെ വലുതായി.

അശോകിനെ ഒരു പാഠം പഠിപ്പിക്കാനായി ഹോങ്കോങ് സ്വദേശിയായ ബിസിനസുകാരന്‍ കിക്കുവുമായി പൂനം അടുപ്പത്തിലാവുകയും ചെയ്തിരുന്നു. ഒടുവില്‍ 1997 ല്‍ ഇരുവരും പിരിയാന്‍ തീരുമാനിച്ചു. രണ്ട് മക്കളുടേയും കസ്റ്റഡിയും പൂനം നേടി. പിന്നീട് സ്വന്തമായി ബിസിനസ് ആരംഭിച്ച പൂനം അഭിനയത്തിലും സജീവമായി മാറി. ബിഗ് ബോസ് മത്സരാര്‍ത്ഥിയായും പൂനം എത്തിയിരുന്നു. സിനിമയിലും ടെലിവിഷനിലുമെല്ലാം സജീവമായി മാറിയ പൂനം രാഷ്ട്രീയ പ്രവര്‍ത്തനത്തിലും സജീവമാണ്.