സ്മിത പാട്ടീലിന്റെ മരണത്തില്‍ തകര്‍ന്നു, ആശ്വാസമായി രേഖയുടെ സാന്നിധ്യം; പിന്നെ പ്രണയം

തങ്ങളുടെ പ്രണയം പരസ്യമായി രേഖ ഒരിക്കലും സമ്മതിച്ചിരുന്നില്ലെങ്കിലും രാജ് ബബ്ബര്‍ പലപ്പോഴും ഈ ബന്ധത്തെക്കുറിച്ച് തുറന്നു പറഞ്ഞിരുന്നു. ''അതെ, ഒരു തരത്തില്‍ ഞങ്ങളുടെ ബന്ധം എന്നെ സഹായിച്ചിട്ടുണ്ട്. സാഹചര്യങ്ങള്‍ മൂലമാണ് ഞങ്ങള്‍ അടുത്തത്. ആ സമയം രേഖ ഒരു നീണ്ട കാലത്തെ ബന്ധത്തിന്റെ തകര്‍ച്ചയിലൂടെ കടന്നു പോവുകയായിരുന്നു.'' എന്നാണ് രാജ് പറഞ്ഞത്. ''ഞാന്‍ സ്മിതയോടുണ്ടായിരുന്നു അത്ര അടുപ്പത്തിലായിരുന്നില്ല രേഖയുമായി. ആ തീവ്രതയുണ്ടായിരുന്നില്ല. അതേസമയം ഞങ്ങള്‍ വെറും സുഹൃത്തുക്കള്‍ മാത്രമവുമായിരുന്നില്ല'' എന്നും രാജ് ബബ്ബര്‍ പറയുന്നു.

2020 ഡിസംബര്‍ 13 നായിരുന്നു സ്മിതയുടെ 34-ാം ചരമവാര്‍ഷികം. ഹൃദയസ്പര്‍ശിയായൊരു കുറിപ്പായിരുന്നു ഈ ദിവസം രാജ് പങ്കുവച്ചത്. സ്മിതയുടെ മനോഹരമായൊരു ചിത്രം പങ്കുവച്ചു കൊണ്ട് ഇന്‍സ്റ്റഗ്രാമിലൂടെയായിരുന്നു രാജ് ബബ്ബര്‍ ഹൃദയം തുറന്നത്. ''നീ ഞങ്ങളെ വിട്ടു പോകുമ്പോള്‍ വെറും 31 വയസായിരുന്നു. നീ നടന്ന ഓര്‍മ്മയുടെ ചെറിയ പാതയിലെ കാല്‍പ്പാടുകള്‍ നിന്റെ അഭാവം എന്നത് അവിശ്വസനീയമാക്കുന്നു. കുറച്ചേ നീ കണ്ടുള്ളുവെങ്കിലും ഒരുപാട് കാണിച്ചു തരാനുണ്ടായിരുന്നു നിനക്ക്. നമ്മുടെ ജീവിതത്തില്‍ നിന്നുമുള്ള നിന്റെ പോക്ക് ഒരിക്കലും നിര്‍വചിക്കാന്‍ കഴിയാത്ത ഒന്നായി തുടരും'' എന്നായിരുന്നു അദ്ദേഹം കുറിച്ചത്.

ഒരിക്കല്‍ ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ സ്മിതയുടെ മരണത്തെക്കുറിച്ചും അത് തന്നെ എങ്ങനെ തകര്‍ത്തുവെന്നും രാജ് മനസ് തുറന്നിരുന്നു. ''സ്മിത എന്ന എന്നെന്നേക്കുമായി ഉപേക്ഷിച്ച് പോയി. അവളുടെ മരണം എന്നെ തകര്‍ത്തു. എന്നെ ആശ്രയിക്കുന്നവരെ എന്റെ പ്രശ്‌നങ്ങള്‍ ബാധിക്കരുതെന്ന് ഞാന്‍ കരുതി. ഞാന്‍ ജോലിയില്‍ വ്യാപൃതനായി. മുറിവുണങ്ങാന്‍ ഒരുപാട് സമയമെടുത്തു'' എന്നായിരുന്നു അദ്ദേഹം പറഞ്ഞത്. അഭിനേതാവായ രാജ് ബബ്ബര്‍ പിന്നീട് കോണ്‍ഗ്രസ് നേതാവായി മാറുകയും മൂന്ന് തവണ ലോക്‌സഭ അംഗവുമായി മാറി.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

വളരെ കുറച്ച് കാലം കൊണ്ട് തന്നെ ഇന്ത്യന്‍ സിനിമയിലെ തന്നെ എക്കാലത്തേയും മികച്ച നടിമാരില്‍ ഒരാളായി മാറിയ നടിയാണ് സ്മിത പാട്ടില്‍. ഹിന്ദിയ്ക്ക്പുറമെ ബംഗാളി, മറാത്തി, ഗുജറാത്തി, മലയാളം, കന്നഡ ഭാഷകളിലും അഭിനയിച്ചിട്ടുണ്ട്. ശ്യാം ബെനഗലിന്റെ ചരണ്‍ദാസ് ചോറിലൂടെയായിരുന്നു അരങ്ങേറ്റം. വാണിജ്യ സിനിമയിലും സമാന്തര സിനിമയിലും സജീവമായിരുന്ന സ്മിത. മികച്ച നടിക്കുള്ള ദേശീയ പുരസ്‌കാരവും ലഭിച്ചിട്ടുണ്ട്. തന്റെ 31-ാം വയസില്‍, 1986 ലായിരുന്നു സ്മിതയുടെ മരണം. രാജ് ബബ്ബറിന്റേയും സ്മതിയുടേയും മകനായ പ്രതീക് ബബ്ബറും പിന്നീട് സിനിമയിലെത്തുകയുണ്ടായി.