മുസ്ലീം യുവാവിനെ പ്രണയിച്ചതിന് അച്ഛന്‍ തല്ലിയെന്ന് ഹൃത്വിക്കിന്റെ പെങ്ങള്‍! വിശ്വസിക്കാനാകാതെ സുഹൃത്തുക്കള്‍

എന്നാല്‍ സുനൈനയുടെ ആരോപണങ്ങള്‍ അടിസ്ഥാന രഹിതമാണെന്നും സുനൈനയ്ക്ക് മാനസികാരോഗ്യ പ്രശ്‌നങ്ങളുണ്ടെന്നുമായിരുന്നു പിന്നീട് വന്ന വിശദീകരണം. മുസ്ലീം യുവാവുമായുള്ള സുനൈനയുടെ പ്രണയത്തെ രാകേഷ് അംഗീകരിച്ചില്ലെന്ന വാദത്തെ എതിര്‍ത്തു കൊണ്ട് സുഹൃത്തുക്കളും അടുത്ത ബന്ധുക്കളും രംഗത്ത് എത്തിയിരുന്നു. ''തന്റെ മകള്‍ ഒരു മുസ്ലീം യുവാവിനെ പ്രണയിക്കുന്നതിനെ രാകേഷ് എതിര്‍ക്കുമെന്നത് അസംഭവ്യമാണ്. അവന്റെ മകന്‍ ഹൃത്വിക് പതിനാല് വര്‍ഷമായി ജീവിക്കുന്നത് മുസ്ലീം പെണ്‍കുട്ടിക്കൊപ്പമാണ്. ഹൃത്വിക്കിന്റെ ഭാര്യയുടെ കുടുംബം മുസ്ലീങ്ങളാണ്. സഞ്ജയ് ഖാന്‍ ആണ് അവന്റെ ഭാര്യയുടെ അച്ഛന്‍. സഞ്ജയ് ഖാനും രാകേഷും ഈദും ദീവാലിയും ഒരുമിച്ച് ആഘോഷിക്കന്നവരാണ്'' എന്നായിരുന്നു ഒരു സുഹൃത്ത് പറഞ്ഞത്.

അതേസമയം സുനൈനയുടെ തീരുമാനത്തിനെതിരെ കുടുംബം നിന്നതാണ് ഇത്തരം ആരോപണങ്ങള്‍ ഉന്നയിക്കാനുള്ള കാരണമായി മാറിയതെന്നും ചിലര്‍ ആരോപിച്ചിരുന്നു. ''വ്യക്തിപരമായ കാര്യങ്ങളിലേക്ക് കടക്കുന്നില്ല. എങ്കിലും പറയാം, ഞങ്ങള്‍ക്ക് മനസിലാക്കാന്‍ സാധിച്ചതില്‍ നിന്നും പറയാം. സുനൈന മുമ്പ് പലപ്പോഴും തെറ്റായ പങ്കാളികളെയാണ് കണ്ടെത്തിയിട്ടുള്ളത്. അതുകൊണ്ട് രാകേഷും പിങ്കിയും ആഗ്രഹിക്കുന്നത് അവള്‍ ജീവിതത്തില്‍ സെറ്റില്‍ ഡൗണ്‍ ആകാനാണ്. വീണ്ടുമൊരു തെറ്റായ തീരുമാനം എടുക്കുന്നതിനോട് അവര്‍ക്ക് താല്‍പര്യമില്ല. എല്ലാ രക്ഷിതാക്കളേയും പോലെയാണ് അവര്‍ പെരുമാറിയത്'' എന്നായിരുന്നു സുഹൃത്ത് പറഞ്ഞത്.

സംഭവങ്ങള്‍ക്കിടെ സുനൈനയ്ക്ക് പിന്തുണയുമായി കങ്കണ രംഗത്ത് എത്തുകയും ചെയ്തിരുന്നു. എന്തായാലും പ്രശ്‌നങ്ങള്‍ പിന്നീട് പരിഹരിക്കുകയും സുനൈനയും കുടുംബവും വീണ്ടും ഒന്നാവുകയും ചെയ്തു. ഹൃത്വിക്ക് കങ്കണയ്‌ക്കെതിരെ കോടതിയെ സമീപിക്കുകയും ചെയ്തു. ആ കേസ് ഇപ്പോഴും അവസാനിച്ചിട്ടില്ല. ഇതിനിടെ ഹൃത്വിക്കും സൂസെയ്ന്‍ ഖാനും പിരിയുകയും ചെയ്തു. ഇപ്പോഴിതാ ഹൃത്വിക്ക് മറ്റൊരു പ്രണയത്തിലാണെന്നാണ് റിപ്പോര്‍ട്ടുകള്‍ പറയുന്നത്. നടി സബ ആസാദുമായി താരം പ്രണയത്തതിലാണെന്നാണ് റിപ്പോര്‍ട്ടുകള്‍ പറയുന്നത്. ഇരുവരും ഒരുമിച്ചുള്ള ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലായിരുന്നു.

Recommended Video

വീട്ടിലെ അവസ്ഥ ഇപ്പോഴും ശോകമാണ്.. | Aishwarya Lekshmi Reveals | Archana 31 Not Out | Filmibeat

കഴിഞ്ഞ ദിവസം ഹൃത്വിക്കും സബയും ഒരുമിച്ച് മുംബൈയിലെ ഒരു കോഫി ഹൗസില്‍ എത്തിയതോടെയാണ് ഇരുവരും പ്രണയത്തിലാണെന്ന റിപ്പോര്‍ട്ടുകള്‍ സജീവമാകുന്നത്. സബയുടെ കൈയ്യില്‍ പിടിച്ചു കൊണ്ടായിരുന്നു ഹൃത്വിക് നടന്നത്. ഇതിന്റെ വീഡിയോയാണ് വൈറലായി മാറിയത്. തൊട്ടടുത്ത ദിവസം സമാനമായ രീതിയില്‍ ഇരുവരും വീണ്ടുമൊരു ഡിന്നറിനെത്തുകയായിരുന്നു. നടിയും ഗായികയുമാണ് സബ ആസാദ്. സ്വന്തമായി മ്യൂസിക് ബാന്റുമുണ്ട് സബയ്ക്ക്. അതേസമയം വിക്രം വേദയുടെ ഹിന്ദി റീമേക്കിലാണ് ഹൃത്വിക്ക് ഇപ്പോള്‍ അഭിനയിക്കുന്നത്. ചിത്രത്തില്‍ വിജയ് സേതുപതി ചെയ്ത വേഷമാണ് ഹൃത്വിക് അവതരിപ്പിക്കുന്നത്.