ഒരു കുട്ടിയെ പോലെ ഞാന്‍ പൊട്ടിക്കരഞ്ഞു! രണ്‍ബീറിന്റെ ശല്യം സഹിക്കാതെ കരഞ്ഞു പോയ അനുഷ്‌ക

ചിത്രീകരണ വേളയില്‍ പരസ്പരം ശല്യപ്പെടുത്തുന്നതില്‍ ആനന്ദം കണ്ടെത്തുന്നവരാണ് അനുഷ്‌കയും രണ്‍ബീറും. ബോംബെ വെല്‍വറ്റിന്റെ ചിത്രീകരണത്തിനിടെ രണ്‍ബീര്‍ അനുഷ്‌കയെ തുടര്‍ച്ചയായി ശല്യം ചെയ്യുകയായിരുന്നു. ഇതോടെയാണ് അനുഷ്‌ക നിയന്ത്രണം വിട്ട് പൊട്ടിക്കരഞ്ഞത്. ''അവനൊപ്പം ജോലി ചെയ്യുക വളരെ എളുപ്പമുള്ള കാര്യമാണ്. അവന്‍ എന്റെ സുഹൃത്താണ്. ഞങ്ങള്‍ അടിയുണ്ടാക്കാറുണ്ട്. ഞാന്‍ ഒരിക്കല്‍ കരയുക വരെ ചെയ്തിട്ടുണ്ട്. ഞങ്ങള്‍ ഒരു റൊമാന്റിക് രംഗം ചെയ്യാന്‍ പോവുകയായിരുന്നു. എനിക്ക് അവനോട് അടിയുണ്ടാക്കാന്‍ പറ്റിയില്ല. ഞാന്‍ കരഞ്ഞു പോയി. ഒരു കുട്ടിയെ പോലെ ഞാന്‍ കരഞ്ഞു'' എന്നായിരുന്നു അനുഷ്‌ക പറഞ്ഞത്.

'' ഒരു കലാകാരന്‍ എന്ന നിലയില്‍ എനിക്ക് അവനോട് വളരെയധികം ബഹുമാനമുണ്ട്. അവന്‍ വളരെ നല്ല നടനാണ്. തീര്‍ത്തും എഫേര്‍ട്ട്‌ലെസ് ആയ നടനാണ് രണ്‍ബീര്‍'' എന്നായിരുന്നു സുഹൃത്തിനെക്കുറിച്ച് അനുഷ്‌ക പറഞ്ഞത്. പിന്നീട് ഇരുവരും ഒരുമിച്ച യേ ദില്‍ ഹേ മുഷ്ഖിലിന്റെ ചിത്രീകരണത്തിനിടയിലും സമാനമായ സംഭവങ്ങള്‍ അരങ്ങേറിയിട്ടുണ്ട്. ചിത്രത്തിലെ ഒരു രംഗത്തില്‍ അനുഷ്‌കയുടെ കഥാപാത്രം രണ്‍ബീറിന്റെ കഥാപാത്രത്തിന്റെ കരണത്ത് അടിക്കുന്നുണ്ട്. ഈ രംഗം ചിത്രീകരിക്കുന്നതിനിടെ അനുഷ്‌ക രണ്‍ബീറിനെ ശരിക്കും ്അടിക്കുകയായിരുന്നു. തുടരെ തുടരെ അനുഷ്‌ക അടിച്ചതോടെ രണ്‍ബീറിന്‌റെ നിയന്ത്രണം നഷ്ടമാവുകയായിരുന്നു. ഇതോടെ ഇരുവരും തമ്മില്‍ വാക്ക് തര്‍ക്കം ഉടലെടുത്തു. പിന്നീട് രണ്ടു പേരും പഴയത് പോലെ തന്നെ ചിത്രീകരണം തുടരുകയും ചെയ്തു. ഇതിന്റെ മേക്കിംഗ് വീഡിയോ അണിയറ പ്രവര്‍ത്തകര്‍ പുറത്ത് വിട്ടിരുന്നു.

അതേസമയം 2018 ല്‍ പുറത്തിറങ്ങിയ സഞ്ജു ആണ് രണ്‍ബീറിന്റെ അവസാനം റിലീസ് ചെയ്ത സിനിമ. ആ വര്‍ഷത്തെ ഏറ്റവും വലിയ വിജയമായിരുന്നു സഞ്ജു. വാണി കപൂറിനൊപ്പം അഭിനയിക്കുന്ന ഷംഷേരയാണ് രണ്‍ബീറിന്റെ പുതിയ സിനിമ. പിന്നാലെ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമായ ബ്രഹ്‌മാസ്ത്രയും അണിയറയിലുണ്ട്. കാമുകി കൂടിയായ ആലിയ ഭട്ടാണ് ചിത്രത്തിലെ നായിക. അയാന്‍ മുഖര്‍ജിയാണ് ചിത്രത്തിന്റെ സംവിധായകന്‍. പിന്നാലെ സന്ദീപ് റെഡ്ഡി വാംഗയുടെ സിനിമയും ലവ് രഞ്ജന്റെ സിനിമയും ഒരുങ്ങുന്നുണ്ട്.

Recommended Video

ഉറക്കം പോയെങ്കിലും ഞങ്ങള്‍ സന്തുഷ്ടരാണെന്ന് വിരുഷ്‌ക | FilmiBeat Malayalam

അതേസമയം അനുഷ്‌കയുടെ അവസാന സിനിമയും പുറത്തിറങ്ങിയത് 2018 ലായിരുന്നു. സീറോയായിരുന്നു ചിത്രം. പക്ഷെ സിനിമയെ പരാജയപ്പെടുകയായിരുന്നു. ഇതേ തുടര്‍ന്ന് താരം അഭിനയത്തില്‍ നിന്നും ചെറിയൊരു ഇടവേളയെടുക്കുകയായിരുന്നു. ഈയ്യടുത്തായിരുന്നു അനുഷ്‌ക കുഞ്ഞിന് ജന്മം നല്‍കിയത്. വാമിക എന്നാണ് അനുഷകയുടെ മകളുടെ പേര്. ഇപ്പോള്‍ താരം തിരിച്ചുവരവിനുള്ള തയ്യാറെടുപ്പിലാണ്. അതേസമയം താരം തന്‌റെ തിരിച്ചുവരവ് സിനിമ ഇതുവരേയും പ്രഖ്യാപിച്ചിട്ടില്ല.