ഐശ്വര്യയ്ക്ക് ഭംഗി മാത്രമേയുള്ളൂ, കഴിവില്ല; അവളെ ഗര്‍ഭിണിയാക്കിയത് നന്നായി, ഗുഡ് ജോബ് അഭിഷേക്!

സംഭവം നടക്കുന്നത് 2011 ലാണ്. സ്പീഡി സിംഗ്‌സ് എന്ന സിനിമയുടെ പ്രൊമോഷന് വേണ്ടിയായിരുന്നു റസല്‍ പീറ്റേഴ്‌സ് ഇന്ത്യയിലെത്തിയത്. ചിത്രത്തില്‍ അക്ഷയ് കുമാര്‍ അതിഥി വേഷത്തിലെത്തുന്നുണ്ട്. ചിത്രത്തിന്റെ സഹനിര്‍മ്മാതാവുമായിരുന്നു അക്ഷയ് കുമാര്‍. അനുപം ഖറും ചിത്രത്തിലൊരു പ്രധാന വേഷത്തിലെത്തിയിരുന്നു. സിനിമയുടെ പ്രൊമോഷന്റെ ഭാഗമായി നടത്തിയ പത്രസമ്മേളനത്തിനിടെയായിരുന്നു സംഭവം.

Also Read: 'അധികാരം കിട്ടുമ്പോൾ ചിലർ അതിൽ മേയും, ഓടാൻ സാധ്യതയുള്ള പടങ്ങൾ ഇടവേള ബാബു പിടിച്ച് വെക്കും'; മണിയൻപിള്ള രാജു

താന്‍ ബോളിവുഡ് സിനിമകളുടെ ആരാധകനല്ലെന്നായിരുന്നു റസല്‍ പീറ്റേഴ്‌സ് പറഞ്ഞത്. ബോൡവുഡ് സിനിമകളുടെ മെലോഡ്രാമ തനിക്ക് താങ്ങാനാകില്ലെന്നാണ് അദ്ദേഹം പറയുന്നത്.

''ഞാന്‍ ബോളിവുഡിനെ വെറുക്കുന്നു. സിനിമകളെല്ലാം വെറും മാലിന്യങ്ങളാണ്. എന്റെ അഭിപ്രായമാണിത്. ഈ സിനിമകളെ ഇഷ്ടപ്പെടുന്ന ലക്ഷക്കണക്കിന് ആളുകളുണ്ട്. എനിക്ക് പാട്ടും ഡാന്‍സും കരച്ചിലുമൊന്നും ഇഷ്ടമല്ല. ഞാന്‍ ജീവിതത്തില്‍ ഇതുവരെ ഒരു ബോളിവുഡ് സിനിമ പോലും കണ്ടിട്ടില്ല. നേരത്തേയും നിരസിച്ചിട്ടുണ്ട്. ഇനിയും നിരസിക്കും. ചിലരൊക്കെ ശരിക്കുമുള്ള സിനിമ ചെയ്യുന്നുണ്ടെന്ന് പ്രതീക്ഷിക്കുന്നു'' റസല്‍ പറയുന്നു.

''മോശം അഭിനയത്തിന്റെ ഏറ്റവും വലിയ ഉദാഹരമാണ് ഐശ്വര്യ റായ്. സുന്ദരമായ മുഖമുണ്ടെങ്കില്‍ ആര്‍ക്കും ബോളിവുഡില്‍ സൂപ്പര്‍ സ്റ്റാര്‍ ആകാമെന്ന് വീണ്ടും വീണ്ടും കാണിച്ചു തരികയാണ് അവര്‍'' എന്നായിരുന്നു ഐശ്വര്യയെക്കുറിച്ച് റസല്‍ പറഞ്ഞത്. ആ സമയത്ത് ഐശ്വര്യ തന്റെ മകള്‍ ആരാധ്യയെ ഗര്‍ഭം ധരിച്ചിരിക്കുകയായിരുന്നു. ഇതിനെക്കുറിച്ചും റസല്‍ മോശമായ പരാമര്‍ശം നടത്തിയിരുന്നു.

അവളെ കാണാന്‍ ഇപ്പോഴും ഭംഗിയുണ്ട്. ഇത് പോരെ. നീ അവളെ ഗര്‍ഭിണിയാക്കിയല്ലോ അഭിഷേക്, നല്ല കാര്യം എന്നാണ് റസല്‍ പിന്നീട് പറഞ്ഞത്. സ്വാഭാവികയും റസലിന്റെ വാക്കുകള്‍ വലിയ വിവാദമായി മാറി. ഗര്‍ഭിണി കൂടിയായ ഇന്ത്യന്‍ സിനിമയിലെ ഏറ്റവും വലിയ നായികയെ അപമാനിച്ച റസലിനെതിരെ ആരാധകരും സിനിമാ ലോകവുമെല്ലാം തുറന്നടിച്ചു. ഇതോടെ ചിത്രത്തിന്റെ സഹ നിര്‍മ്മാതാവു കൂടിയായ അക്ഷയ് കുമാര്‍ തന്നെ നേരിട്ട് മാപ്പ് ചോദിച്ച് എത്തുകയായിരുന്നു.

റസലിന്റെ പരാമര്‍ശത്തില്‍ അക്ഷയ് കുമാര്‍ അഭിഷേകിനോടും ഐശ്വര്യയോടും മാപ്പ് ചോദിച്ചുവെന്നാണ് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തത്. അതേസമയം, ഐശ്വര്യയെക്കുറിച്ച് റസല്‍ മോശം പരാമര്‍ശം നടത്തിയപ്പോള്‍ എന്തുകൊണ്ട് അക്ഷയ് കുമാര്‍ അതിനെ എതിര്‍ത്തില്ല എന്നത് ആരാധകര്‍ ചോദിച്ചിരുന്ന ചോദ്യമാണ്. വര്‍ഷങ്ങളായി അറിയുന്നവരും സുഹൃത്തുക്കളുമാണ് അക്ഷയ് കുമാറും അഭിഷേകും ഐശ്വര്യയും.

പിന്നീട് അക്ഷയ് കുമാര്‍ അഭിഷേകുമായി സംസാരിക്കുകയായിരുന്നു. എന്നാല്‍ ഇതില്‍ അക്ഷയ് കുമാര്‍ മാപ്പ് ചോദിക്കേണ്ടതില്ലെന്നും അക്കിയുടെ ഭാഗത്ത് തെറ്റില്ലെന്നുമായിരുന്നു അഭിഷേക് പറഞ്ഞതെന്നാണ് റിപ്പോര്‍ട്ടുകള്‍ പറയുന്നത്. മാപ്പ് ചോദിക്കേണ്ടത് റസല്‍ ആണെന്നാണ് അഭിഷേക് പറഞ്ഞത്. സംഭവത്തില്‍ പിന്നീട് റസല്‍ പീറ്റേഴ്‌സ് മാപ്പ് പറയണമെന്ന് ആവശ്യപ്പെട്ട് സ്ത്രീപക്ഷ സംഘടനകളും രംഗത്തെത്തിയിരുന്നു.