കരീനയല്ല, ഏറ്റവും ഹോട്ട് ഈ നായികയെന്ന് സെയ്ഫ് അലി ഖാൻ; കരൺ ജോഹറിനെയും ഷാഹിദിനെയും ഞെട്ടിച്ച മറുപടി!

പിന്നീട് നടി കരീന കപൂറുമായി പ്രണയത്തിലായ സെയ്ഫ് 2012 ൽ നടിയെ വിവാഹം കഴിച്ചു. അഞ്ച് വർഷം നീണ്ട പ്രണയത്തിന് ശേഷമായിരുന്നു വിവാഹം. ബോളിവുഡ് ചർച്ച ചെയ്ത പ്രണയവും വിവാഹവും ആയിരുന്നു ഇവരുടേത്. രണ്ട് മക്കളാണ് താരദമ്പതികള്‍ക്കുള്ളത്. ഷാഹിദ് കപൂറുമായി കരീന പിരിഞ്ഞതിന് ശേഷമായിരുന്നു കരീന സെയ്‌ഫുമായി ഇഷ്ടത്തിലായത്. ഇന്ന് വിജയകരമായി ദാമ്പത്യ ജീവിതം മുന്നോട്ട് കൊണ്ടുപോവുകയാണ് ഇരുവരും.

പൊതുവേദികളിലൊക്കെ പരസ്‍പരം പുകഴ്ത്താറുള്ള താരങ്ങളാണ് ഇരുവരും. എന്നാൽ ഒരിക്കൽ കരൺ ജോഹറിന്റെ ഒരു ചോദ്യത്തിന് മുന്നിൽ സൈഫ്‌ പെട്ട് പോയിട്ടുണ്ട്. താരങ്ങളെ അവരുടെ ഹോട്ട്‌നസിന്റെ അടിസ്ഥാനത്തിൽ വിലയിരുത്താറുള്ള ആളാണ് കരൺ ജോഹർ. 2015 ൽ, ഡാൻസ് റിയാലിറ്റി ഷോ ആയ ജലക് ദിഖ്‌ല ജാ സീസൺ 8 ൽ സെയ്ഫ് അലി ഖാനെയും കത്രീന കൈഫിനെയും കിട്ടിയപ്പോഴും കരൺ അത് തന്നെ ചെയ്തു. ഷാഹിദ് കപൂറും കരണും ഷോയുടെ വിധികർത്താക്കൾ ആയിരുന്നു.

പുതിയ സിനിമയുടെ പ്രമോഷന്റെ ഭാഗമായി എത്തിയതായിരുന്നു സെയ്ഫും കത്രീനയും. ഷോയിൽ വെച്ച് ആരാണ് കൂടുതൽ ഹോട്ടർ എന്നായിരുന്നു കരണിന്റെ ചോദ്യം. ഷാഹിദിനെയും സെയ്‌ഫിനെയും ഇരുത്തി ആയിരുന്നു ചോദ്യമെങ്കിലും ഏറ്റവും കൂടുതൽ വെള്ളം കുടിച്ചത് സെയ്ഫ് ആയിരുന്നു.

കത്രീന കൈഫ്, കരീന കപൂർ, ദീപിക പദുക്കോൺ, പ്രിയങ്ക ചോപ്ര, സോനം കപൂർ എന്നിവരിൽ ആരാണ് ഹോട്ടെന്ന് ആയിരുന്നു കരണിന്റെ ചോദ്യം. അതിന് താൻ പ്രൊഫഷണലാണെന്ന് പറഞ്ഞു കൊണ്ട്. കത്രീന കൈഫ് എന്ന മറുപടിയാണ് സെയ്ഫ് നൽകിയത്. കരൺ ഒന്നുടെ ചോദിച്ചെങ്കിലും കത്രീന തന്നെയാണെന്ന് ആവർത്തിക്കുകയായിരുന്നു സെയ്ഫ്. അപ്പോൾ കരീനയേക്കാൾ ഹോട്ട് കത്രീന തന്നെയാണോ എന്ന് കരൺ ആവർത്തിച്ച് ചോദിക്കുമ്പോൾ.

ആദ്യം നിങ്ങൾ പറയുന്നത് കേൾക്കുന്നില്ല എന്നൊക്കെ പറയുന്ന സെയ്ഫ് പിന്നീട് കരീന തന്നെയാണ് ഹോട്ട് എന്ന് തിരുത്തി പറയുന്നുണ്ട്. പിന്നീട് ഓഡറിൽ ആരാണ് കൂടുതൽ ഹോട്ട് എന്ന് പറയാൻ പറയുമ്പോൾ കരീന, കത്രീന, ദീപിക, പ്രിയങ്ക, സോനം എന്നായിരുന്നു സെയ്‌ഫിന്റെ മറുപടി. ഇടയിൽ രസകരമായ സംഭാഷണങ്ങളിലേക്ക് ഇവർ പോകുന്നുണ്ട്. ഷാഹിദിനോടും ചോദിക്കു എന്ന് സെയ്ഫ് പറയുന്നത് കാണാം.

ഇതേ ചോദ്യം ഷാഹിദിനോട് ചോദിച്ചപ്പോൾ മീര കപൂർ ആണെന്ന് ആയിരുന്നു ഷാഹിദ് പറഞ്ഞത്. അതേസമയം നടന്മാരിൽ ആരാണെന്ന് കത്രീനയോട് ചോദിക്കുമ്പോൾ നടിയാവട്ടെ അന്നത്തെ തന്റെ കാമുകനാണ് ഒന്ന് മുതൽ എല്ലാ സ്ഥാനങ്ങളിലും എന്നാണ് പറഞ്ഞത്. ഇതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്.