ആരുമറിയാതെ സല്‍മാന്‍ ആ സിനിമയില്‍ അഭിനയിച്ചു, പൊട്ടിക്കരഞ്ഞ് ഐശ്വര്യ; ഇരുവരും അവസാനമായി ഒരു ഫ്രെയിമില്‍!

ചിത്രത്തിലെ ഒരു രംഗത്തില്‍ ഐശ്വര്യ റായ് അവതരിപ്പിക്കുന്ന പാറോയുടെ കാലില്‍ മുള്ള് തറയ്ക്കുന്നുണ്ട്. പിന്നാലെ ഷാരൂഖ് ഖാന്റെ കഥാപാത്രം ആ മുള്ളെടുത്ത് മാറ്റുന്നതും കാണാം. ഈ രംഗത്തിലായിരുന്നു സല്‍മാന്‍ ഖാന്‍ ഭാഗമായത്. ഈ രംഗം ചിത്രീകരിക്കുന്ന സമയത്ത് സല്‍മാന്‍ ഖാനും അവിടെയുണ്ടായിരുന്നു. ഇതോടെ താരം സ്വമേധയാ മുന്നോട്ട് വരികയായിരുന്നു. രംഗത്തില്‍ ഐശ്വര്യയുടെ കാലിലെ മുള്ളെടുക്കുന്നത് ഷാരൂഖ് ഖാന്റെ കഥാപാത്രം ആണെങ്കിലും ഫൈനല്‍ കട്ടില്‍ കാണുന്ന കരങ്ങള്‍ ഷാരൂഖ് ഖാന്റേതല്ല, സല്‍മാന്‍ ഖാന്റേതായിരുന്നു. മോറേ പിയ എന്ന പാട്ടിന്റെ ഭാഗമായിരുന്നു ആ രംഗം.

''ഹം ദേല്‍ ദേ ചുക്കേ സനം എന്ന സിനിമയുടെ ചിത്രീകരണത്തിനിടെയാണ് ഐശ്വര്യ തന്റെ നായകനായ സല്‍മാന്‍ ഖാനുമായി പ്രണയത്തിലാകുന്നത്. രണ്ട് വര്‍ഷത്തിനകം തന്നെ ഇരുവരും തമ്മിലുള്ള ബന്ധത്തില്‍ പ്രശ്‌നങ്ങള്‍ ഉടലെടുത്തിരുന്നു. മാതാപിതാക്കളുടെ വിസമ്മതവും മോശം പെരുമാറ്റവും മര്‍ദ്ദനവും വരെ ആരോപിക്കപ്പെട്ടിരുന്നു. ദേവ്ദാസിന്റെ സമയം ആയപ്പോഴേക്കും ആ ബന്ധം അസന്തുഷ്ടകരമായ ഒന്നായി മാറിയിരുന്നു. സ്വയം നശിപ്പിക്കാന്‍ ശ്രമിക്കുന്ന, അതിലൂടെ തന്റെ പ്രണയത്തെയും നശിപ്പിക്കുന്ന തരത്തില്‍ ജീവിതത്തിലെ ദേവ്ദാസ് ആയി മാറിയിരുന്നു സല്‍മാന്‍. ദേവ്ദാസിന്റെ ചിത്രീകരണത്തിന്റെ ഭാഗവുമായിരുന്നു അവന്‍'' എന്നാണ് അനുപമ ചോപ്ര പുസ്തകത്തില്‍ പറയുന്നത്.

'സല്‍മാന്‍ ഖാന്‍ രാത്രികളോളം മദ്യപിച്ച് ഐശ്വര്യയുടെ മുറിയുടെ നിലത്ത് കിടക്കുമായിരുന്നു. ഒരു രാത്രി ഷാരൂഖ് ഖാനും ഐശ്വര്യയും കാലിലെ മുള്ളെടുത്ത് മാറ്റുന്ന റൊമാന്റിക് രംഗം ചിത്രീകരിക്കുകയായിരുന്നു. സല്‍മാന്‍ ഖാന്‍ അപ്പോള്‍ സെറ്റിലുണ്ടായിരുന്നു. അവന്‍ എങ്ങനെയാണ് ഇത് ചെയ്യേണ്ടതെന്ന് കാണിച്ചു തരാം എന്ന് പറഞ്ഞുകൊണ്ട് വരികയായിരുന്നു. ഷാരൂഖ് ഖാന്‍ സമ്മതിക്കുകയും ചെയ്തു. തന്റെ ജീവിതത്തിലെ അവസ്ഥ തന്നെയായിരുന്നു സല്‍മാന്‍ അന്ന് അഭിനയിച്ചത്. ഐശ്വര്യ കരഞ്ഞു. അവര്‍ ഇരുവരും അവസാനമായി ഒരുമിച്ച് അഭിനയിച്ചത് ആ രംഗത്തിലായിരുന്നു'' എന്നും അനുപമ ചോപ്ര പുസ്തകത്തില്‍ പറയുന്നുണ്ട്.

Recommended Video

When Salman Got Angry With Shahid Kapoor During A Concert; Check The Reason

ബോളിവുഡിലെ ജനപ്രീയ ജോഡിയായിരുന്നു സല്‍മാന്‍ ഖാനും ഐശ്വര്യ റായിയും. ഇരുവരും വിവാഹം കഴിക്കുമെന്ന് വരെ റിപ്പോര്‍ട്ടുകളുണ്ടായിരുന്നു. എന്നാല്‍ പിന്നീട് ഇരുവരും പിരിയുകയായിരുന്നു. സല്‍മാനെതിരെ മര്‍ദ്ദനമടക്കമുള്ള ആരോപണങ്ങളുമായി ഐശ്വര്യ രംഗത്ത് എത്തുകയായിരുന്നു. താന്‍ ഇനിയൊരിക്കലും സല്‍മാനൊപ്പം അഭിനയിക്കില്ലെന്നും ഐശ്വര്യ അറിയിച്ചിരുന്നു. പിന്നീട് ഇന്നുവരെ ഇരുവരും ഒരുമിച്ചൊരു ഫ്രെയിമില്‍ പോലും വന്നിട്ടില്ല. അതേസമയം ഐശ്വര്യ പിന്നീട് അഭിഷേക് ബച്ചനുമായി പ്രണയത്തിലാവുകയും അഭിഷേകിനെ വിവാഹം കഴിക്കുകയും ചെയ്യുകയായിരുന്നു. സല്‍മാന്‍ ഇതുവരെ വിവാഹം കഴിച്ചിട്ടില്ല. പിന്നീടും സല്‍മാന്റെ ജീവിതത്തില്‍ പ്രണയങ്ങളുണ്ടായിട്ടുണ്ട്. മോഡല്‍ ലുലിയ വാന്റൂറുമായി സല്‍മാന്‍ പ്രണയത്തിലാണെന്നാണ് റിപ്പോര്‍ട്ടുകള്‍.