ആരാധികമാരുടെ ഫോട്ടോ ഒളിക്യാമറയില്‍ പകര്‍ത്താറുണ്ട്! സല്‍മാന്റെ ഞെട്ടിച്ച വെളിപ്പെടുത്തല്‍

പിന്നീട് ഇങ്ങോട്ട് സല്‍മാന്‍ ഖാന് തിരിഞ്ഞു നോക്കേണ്ടി വന്നിട്ടില്ല. ലോകമെമ്പാടും ആരാധകരുള്ള നടനാണ് സല്‍മാന്‍ ഖാന്‍. ആരാധകര്‍ക്ക് വേണ്ടി ലോകത്തിന്റെ പല കോണുകളിലും സ്‌റ്റേജ് ഷോകളും ലോക ടൂറുകളുമെല്ലാം നടത്താറുണ്ട് സല്‍മാന്‍ ഖാന്‍. ഈയ്യടുത്ത് നടന്ന ദ ബാംഗ് ടൂര്‍ ഇതിനൊരു ഉദാഹരണമാണ്. റിയാദ്, സൗദി അറേബ്യ തുടങ്ങിയ രാജ്യങ്ങളിലായിരുന്നു ടൂര്‍ നടന്നത്. എന്നാല്‍ തൊണ്ണൂറുകളില്‍ ഇത്തരം ലോക ടൂറുകള്‍ പതിവുണ്ടായിരുന്നില്ല. അന്ന് തന്റെ ആരാധകരെ സന്തോഷിപ്പിക്കാനും അവര്‍ക്ക് സമ്മാനങ്ങള്‍ നല്‍കാനും സല്‍മാന്‍ ഖാന്‍ സ്വീകരിച്ച മാര്‍ഗ്ഗം തീര്‍ത്തും അമ്പരപ്പിക്കുന്ന ഒന്നായിരുന്നു. ചിലപ്പോഴൊക്കെ അതിരു കടക്കുന്നതുമായിരുന്നു സല്‍മാന്റെ ആ വഴി.

ഒരിക്കല്‍ ഒരു അഭിമുഖത്തില്‍ സല്‍മാന്‍ ഖാന്‍ തന്നെയാണ് തന്റെ രീതികളെക്കുറിച്ച് വെളിപ്പെടുത്തിയത്. തന്റെ കഴുത്തിലെ മാലയില്‍ ഒരു ചെറിയ ക്യാമറ താന്‍ കൊണ്ട് നടക്കുന്നുണ്ടെന്നായിരുന്നു സല്‍മാന്‍ ഖാന്റെ വെളിപ്പെടുത്തല്‍. ആരാധകരെ കാണാന്‍ പോകുമ്പോഴായിരുന്നു ഇങ്ങനെ ചെയ്തിരിക്കുന്നത്. ഈ ക്യാമറ ഉപയോഗിച്ച് മുന്‍നിരയിലിരിക്കുന്ന ആരാധകരുടെ ചിത്രങ്ങള്‍ എടുക്കുകയായിരുന്നു സല്‍മാന്‍ ഖാന്‍ ചെയ്തിരുന്നത്. പിന്നീട് ഈ ചിത്രങ്ങളില്‍ ഓട്ടോഗ്രാഫ് ഇട്ട ശേഷം ആരാധകര്‍ക്ക് അയച്ചു കൊടുക്കുന്നതായിരുന്നു സല്‍മാന്‍ ഖാന്റെ ശീലം. മുന്‍നിരയിലിരിക്കുന്ന പെണ്‍കുട്ടികളുടെ ചിത്രം നിങ്ങള്‍ എടുക്കുകയാണോ എന്ന് ചോദിച്ചപ്പോല്‍ അതെയെന്നും ഓട്ടോഗ്രാഫ് ഇട്ട ശേഷം തിരിച്ച് അയക്കുകയാണെന്നും സല്‍മാന്‍ വ്യക്തമാക്കുകയും ചെയ്തിരുന്നു. പിന്നാലെ തന്റെ കഴുത്തില്‍ തൂക്കിയിട്ട ക്യാമറയും സല്‍മാന്‍ ഖാന്‍ കാണിച്ചു കൊടുക്കുന്നുണ്ട്.

അതേസമയം അന്തിം ആണ് സല്‍മാന്‍ ഖാന്റെ അവസാനം പുറത്തിറങ്ങിയ സിനിമ. സല്‍മാന്റെ സഹോദരിയുടെ ഭര്‍ത്താവ് കൂടിയായ നടന്‍ ആയുഷ് ശര്‍മയും ചിത്രത്തിലൊരു പ്രധാന വേഷത്തിലെത്തിയിരുന്നു. മഹേഷ് മഞ്ചരേക്കര്‍ സംവിധാനം ചെയ്ത ചിത്രം മറാത്തി സിനിമയുടെ ഹിന്ദി റീമേക്ക് ആയിരുന്നു. ചിത്രത്തിന് മികച്ച പ്രതികരണമായിരുന്നു നിരൂപകരില്‍ നിന്നും ആരാധകരില്‍ നിന്നും ലഭിച്ചത്. നിരവധി സിനിമകളാണ് സല്‍മാന്‍ ഖാന്റേതായി അണിയറയിലൊരുങ്ങുന്നത്. ടൈഗര്‍ പരമ്പരയിലെ മൂന്നാമത്തെ ചിത്രമായ ടൈഗര്‍ ത്രീയാണ് അണിയറയില്‍ തയ്യാറെടുക്കുന്ന അടുത്ത സല്‍മാന്‍ ഖാന്‍ ചിത്രം. കത്രീന കൈഫാണ് മൂന്നാം ഭാഗത്തിലേയും നായിക. മനീഷ് ശര്‍മയാണ് ചിത്രത്തിന്റെ സംവിധാനം.

Recommended Video

Vicky Kaushal & Katrina Kaif’s Wedding Footage Rights Sold To Amazon Prime For A Whopping 80 Crores?

അതേസമയം ബോളിവുഡിലെ ഖാന്‍ ത്രയങ്ങള്‍ ഒരുമിക്കുകയാണ്. ആമിര്‍ ഖാന്‍ നായകനാകുന്ന ലാല്‍ സിംഗ് ഛദ്ദയില്‍ അതിഥി വേഷത്തില്‍ സല്‍മാന്‍ ഖാനൊപ്പം ഷാരൂഖ് ഖാനും എത്തുന്നതായാണ് റിപ്പോര്‍ട്ട്. പിന്നാലെ ഷാരൂഖ് ഖാന്‍ ചിത്രം പഠാനിലും സല്‍മാന്‍ ഖാന്‍ അതിഥി വേഷത്തിലെത്തുന്നുണ്ടെന്നാണ് റിപ്പോര്‍ട്ടുകള്‍. കഴിഞ്ഞ ദിവസമായിരുന്നു സല്‍മാന്‍ ഖാന്റെ ജന്മദിനം. ഇതോടനുബന്ധിച്ച് പുതിയ സിനിമകളും സല്‍മാന്‍ ഖാന്‍ പ്രഖ്യാപിച്ചിട്ടുണ്ട്. ബജ്രംഗി ഭായ്ജാന്റെ രണ്ടാം ഭാഗം, കിക്കിന്റെ രണ്ടാം ഭാഗം, നോ എന്‍്രടിയുടെ രണ്ടാം ഭാഗം, ബഡേ മിയാന്‍ ഛോട്ടേ മിയാന്‍ തുടങ്ങിയ സിനിമകളാണ് സല്‍മാന്‍ ഖാന്റേതായി പ്രഖ്യാപിച്ചിട്ടുള്ളത്.