ഷാരൂഖിന്റെ കാലം കഴിഞ്ഞു, ഇനി ഹൃത്വിക് എന്ന് പ്രചാരണം; അച്ഛനെ ചേർത്തുപിടിച്ച കുഞ്ഞ് ആര്യൻ!

അതിനിടെ പുറത്തിറങ്ങിയ ഷാരൂഖിന്റെ ഫിർ പി ദിൽ ഹേയ് ഹിന്ദുസ്ഥാനിയും ആമിറിന്റെ മേളയും കനത്ത തിരിച്ചടി നേരിട്ടു. ഉടനെ തന്നെ സിനിമ കോളങ്ങളിൽ ഷാരൂഖിന്റെ കാലം കഴിഞ്ഞു എന്ന വാർത്തകൾ പ്രചരിക്കാൻ തുടങ്ങി. ബോളിവുഡിലെ സൂപ്പർതാര പദവി ഹൃത്വികിന്‌ സ്വന്തം എന്നായിരുന്നു മാധ്യമങ്ങൾ എഴുതിയത്. ഈ വാർത്തകൾ ഷാരൂഖിനേയും അസ്വസ്ഥനാക്കി.

2007 ൽ പുറത്തിറങ്ങിയ അനുപമ ചോപ്രയുടെ കിംഗ് ഓഫ് ബോളിവുഡ്: ഷാരൂഖ് ഖാൻ ആൻഡ് ദി സെഡക്റ്റീവ് വേൾഡ് ഓഫ് ഇന്ത്യൻ സിനിമ എന്ന പുസ്തകത്തിൽ ഷാരൂഖും ഹൃത്വികും തമ്മിലുള്ള പ്രശ്‌നത്തെ കുറിച്ച് പറയുന്നുണ്ട്. 'അത് വളരെ തെറ്റായിരുന്നു,' എന്ന് ഷാരൂഖ് പറഞ്ഞതായി പുസ്തകത്തിൽ പറയുന്നുണ്ട്.

'നിങ്ങൾക്ക് എന്റെ പത്ത് വർഷത്തെ പ്രവർത്തികൾ തിരസ്കരിക്കാനാവില്ല. ഒരു സുപ്രഭാതത്തിൽ എന്നോട് വന്ന്, നിങ്ങളുടെ സ്ഥാനം പോയി. നിങ്ങൾക്ക് പ്രായമായി, നിങ്ങൾക്ക് അത്ര നല്ലതല്ല എന്നൊന്നും പറയാൻ കഴിയില്ല.' ഹൃത്വിക് റോഷനെ കുറിച്ച് ഞാൻ എന്താണ് ചിന്തിക്കുന്നതെന്ന ആളുകളുടെ ചോദ്യം കാരണം എനിക്ക് വീട്ടിൽ നിന്ന് പുറത്തിറങ്ങാൻ കഴിഞ്ഞില്ല. അത് എനിക്ക് നാണക്കേടായി.' ഷാരൂഖിനെ ഉദ്ധരിച്ച് പുസ്തകത്തിൽ പറഞ്ഞു.

ഈ സമയത്ത് വീട്ടിൽ തന്നെ അടച്ചിരിപ്പായിരുന്നു ഷാരൂഖ്, അങ്ങനെ ഇരിക്കെ ഒരിക്കൽ മകൻ ആര്യനോട് ഷാരൂഖ്, 'ആരാണ് മികച്ചത്?' എന്ന് ചോദിച്ചു, 'പപ്പാ, നിങ്ങൾ തന്നെയാണ് ഏറ്റവും മികച്ചത്' എന്നായിരുന്നു കുഞ്ഞ് ആര്യന്റെ മറുപടി. ഷാരൂഖിന്റെ ഭാര്യ ഗൗരിയും മാധ്യമങ്ങൾക്കെതിരെയുള്ള രോഷം പ്രകടിപ്പിച്ചിരുന്നു.

ഗൗരി അഭിമുഖങ്ങളും മറ്റും നൽകുന്നത് നിർത്തി. പിന്നീട് കുറച്ചു നാളുകൾ കഴിഞ്ഞാണ് ഒരു മാഗസിൻ മുഖചിത്രത്തിനായി ഗൗരി സമ്മതിച്ചത്. ഒരാളുടെ വിജയത്തിൽ അസ്വസ്ഥനാകുമ്പോൾ ആണ് അയാളെ താഴെ ഇറക്കാൻ ആളുകൾ ശ്രമിക്കുക. മാധ്യമങ്ങൾ അല്ല ഒരാളുടെ വിധി എഴുതുന്നത്. ഷാരൂഖിനെ വെച്ച് താരത്യംപ്പെടുത്തുമ്പോൾ ഈ എഴുതി പിടിപ്പിക്കുന്നവരൊക്കെ ജീവിതത്തിൽ ഒന്നും നേടാത്തവരാണ് എന്നാണ് ഗൗരി അന്ന് പറഞ്ഞത്.

ഷാരൂഖും ഹൃത്വികിനും ഇടയിൽ പ്രശ്നങ്ങൾക്കും ഇത് കാരണമാക്കിയിരുന്നു. ഇതേ തുടർന്ന് കഭി ഖുശി കഭി ഘം എന്ന ചിത്രത്തിന്റെ ലൊക്കേഷനിൽ വച്ചുണ്ടായ അസ്വസ്ഥതകളെ കുറിച്ച് കരൺ ജോഹർ തന്റെ പുസ്തകത്തിൽ എഴുതിയിരുന്നു. സെറ്റിൽ വച്ച് ഷാരൂഖ് ഹൃത്വികിൽ നിന്ന് അകലം പാലിച്ചിരുന്നു എന്നാണ് കരൺ ജോഹർ വെളിപ്പെടുത്തിയത്.

അതിനു ശേഷം അധികം വൈകാതെ തന്നെ ഇവർക്കിടയിലെ പ്രശ്‌നങ്ങള്‍ അവസാനിക്കുകയും ചെയ്തിരുന്നു. ഷാരൂഖ് ഖാനും ഹൃത്വിക്കും ഇന്നും നല്ല സുഹൃത്തുക്കളായി തുടരുന്നുണ്ട്. ഹൃത്വിക്കിന്റെ വാറിന്റെ രണ്ടാം ഭാഗത്തിന് ശേഷം ഷാരൂഖ് ഖാനും ഹൃത്വികും ഒരുമിക്കുന്നൊരു സിനിമ അണിയറയിലുള്ളതായും റിപ്പോര്‍ട്ടുകളുണ്ട്.