അവന്റെ ചുണ്ടുകള്‍ ഞാന്‍ പറിച്ചെടുക്കും! മകളെ കാമുകന്‍ ചുംബിക്കുന്നതിനെക്കുറിച്ച് ഷാരൂഖ് ഖാന്‍

ആരാധകരുടെ പ്രിയപ്പെട്ട, വിവാദങ്ങള്‍ സര്‍വ്വസാധാരണമായ കോഫി വിത്ത് കരണ്‍ തിരിച്ചുവരുകയാണ്. വലിയ താരനിര തന്നെ ഇത്തവണ കരണ്‍ ജോഹര്‍ അവതാരകനായി എത്തുന്ന ഷോയില്‍ അതിഥികളായി എത്തുന്നുണ്ട്. ഷാരൂഖ് ഖാനും നേരത്തെ പലപ്പോഴായി കോഫി വിത്ത് കരണില്‍ അതിഥിയായി എത്തിയിട്ടുണ്ട്. എന്നും മറയില്ലാതെ സംസാരിക്കുന്ന ഷാരൂഖ് ഖാന്‍ കോഫി വിത്ത് കരണില്‍ പലപ്പോഴും നടത്തിയ പ്രസ്താവനകളും ചര്‍ച്ചയായി മാറിയിട്ടുണ്ട്.

സിനിമ പോലെ തന്നെ ഓഫ് സ്‌ക്രീനിലെ ഷാരൂഖ് ഖാനേയും ആരാധകര്‍ക്ക് ഏറെ ഇഷ്ടമാണ്. അഭിമുഖങ്ങളിലും ടോക്ക് ഷോകളിലും മറയില്ലാതെ സംസാരിക്കുന്ന വ്യക്തിയാണ് ഷാരൂഖ് ഖാന്‍. തമാശ പറഞ്ഞ് പ്രേക്ഷകരെ കയ്യിലെടുക്കാന്‍ അദ്ദേഹത്തിന് അറിയാം. അത്തരത്തില്‍ ഷാരൂഖ് ഖാന്‍ കോഫി വിത്ത് കരണില്‍ എത്തിയപ്പോള്‍ നടത്തിയ ചില പ്രസ്താവനകളെക്കുറിച്ച് വിശദമായി വായിക്കാം തുടര്‍ന്ന്.

എന്തുകൊണ്ടാണ് സ്ത്രീകള്‍ക്ക് ഷാരൂഖ് ഖാനോട് ആകര്‍ഷണം തോന്നുന്നതെന്ന് ഒരിക്കല്‍ കരണ്‍ ജോഹര്‍ ചോദിച്ചിരുന്നു. ഇതിന് ഷാരൂഖ് ഖാന്‍ നല്‍കിയ മറുപടി ''എന്റെ ഏകാന്തവും ആഴവും ദുഖഭരിതവുമായ കണ്ണുകള്‍ കാരണമാണ് സ്ത്രീകള്‍ക്ക് എന്നോട് ആകര്‍ഷണം തോന്നുന്നത്. ആ കണ്ണുകള്‍ സ്‌നേഹത്തിനായി ദാഹിക്കുകയാണ്'' എന്നായിരുന്നു.

തന്റെ മക്കളെക്കുറിച്ചും ഷാരൂഖ് ഖാന്‍ എപ്പോഴും വാചലനാകാറുണ്ട്. മകള്‍ സുഹാന ഖാനെ ആരെങ്കിലും ചുംബിക്കുകയാണെങ്കില്‍ എന്തായിരിക്കും പ്രതികരണം എന്ന് ഒരിക്കല്‍ കരണ്‍ ഷാരൂഖ് ഖാനോട് ചോദിച്ചിരുന്നു. ''ഞാന്‍ അവന്റെ ചുണ്ടുകള്‍ വലിച്ച് പറിച്ചെടുക്കും'' എന്നായിരുന്നു ഷാരൂഖ് ഖാന്റെ മറുപടി. മക്കളെ വല്ലാതെ സ്‌നേഹിക്കുന്ന അച്ഛനാണ് ഷാരൂഖ് ഖാനെന്നും എന്നാല്‍ ഡര്‍ സിനിമയിലെ അച്ഛനെ പോലെയാണ് ചിലപ്പോഴൊക്കെ ഷാരൂഖ് ഖാന്‍ എന്ന് കരണ്‍ പറയുന്നുണ്ട്.

ഒരിക്കല്‍ ത്രീ ഇഡിയറ്റ്‌സ് എന്ന സിനിമ നിരസിച്ചതിനെക്കുറിച്ചും ഷാരൂഖ് ഖാന്‍ മനസ് തുറന്നിരുന്നു. രാജ്കുമാര്‍ ഹിറാനി സംവിധാനം ചെയ്ത ചിത്രത്തില്‍ ആമിര്‍ ഖാന്‍ ആയിരുന്നു നായകനായെത്തിയത്. ആര്‍ മാധവനും ഷര്‍മന്‍ ജോഷിയും പ്രധാന വേഷങ്ങളിലെത്തിയ ചിത്രം വന്‍ വിജയമായി മാറിയിരുന്നു. ചിത്രം നിരസിച്ചതില്‍ തനിക്ക് കുറ്റബോധമുണ്ടെന്നാണ് ഷാരൂഖ് ഖാന്‍ പറഞ്ഞത്.

ഒരിക്കല്‍ രാവിലെ എഴുന്നേല്‍ക്കുമ്പോള്‍ നിങ്ങള്‍ കരണ്‍ ജോഹറായി മാറുകയാണെങ്കില്‍ എന്ത് ചെയ്യുമെന്ന് കരണ്‍ ജോഹര്‍ ഷാരൂഖ് ഖാനോട് ചോദിച്ചു. താന്‍ കരണ്‍ ജോഹറായി എഴുന്നേല്‍ക്കുന്നതിനേക്കാള്‍ സാധ്യത താന്‍ കരണ്‍ ജോഹറിനൊപ്പം എഴുന്നേല്‍ക്കുന്നതാണെന്നായിരുന്നു ഷാരൂഖ് ഖാന്റെ മറുപടി.

Recommended Video

Shah Rukh Khan Reveals The REAL Reason Behind His Fight With Salman Khan

വന്‍ താരനിര തന്നെ ഇത്തവണ കോഫി വിത്ത് കരണില്‍ എത്തുന്നത്. ആലിയയും രണ്‍വീറുമാണ് ആദ്യമെത്തുന്നത്. പിന്നാലെ സമാന്ത, അക്ഷയ് കുമാര്‍, അനില്‍ കപൂര്‍, വരുണ്‍ ധവാന്‍, ജാന്‍വി കപൂര്‍, സാറ അലി ഖാന്‍, വിജയ് ദേവരക്കൊണ്ട, അനന്യ പാണ്ഡെ എന്നിവരും അതിഥികളായി എത്തുന്നുണ്ട്. നാളെ മുതല്‍ ഡിസ്നി പ്ലസ് ഹോട്ട്സ്റ്റാറില്‍ കോഫി വിത്ത് കരണ്‍ സംപ്രേക്ഷണം ആരംഭിക്കും.