അപകടത്തില്‍ നിന്നും ഷാരൂഖിനെ കൈപിടിച്ച് കയറ്റി കജോള്‍; എന്റെ ജീവിതം ഇനി നിന്റെ കാല്‍ച്ചുവട്ടിലെന്ന് താരം

തങ്ങളുടെ പ്രിയപ്പെട്ട ജോഡിയെ വീണ്ടും ഒരുമിച്ച് കാണാന്‍ സാധിച്ചതിന്റെ സന്തോഷത്തിലായിരുന്നു ചിത്രം കണ്ടിറങ്ങിയ പലരും. ഷാരൂഖിനും കജോളിനുമൊപ്പം യുവതാരങ്ങളായ കൃതി സനോണും വരുണ്‍ ധവാനും പ്രധാന വേഷത്തിലെത്തിയ ചിത്രം വന്‍ വിജയമായി മാറുകയും ചെയ്തിരുന്നു. ചിത്രത്തില്‍ ഷാരൂഖും കജോളും ഒരുമിച്ചെത്തിയ ഗേരുവ എന്ന ഗാനം വന്‍ ഹിറ്റായി മാറിയിരുന്നു. വിഎഫ്എക്‌സ് തോല്‍ക്കുന്ന പ്രകൃതിഭംഗി നിറഞ്ഞ ഗാന രംഗത്തിന്റെ ദൃശ്യ ഭംഗിയും വലിയ ചര്‍ച്ചയായി മാറിയിരുന്നു. പെയന്റിംഗ് പോലെ മനോഹരമായ ഫ്രെയിമുകളായിരുന്നു പാട്ടിലുണ്ടായിരുന്നത്.

എന്നാല്‍ രസകരമായൊരു വസ്തുത ഈ മനോഹരമായ പാട്ടിന്റെ ചിത്രീകരണത്തിനിടെ ഷാരൂഖ് ഖാന്‍ വലിയൊരു അപകടത്തില്‍ നിന്നും രക്ഷപ്പെട്ടിരുന്നുവെന്നതാണ്. ഗേരുവയുടെ മേക്കിംഗ് വീഡിയോ അണിയറ പ്രവര്‍ത്തകര്‍ പുറത്ത് വിട്ടിരുന്നു. ഇതിലായിരുന്നു ഷാരൂഖ് ഖാനും കജോളും ആ സംഭവത്തെക്കുറിച്ച് പറയുന്നത്. പാട്ടിന്റെ ചിത്രീകരണത്തിനായി അപകടം നിറഞ്ഞ മല കയറുന്നതും തണുത്ത് വിറച്ചു കൊണ്ട് ഡാന്‍സ് ചെയ്തതുമെല്ലാം വീഡിയോയില്‍ കാണിക്കുന്നത്. ഇതിനിടെയാണ് ഷാരൂഖ് അപകടത്തില്‍ നിന്നും രക്ഷപ്പെട്ടതിനെക്കുറിച്ചും താന്‍ രക്ഷിച്ചതിനെക്കുറിച്ചും വീഡിയോയില്‍ കജോള്‍ പറഞ്ഞത്.

പാട്ടിലെ ഒരു ഭാഗത്തില്‍ വലിയൊരു വെള്ളച്ചാട്ടത്തിന് അരികില്‍ നിന്നുള്ള രംഗമുണ്ട്. ഇതിന്റെ പരിശീലനത്തിനിടെയാണ് ഷാരൂഖിന്റെ കാല് തെന്നുന്നത്. പാറക്കെട്ടുകള്‍ക്ക് മുകളില്‍ നിന്നും താഴേക്ക് വീഴാന്‍ പോവുകയായിരുന്ന ഷാരൂഖ് ഖാനെ കജോള്‍ വേഗം കയറിപ്പിടിക്കുകയായിരുന്നു. ഇതോടെ ഒഴിവായത് മരണത്തിനടക്കം സാധ്യതയുണ്ടായിരുന്ന വലിയ അപകടമായിരുന്നു. ഈ സംഭവത്തോട് ഞാന്‍ എന്റെ ജീവിതം തന്നെ നിനക്ക് കടപ്പെട്ടിരിക്കുന്നു, നിന്റെ കാല്‍ക്കീഴിലാണ് ഇനിയെന്റെ ജീവിതം എന്ന് ഷാരൂഖ് തമാശയായി കജോളിനോട് പറയുന്നതും വീഡിയോയില്‍ കാണാം. ചിരിച്ചു കൊണ്ട് കജോളും ഞാനാണ് നിന്നെ രക്ഷിച്ചതെന്ന് പറയുന്നതും വീഡിയോയിലുണ്ട്.

ഭാര്യയെ കണ്ടുമുട്ടുന്നത് വരെ ആ പ്രണയം വേട്ടയാടി; വിവാഹം കഴിക്കാന്‍ ആഗ്രഹിച്ച പ്രണയത്തെ കുറിച്ച് ബാബു ആന്റണി

Recommended Video

Shah Rukh Khan Reveals The REAL Reason Behind His Fight With Salman Khan

രോഹിത് ഷെട്ടി സംവിധാനം ചെയ്ത ദില്‍വാലെയില്‍ ഷാരൂഖ് ഖാന്‍, കജോള്‍, വരുണ്‍ ധവാന്‍, കൃതി സനോണ്‍, വിനോദ് ഖന്ന, ബൊമ്മന്‍ ഇറാനി, ജോണി ലെവര്‍, സഞ്ജയ് മിശ്ര, പങ്കജ് ത്രിപാഠി തുടങ്ങിയവരാണ് പ്രധാന വേഷങ്ങളിലെത്തിയത്. ചിത്രം വലിയൊരു വിജയമായി മാറുകയും ചെയ്തിരുന്നു. അതേസമയം സീറോയാണ് ഷാരൂഖ് ഖാന്റെ അവസാനം പുറത്തിറങ്ങിയ സിനിമ. ചിത്രത്തിന് പക്ഷെ പ്രതീക്ഷിച്ച വിജയം നേടായനായില്ല. ഇതോടെ അഭിനയത്തില്‍ നിന്നും ഇടവേളയെടുത്തിരിക്കുകയായിരുന്നു ഷാരൂഖ് ഖാന്‍. ഇപ്പോള്‍ താരം തിരിച്ചുവരവിനുള്ള ഒരുക്കത്തിലാണ്. സിദ്ധാര്‍ത്ഥ് ആനന്ദ് സംവിധാനം ചെയ്യുന്ന പഠാനിലൂടെയാണ് ഷാരൂഖ് ഖാന്റെ തിരിച്ചുവരവ്. ദീപിക പദുക്കോണും ജോണ്‍ എബ്രഹാമുമാണ് ചിത്രത്തിലെ മറ്റ് പ്രധാന താരങ്ങള്‍.