Don't Miss!
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Sports IPL 2024: ഇനി ആവര്ത്തിക്കരുത്, മുംബൈയുടെ ചതിക്ക് മാപ്പില്ല! ശിക്ഷ വിധിച്ച് ബിസിസിഐ
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
'നിങ്ങളാണ് എന്നെ ശക്തയാക്കുന്നത്, ഇപ്പോൾ തന്നെ പകുതി ജയിച്ചു കഴിഞ്ഞു'; പുതിയ തുടക്കത്തെ കുറിച്ചും മേഘ്ന!
തെന്നിന്ത്യന് പ്രേക്ഷകർക്ക് ഏറെ പ്രിയങ്കരിയാണ് നടി മേഘ്ന രാജ്. യക്ഷിയും ഞാനും എന്ന ചിത്രത്തിലൂടെ മലയാളത്തിലേക്ക് എത്തിയ മേഘ്നയ്ക്ക് ഇവിടെയും നിരവധി ആരാധകരാണ് ഉള്ളത്. ആദ്യ സിനിമയിലൂടെ തന്നെ ശ്രദ്ധ നേടിയ നടിക്ക് മലയാളത്തിൽ നിന്ന് നിരവധി നിരവധി അവസരങ്ങൾ പിന്നീട് ലഭിച്ചിരുന്നു.
അപ്രതീക്ഷിതമായിട്ടായിരുന്നു മേഘ്നയുടെ ഭർത്താവ് ചിരഞ്ജീവി സർജയുടെ വിയോഗം. ഇരുവരും ആദ്യത്തെ കണ്മണിയെ കാത്തിരിക്കുമ്പോഴാണ് ചിരു വിടപറയുന്നത്. ചിരു എങ്ങും പോയിട്ടില്ല, കുഞ്ഞിലൂടെയായി പുനര്ജനിക്കുമെന്നായിരുന്നു അന്ന് മേഘ്ന പറഞ്ഞത്. മകൻ റയാൻ ജനിച്ചത് മുതൽ അവന്റെ വിശേഷങ്ങളെല്ലാം മേഘ്ന സോഷ്യല്മീഡിയയിലൂടെ പങ്കുവയ്ക്കാറുണ്ട്.
Also Read: 'ഒന്ന് മാത്രം മാറില്ല'; കരച്ചിലടക്കാനാവാതെ സമാന്ത; കൈയിൽ ജപമാല കരുതിയതിന് കാരണം
അടുത്തിടെ മേഘ്ന പുതിയ യൂട്യൂബ് ചാനലും ആരംഭിച്ചിരുന്നു. ഇപ്പോഴിതാ, പുതിയ ഒരു വീഡിയോയിലൂടെ ആരാധകരുടെ ചോദ്യങ്ങൾക്ക് മറുപടി പറഞ്ഞെത്തിയിരിക്കുകയാണ് മേഘ്ന രാജ്.
തന്റെ ആദ്യത്തെ ഒഫീഷ്യൽ യൂട്യൂബ് വീഡിയോ ആയി കണക്കാക്കുന്നത് എന്ന് പറഞ്ഞാണ് മേഘ്ന വീഡിയോ ആരംഭിക്കുന്നത്. ഇൻസ്റ്റാഗ്രാമിൽ ആരാധകർ ചോദിച്ച തിരഞ്ഞെടുത്ത ചോദ്യങ്ങൾക്കുള്ള മറുപടിയാണ് നടി നൽകുന്നത്. 'ചുറ്റുമുള്ള എല്ലാ കാര്യങ്ങളും മോശമായി വരുമ്പോൾ എങ്ങനെ സ്വയം സുഖപ്പെടുത്തും' എന്ന ഒരാളുടെ ചോദ്യത്തിന് ആണ് മേഘ്ന ആദ്യം മറുപടി നൽകിയത്.
'ഞാൻ പൊതുവെ ഉപദേശങ്ങൾ നൽകുന്ന ആളല്ല. പക്ഷെ എന്റെ സ്വന്തം അനുഭവങ്ങൾ പങ്കുവയ്ക്കാറുണ്ട്. എന്റെ അനുഭവത്തിൽ പറയുകയാണെങ്കിൽ എല്ലാം മോശം ആയി സംഭവിക്കുകയാണെങ്കിൽ നിങ്ങൾ അത്രയും മോശം സാഹചര്യത്തിൽ ആയിരിക്കും. അങ്ങനെ ആവുമ്പോൾ ഉയർത്തെഴുന്നേൽക്കുക എന്നല്ലാതെ മറ്റൊന്നും നിങ്ങൾക്ക് ചെയ്യാൻ ഉണ്ടാവില്ല,'
'എല്ലാം മോശമായി സംഭവിച്ചോട്ടെ എന്തും സംഭവിച്ചോട്ടെ പക്ഷെ നിങ്ങളെ കൊണ്ട് തിരിച്ചുവരാൻ സാധിക്കുമെന്ന് വിശ്വസിക്കുക. അതിനു വേണ്ടി പരിശ്രമിക്കുക. അതാണ് എന്റെ മന്ത്രം,' മേഘ്ന പറഞ്ഞു. വീട്ടിലെ തന്റെ പ്രിയപ്പെട്ട ഇടം ബാൽക്കണി ആണെന്നും ചോദ്യത്തിന് മറുപടിയായി മേഘ്ന പറയുന്നുണ്ട്.
തന്റെ പുതിയ സിനിമയെ കുറിച്ചും മുഖക്കുരു പ്രശ്നങ്ങൾ ഒഴിവാക്കാനുള്ള ടിപ്പുകളും നടി നൽകുന്നുണ്ട്. ഒരു സിംഗിൾ വുമൺ എത്ര സ്ട്രോങ്ങ് ആയിരിക്കണം എന്നതിന് ഉദാഹരണമായി എന്റെ അമ്മ എപ്പോഴും നിങ്ങളെയാണ് ഉദാഹരണമാക്കാറുള്ളത് എന്ന ഒരു ആരാധികയുടെ മെസ്സേജിനും മേഘ്ന മറുപടി നൽകുന്നുണ്ട്.
'നിങ്ങളുടെ ഈ വാക്കുകളാണ് എനിക്ക് ശക്തിയാകുന്നത്. ശക്തയായി ഇരിക്കാൻ പ്രേരിപ്പിക്കുന്നത്. ആരെങ്കിലും നമ്മളെ കണ്ട് സ്ട്രോങ്ങ് ആയെന്ന് പറയുന്നുണ്ടെങ്കിൽ അപ്പോൾ തന്നെ നമ്മൾ പകുതി ജയിച്ചു കഴിഞ്ഞു. നിങ്ങളും നിങ്ങളുടെ അമ്മയുമൊക്കെയാണ് എന്നെ ഓരോ ദിവസവും ശക്തയാക്കുന്നത്,' എന്നാണ് മേഘ്ന പറഞ്ഞത്.
ട്രോളുകൾ എങ്ങനെയാണ് മാനേജ് ചെയ്യുന്നത് എന്ന ചോദ്യത്തിന്. അതിനാണ് താൻ യൂട്യൂബ് ചാനൽ തുടങ്ങിയത് എന്നാണ് മേഘ്ന പറഞ്ഞത്. നിങ്ങൾക്ക് നോക്കിയാൽ കാണാം എന്നെ കുറിച്ച് നൂറ് കണക്കിന് വാർത്തകൾ യൂട്യൂബ് ചാനലുകളിൽ ഉണ്ട്. അതിൽ 99 ശതമാനവും സത്യമല്ല.
നല്ല ചാനലുകൾ കൃത്യമായ വാർത്തകൾ നൽകുന്നുണ്ട്. അങ്ങനെയുള്ളപ്പോൾ ആ ചോദ്യത്തിന് മറുപടി നൽകാനാണെങ്കിൽ സ്വന്തമായി യൂട്യൂബ് ചാനൽ തുടങ്ങൂ എന്നെ പറയാൻ ഉള്ളു,' മേഘ്ന പറഞ്ഞു.
തനിക്ക് ഏറ്റവും പ്രിയപ്പെട്ട ഫാമിലി പിക് ഏതാണെന്ന ചോദ്യത്തിന് അത് താൻ ഇതുവരെ പോസ്റ്റ് ചെയ്തിട്ടില്ലെന്നും നിങ്ങൾക്ക് കാണാൻ ചിത്രം പോസ്റ്റ് ചെയ്യാമെന്നും മേഘ്ന പറയുന്നുണ്ട്. ആ ചിത്രവും മേഘ്ന വിഡിയോയിൽ കാണിക്കുന്നുണ്ട്. ഇനി മുതൽ തന്നെക്കുറിച്ചുള്ള കാര്യങ്ങളെല്ലാം തന്നിൽ നിന്ന് തന്നെ അറിയാമെന്നും മേഘ്ന പറഞ്ഞു.
-
അങ്ങനൊരു മാറ്റം വന്നാല് ബിഗ് ബോസ് വന് വിജയമാവും! മത്സരാര്ഥികളുടെ ബഹുമാനമില്ലായ്മയെ പറ്റി ആരാധകര്
-
അല്ഫോണ്സ് പുത്രനും വിനീത് ശ്രീനിവാസനും ഈ കാര്യത്തില് ഒരുപോലെ: വിശ്വജിത്ത് ഒടുക്കത്തില്
-
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ