'എന്നെ ആരും ഉപദേശിക്കാറില്ല, ഇങ്ങനെ ഒരു പണി തന്ന് എന്നെ വീട്ടിലിരുത്തുമെന്ന് വിചാരിച്ചില്ല'; മൈഥിലി പറയുന്നു!

സിനിമയിൽ സജീവമായിരുന്ന കാലത്ത് ചില വിവാദങ്ങളിലും മൈഥിലി ഉൾപ്പെട്ട് വാർത്തകളിൽ നിറഞ്ഞിരുന്നു. മൈഥിലിയുടേയും സമ്പത്തിന്റേയും പ്രണയ വിവാഹമായിരുന്നു. 'ഇനി ഹാപ്പിയായി ലൈഫ് എൻജോയ് ചെയ്യണമെന്നാണ് ആഗ്രഹിക്കുന്നത്.'

'പ്രതീക്ഷിച്ചപോലെ തന്നെയായാണ് വിവാഹത്തിന്റെ കാര്യങ്ങൾ നടന്നത്. സിംപിളായി നടത്തണമെന്നാണ് ആഗ്രഹിച്ചു. ഡെസ്റ്റിനേഷൻ വെഡ്ഡിംഗായിരുന്നു ഞങ്ങൾ ആഗ്രഹിച്ചത്.

'എല്ലാവർക്കും എത്തിപ്പെടാനുള്ള ബുദ്ധിമുട്ട് കാരണം അത് മാറ്റി' എന്നാണ് വിവാഹം കഴിഞ്ഞ ശേഷം മാധ്യമങ്ങളോട് സംസാരിക്കവെ ഇരുവരും പറഞ്ഞത്. സ്ഥലം മേടിക്കാനായി കൊടൈക്കനാൽ പോയപ്പോഴാണ് സമ്പത്തിനെ കണ്ടുമുട്ടിയതെന്ന് മൈഥിലി പറ‍ഞ്ഞിട്ടുണ്ട്.

Also Read: 'ഞാനെന്റെ ശരീരത്തെ വല്ലാതെ പീഡിപ്പിക്കുന്നുണ്ടെന്ന് എനിക്ക് തന്നെ തോന്നിയ നാളുകൾ'; അനുഭവം പറഞ്ഞ് നടി ഫറ ഷിബ്‌ല

അതേസമയം ഇപ്പോഴിത ​ഗർഭിണിയായശേഷമുള്ള മാറ്റങ്ങളും വിവാ​ഹ ജീവിതത്തെ കുറിച്ചും മൈഥിലിയും ഭർത്താവ് സമ്പത്തും കൗമുദിക്ക് നൽകിയ അഭിമുഖത്തിൽ വെളിപ്പെടുത്തിയിരിക്കുകയാണ്. 'ശാരീരികമായും മാനസീകമായും ​ഗർഭിണിയായശേഷം നിരവധി മാറ്റങ്ങൾ വന്നിട്ടുണ്ട്.'

'എനിക്ക് ചില സാധനങ്ങളൊക്കെ കഴിക്കാൻ വലിയ ആ​ഗ്രഹം തോന്നാറുണ്ട്. മരത്തിന്റെ മുകളിൽ കയറ്റി സമ്പത്തിനെ കൊണ്ട് ചെറിപ്പഴം വരെ പറിപ്പിച്ചിട്ടുണ്ട്. സമ്പത്തും ഞാൻ ​ഗർഭിണിയായശേഷം ഭയങ്കര കെയറിങാണ്.'

'ഇപ്പോൾ അഞ്ച് മാസം ​ഗർഭിണിയാണ്. ഇതൊരു ​ഗോൾഡൺ പിരീയഡ് ആയിട്ടാണ് കാണുന്നത്. അപ്രതീക്ഷിതമായി വന്ന അതിഥിയാണ് കുഞ്ഞ്. പ്രിപ്പേർ ആയിരുന്നില്ല.'

'സമ്പത്ത് ഇപ്പോൾ തന്നെ കുഞ്ഞിനെ കൈയ്യിലേക്ക് കിട്ടിയാൽ മതിയെന്നുള്ള രീതിയിലാണ്. യാത്രകളൊക്കെ ഇനി കുഞ്ഞ് വന്ന ശേഷം വേണം നടത്താൻ. ​ഗർഭിണിയായതിന്റെ പേരിൽ എന്നെ അധികമാരും ഉപദേശിക്കാറില്ല. സമ്പത്തിന്റെ വീട്ടുകാരും നല്ല സ്നേഹത്തിലാണ് നോക്കുന്നത്. കൊടൈക്കനാലിൽ വെച്ച് കണ്ടുമുട്ടിയ ശേഷം ഞങ്ങൾ നല്ല സുഹൃത്തുക്കളായിരുന്നു.'

'പിന്നീട് ആ സൗഹൃദം പ്രണയമായി. ആദ്യം പ്രണയം പറഞ്ഞത് സമ്പത്താണ്. ഞാൻ ആ​ഗ്രഹിച്ചപ്പോലെയൊരു ജീവിതമാണ് കിട്ടിയത്. അതിൽ അതീവ സന്തോഷവതിയാണ്. വിവാഹശേഷവും അഭിനയം തുടരുന്നതിൽ സമ്പത്തിന് എതിർപ്പില്ല. അതെകുറിച്ചൊക്കെ പ്ലാനിങ് നടക്കുമ്പോഴാണ് ഇങ്ങനൊരു പണി തന്നത്.'

ചിരിച്ചുകൊണ്ട് മൈഥിലി പറഞ്ഞു. ചട്ടമ്പിയാണ് ഇനി റിലീസിനെത്താനുള്ള മൈഥിലിയുടെ സിനിമ. ശ്രീനാഥ് ഭാസിയാണ് ചിത്രത്തിൽ നായിക. ശ്രീനാഥ് ഭാസി കറിയ എന്ന കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്.

സിനിമയുടെ ട്രെയിലർ ബോളിവുഡ് നടനും സംവിധായകനുമായ അനുരാഗ് കശ്യപാണ് പുറത്തുവിട്ടത്. ചട്ടമ്പി യഥാർത്ഥ സംഭവത്തിന്റെ ദൃശ്യാവിഷ്കാരം ആണെന്നും സൗഹൃദത്തിന്റെയും സ്നേഹത്തിന്റെയും ചതിയുടെയും പച്ചയായ കഥയാണെന്നും അനുരാഗ് കശ്യപ് ട്വിറ്ററിൽ കുറിച്ചിരുന്നു.