For Quick Alerts
    ALLOW NOTIFICATIONS  
    For Daily Alerts

    'നസീർ സാർ മ​രി​ച്ചു​കി​ട​ക്കു​ന്ന​ത് ​കാണാതിരുന്നത് ​ദൈ​വനിശ്ചയം;​ ​എ​നി​ക്ക് ​കാ​ണു​ക​യും​ ​ഓർക്കുകയും വേണ്ട'

    |

    മലയാളത്തിന്റെ നിത്യഹരിത നായകനാണ് നടൻ പ്രേം നസീർ. വിടപറഞ്ഞിട്ട് പതിറ്റാണ്ടുകൾ കഴിഞ്ഞെങ്കിലും ഇന്നും പ്രേക്ഷകർ നെഞ്ചോട് ചേർക്കുന്ന താരമാണ് അദ്ദേഹം. ഏറ്റവും കൂടുതൽ സിനിമകളിൽ നായകനായതിന്റെ ലോക റെക്കോർഡുള്ള നടനാണ് പ്രേം നസീർ. ഏകദേശം 800 ഓളം സിനിമകളിലാണ് അദ്ദേഹം അഭിനയിച്ചത്. അതിൽ 700 ചിത്രങ്ങളിലും അദ്ദേഹം നായകനായി.

    കരിയറിൽ ഉടനീളം ഏകദേശം 85 നായികമാർക്കൊപ്പം നസീർ അഭിനയിച്ചിട്ടുണ്ട്. അതിൽ ഏറ്റവും കൂടുതൽ സിനിമകളിൽ അഭിനയിച്ചത് നടി ഷീലയോടൊപ്പമാണ്. ഷീലയോടൊപ്പം മാത്രം ഏകദേശം 107 ചിത്രങ്ങളിലാണ് താരം അഭിനയിച്ചത്. ആ റെക്കോർഡ് മറ്റാർക്കും തിരുത്താൻ ഇതുവരെ ഒരു നടീനടന്മാർക്കും കഴിഞ്ഞിട്ടില്ല.

    Also Read: 'ഡോണ്‍ മൂന്നാമതും വിവാഹിതനാകുന്നുവെന്ന് കൊടുക്കരുത്, അവർക്കും അതിൽ താല്‍പര്യമില്ല'; മേഘ്നയെ കുറിച്ച് ഡിവൈൻ!

    നസീറിന് നായിക ആയിട്ടല്ലാതെ അമ്മയായും സഹോദരിയായും എല്ലാം ഷീല അഭിനയിച്ചിട്ടുണ്ട്. അതേസമയം, ഇരുവരും പ്രണയത്തിലാണെന്നതടക്കം നിരവധി ഗോസിപ്പുകൾ അന്ന് ഉണ്ടായിരുന്നു. നസീറിന്റെ മരണശേഷവും പലരും ഇവരുടെ സൗഹൃദത്തെ കുറിച്ചും മറ്റും സംസാരിച്ചിരുന്നു. ഇപ്പോഴിതാ, കൗമുദിക്ക് നൽകിയ അഭിമുഖത്തിൽ ഷീല നസീറിനെ കുറിച്ച് പറഞ്ഞ വാക്കുകൾ ശ്രദ്ധനേടുകയാണ്.

    നസീറും ഷീലയും വിവാഹിതരായി കാണണമെന്ന് ആഗ്രഹിച്ചവർ ഉണ്ടായിരുന്നു എന്ന് പറയുകയാണ് ഷീല. നസീർ മരിച്ച ശേഷം അദ്ദേഹത്തിന്റെ സിനിമകൾ കണ്ടിട്ടിലെന്നും മരിച്ച സമയത്ത് കാണാൻ പോകാതെ ഇരുന്നതിനെ കുറിച്ചും ഷീല സംസാരിക്കുന്നുണ്ട്. വിശദമായി വായിക്കം.

    '‌​ഞ​ങ്ങ​ൾ​ ​ര​ണ്ടു​പേ​രും​ ​വി​വാ​ഹം​ ​ക​ഴി​ച്ചു​കാ​ണാ​ൻ​ ​ആ​ഗ്ര​ഹി​ച്ച​വ​രു​ടെ​ ​ത​ല​മു​റ​ ​ഇ​വി​ടെ​​യു​ണ്ട്.​ നായകനും​ ​നായികയുമായി​ ​‌​ഞ​ങ്ങ​ൾ​ ​വ​രു​ന്ന​ത് ​കാ​ണാ​ൻ​ ​ആ​ളു​ക​ൾ​ ​ആ​ഗ്ര​ഹി​ച്ചിരുന്നു.​ ​അ​വ​രു​ടെ​ ​ഇഷ്ടം​ ​അറിഞ്ഞ് ​നിർമ്മാതാക്കൾ​ ​വി​ളി​ച്ച​പ്പോ​ൾ​ ​ഏറ്റവും​ ​കൂ​ടു​ത​ൽ​ ​ചി​ത്ര​ങ്ങ​ളി​ൽ​ ​ഒ​രു​മി​ച്ച​ഭി​ന​യി​ച്ച​ നായകനും​ നായികയുമായി​ ഞങ്ങൾ റെക്കോർഡിട്ടു,'

    'ത​മി​ഴ് ​സി​നി​മ​ക​ൾ​ ​ക​ണ്ട് ​എം.​ജി.​ആ​റും​ ​ജയലളിതയും ​വി​വാ​ഹം​ ​ക​ഴി​ക്ക​ണ​മെ​ന്ന് ​ആ​ഗ്ര​ഹി​ച്ച​വ​രു​ണ്ട്.​ ​തുടർച്ചായി​ ​അ​വ​രു​ടെ​ ​സി​നി​മ​ക​ൾ​ ​കാണുമ്പോൾ​ ​അ​ങ്ങ​നെ​ ​തോ​ന്നു​ന്ന​ത് ​സ്വ​ഭാ​വി​കമാണ്.​ അതുപോലെ നസീ​റും​ ​ഷീ​ല​യും​ ​തങ്ങളുടെ​ ​സ്വ​ന്ത​മാ​ണെ​ന്ന് ​ചിന്തിച്ചവരെ​ ​എ​നി​ക്ക് ​അ​റി​യാം,' ഷീല പറഞ്ഞു.

    ന​സീ​ർ​ ​സാ​റി​നെ​ ആദ്യമായി ​​കാ​ണു​മ്പോ​ൾ അദ്ദേഹം​ ​വി​വാ​ഹി​ത​നാ​ണെന്നും ഷീല പറയുന്നുണ്ട്.​ 'ന​ല്ല​ ​കുടുംബനാഥൻ. ​നാ​ലു​ ​മ​ക്ക​ളു​ടെ​ ​അ​ച്ഛ​ൻ.​ ​എനിക്കും​ ​കു​ടും​ബ​മു​ണ്ട്.​ ​ന​സീ​ർ സാറിന്റെ​ ​മൂ​ത്ത​ ​മ​ക​ളും​ ​ഞാ​നും​ ​ഒ​രേ​ ​പ്രാ​യമായിരുന്നു.​ മ​രി​ക്കു​ന്ന​തു​വ​രെ​ എന്നെ ​കൊച്ചേ​ ​എ​ന്നേ​ ​വി​ളി​ച്ചിട്ടുള്ളു.​ ​ഷീ​ല​ ​എ​ന്ന് ​ഒ​രി​ക്ക​ൽ ​പോലും​ അദ്ദേഹം ​വി​ളി​ച്ചിട്ടി​ല്ല', ഷീല പറഞ്ഞു.

    ​ന​സീ​ർ​ ​സാ​റി​ന്റെ​ ​കൂ​ടെ​ ​അഭിനയിക്കു​മ്പോ​ൾ​ ​സ​ത്യ​ൻ​സാ​റി​നൊ​പ്പം​ ​കെ​ട്ടി​പ്പി​ടി​ക്കു​ന്ന​ ​സീ​നി​ൽ​ വേഷമിടുന്നത് ​ഇ​ഷ്ട​പ്പെ​ടാ​ത്ത​ പ്രേക്ഷകരു​ണ്ടാ​യി​രു​ന്നുവെന്നും ഷീല ഓർക്കുന്നു.​ ​'​എ​ന്റെ​ ​ചേ​ട്ട​നാ​ണ് ​ന​സീ​ർ​ ​സാ​ർ​,​ ​അ​പ്പോ​ൾ​ ​ചേ​ട്ട​ത്തി​അ​മ്മയായ ഷീലാമ്മ​ ​എ​ന്തി​ന് ​സ​ത്യ​ൻ​സാ​റി​നെ​ ​കെ​ട്ടി​പി​ടി​ച്ചു​"​ ​എ​ന്ന് ചോദിച്ച് ഒരു ആരാധകൻ ​ക​ത്തെ​ഴു​തിയിട്ടുണ്ട്.​ ​അ​ഭി​ന​യി​ച്ചോ​ളൂ​ ​എ​ന്നാ​ൽ​ ​കെ​ട്ടി​പി​ടി​ക്ക​രു​തെ​ന്ന​ ​ഉപദേശവും​ ​ത​ന്നു,'

    '​നി​ണ​മ​ണി​ഞ്ഞ​ ​കൽപ്പാടുകൾ എന്ന ചിത്രത്തിലാണ് ​ന​സീ​ർ​ ​സാ​റി​നൊ​പ്പം ഞാൻ​ ​ആ​ദ്യ​മാ​യി​ ​അ​ഭി​ന​യി​ച്ച​ത്. ഞ​ങ്ങ​ളെ​ ​അ​ഭി​ന​യി​ക്കാ​ൻ​ ​വി​ളി​ക്കു​ന്നു,​ ​പോ​കു​ന്നു​വെ​ന്ന​ല്ലാ​തെ​ ഞങ്ങളുടെ ​സൗ​ന്ദ​ര്യ​ത്തെ​പ്പ​റ്റി​യൊ​ന്നും​ അന്ന് ​ചിന്തി​ച്ചി​ട്ടില്ല.​ ​നൂ​റി​ല​ധി​കം​ ​സി​നി​മ​ക​ളി​ൽ​ ​ഞ​ങ്ങ​ൾ​ ​നാ​യ​ക​നും​ ​നാ​യി​ക​യു​മാ​യി​ ​അ​ഭി​ന​യി​ച്ചു. കാമുകിയായും​ അമ്മയായും​ ​സ​ഹോ​ദ​രി​യാ​യും​ ​അ​ഭി​ന​യി​ച്ചു. ​എ​ഴു​താ​ത്ത​ ​ക​ഥ എന്ന ​സി​നി​മ​യി​ൽ​ ​ന​സീ​ർ​ ​സാ​റി​ന്റെ​ ​അ​മ്മാ​യി​ ​അ​മ്മ​യാ​യും​ ​വേ​ഷ​മി​ട്ടു,'​ ​ഷീല പറഞ്ഞു.

    Also Read: അന്ന് പുകവലിക്കാൻ പഠിപ്പിച്ച ഷെെൻ; ഈ ചേട്ടനെന്താ ഇങ്ങനെ എന്ന് അന്ന് ചിന്തിച്ചിരുന്നു; അനുശ്രീ പറഞ്ഞത്

    'ന​സീ​ർ​ ​സാ​ർ​ ​മ​രി​ക്കു​മ്പോ​ൾ​ ​ഞാ​ൻ​ ​സ്വീ​ഡ​നി​ൽ​ ​സ​ഹോ​ദ​രി​യു​ടെ​ ​അ​ടു​ത്താ​യി​രു​ന്നു​. ​മ​രി​ച്ചു​കി​ട​ക്കു​ന്ന​ത് ​കാണാൻ​ ​ക​ഴി​യാ​തെ​ ​പോ​യ​ത് ​ദൈ​വം​ ​നി​ശ്ച​യി​ച്ച​താ​ണെ​ന്ന് ​ക​രു​തു​ന്നു.​​ ​മ​ര​ണ​ശേ​ഷം​ ​ന​സീ​ർ​ ​സാ​റി​ന്റെ​ ​സിനിമകൾ​ ​ക​ണ്ടി​ട്ടില്ല.​ ​അ​ന്ത്യ​ രം​ഗ​ങ്ങ​ൾ​ ​ഇതു​വ​രെ​ ​കാ​ണാ​ൻ​ ​ശ്ര​മി​ച്ചിട്ടി​ല്ല.​ മ​രി​ച്ച​ ​ന​സീ​ർ​ ​സാ​റി​നെ​ ​എ​നി​ക്ക് ​കാ​ണു​ക​യും​ ​ഓ​ർ​ക്കു​ക​യും​ ​വേ​ണ്ട.​ ​ചി​റ​യി​ൻ​കീ​ഴി​ലെ​ ​വീ​ട്ടി​ൽ​ ​ജീ​വി​ച്ചി​രി​പ്പു​ണ്ടെ​ന്ന​ ​വി​ശ്വാ​​സം​ ​ദൈ​വം​ ​തരുന്നു.​ ​അ​ല്ലെ​ങ്കി​ലും​ ​ചി​ല​ ​കാ​ര്യ​ങ്ങ​ളി​ൽ​ ​ ദൈ​വം​ ​അ​ങ്ങ​നെ​യാ​ണ്.,' ഷീല പറയുന്നു.

    Read more about: sheela
    English summary
    Actress Sheela Remembers Her Memories With Late Actor Prem Nazir In Latest Interview Goes Viral
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X