Don't Miss!
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- News പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
നന്നായി അഭിനയിച്ചാൽ മമ്മൂക്ക അപ്പോൾ തന്നെ പറയും, അങ്ങനെ ചെയ്യുന്ന വളരെ കുറച്ചുപേരെ ഉള്ളു: സോനാ നായർ
മലയാള സിനിമ, ടെലിവിഷൻ പ്രേക്ഷകർക്ക് ഒരുപോലെ സുപരിചിതയായ നടിയാണ് സോനാ നായർ. ചെറുതും വലുതുമായ നിരവധി കഥാപാത്രങ്ങളെയാണ് മിനിസ്ക്രീനിലും ബിഗ് സ്ക്രീനിലും താരം അവതരിപ്പിച്ചിരിക്കുന്നത്. 1996 മുതലാണ് സോന അഭിനയത്തിൽ സജീവമാകുന്നത്. അന്ന് മുതൽ കഴിഞ്ഞ 25 വർഷത്തോളമായി സിനിമയിലും സീരിയലുകളിലും നിറഞ്ഞ് നിൽക്കുന്ന ഒരു അഭിനേത്രി കൂടിയാണ് സോന നായർ.
വ്യത്യസ്തമായ കഥാപാത്രങ്ങളിലൂടെ സോന നായർ എന്നും പ്രേക്ഷകരുടെ മനസിൽ പ്രത്യേക ഇടം നേടിയിട്ടുണ്ട്. ഗ്ലാമറസ് റോളുകളിലും സോന പലപ്പോഴും തിളങ്ങിയിട്ടുണ്ട്. അതുകൊണ്ട് തന്നെ സോന നായർ എന്ന പേര് കേൾക്കുമ്പോൾ ഒരുപക്ഷേ മലയാളികളുടെ മനസിലേക്ക് ആദ്യമെത്തുന്ന കഥാപാത്രം മോഹൻലാൽ നായകനായ നരൻ സിനിമയിലെ കുന്നുമ്മൽ ശാന്ത എന്ന ശാന്ത ആയിരിക്കും. അത്രയും മനോഹരമായിട്ടാണ് ആ കഥാപാത്രത്തെ താരം അവതരിപ്പിച്ചത്. കഥാനായകൻ, മനസ്സിനക്കരെ, പാസഞ്ചർ തുടങ്ങിയ സിനിമയിലെ പ്രകടനങ്ങളും ശ്രദ്ധനേടിയവയാണ്.
മോഹൻലാലിനെ കൂടാതെ മമ്മൂട്ടി, ജയറാം തുടങ്ങിയ താരങ്ങളുടെ ചിത്രങ്ങളിലും സോന അഭിനയിച്ചിട്ടുണ്ട്. ഇപ്പോഴിതാ മമ്മൂട്ടിയുടെ ഒപ്പം അഭിനയിച്ചപ്പോൾ ഉള്ള അനുഭവങ്ങൾ പങ്കുവച്ചിരിക്കുകയാണ് സോന. മാസ്റ്റർ ബിൻ ചാനലിന് നൽകിയ ഒരു അഭിമുഖത്തിനിടയിലാണ് മലയാളത്തിന്റെ മെഗാസ്റ്റാറിനെ കുറിച്ച് നടി വാചാലയായത്. സോനയുടെ വാക്കുകൾ ഇങ്ങനെ.
'സിനിമയെ അത്രത്തോളം ഇഷ്ടപ്പെടുന്നത് കൊണ്ട് തന്നെ പല സിനിമകളിലെ കഥാപാത്രങ്ങളും എന്റെ വീട്ടിലെ ആരെങ്കിലും ആയിരുന്നെങ്കിൽ എന്ന് പലപ്പോഴും ആഗ്രഹിച്ചിട്ടുള്ള വ്യക്തിയാണ് ഞാൻ. അങ്ങനെയുള്ള ഒരാളാണ് മമ്മൂട്ടി, അദ്ദേഹത്തിന്റെ പഴയ പല സിനിമകളും കഥാപാത്രങ്ങളും എനിക്ക് അത്രമാത്രം ഇഷ്ടമാണ്.'
'അരയന്നങ്ങളുടെ വീട് എന്ന ചിത്രത്തിലാണ് മമ്മൂക്കയ്ക്ക് ഒപ്പം ഞാൻ ആദ്യമായി അഭിനയിക്കുന്നത്. അദ്ദേഹത്തിനൊപ്പം അഭിനയിക്കുമ്പോൾ നന്നായി അഭിനയിച്ചാൽ അദ്ദേഹത്തിന്റെ മുഖഭാവം മാറുന്നത് പെട്ടെന്നായിരിക്കും. അദ്ദേഹം അപ്പോൾ തന്നെ നമ്മളോട് പറയും വളരെ നന്നായിട്ടുണ്ടെന്ന്. അങ്ങനെ പറയുന്ന വളരെ കുറച്ച് ആളുകളെ സിനിമ മേഖലയിൽ കാണാനാവൂ. അതിൽ ഒരാളാണ് അദ്ദേഹം. അദ്ദേഹം നമ്മുടെ കഴിവിനെ അംഗീകരിക്കുന്ന വ്യക്തിയാണ്. വളരെ കുറച്ച് താരങ്ങൾ മാത്രമേ അങ്ങനെ പെരുമാറാറുള്ളൂ'
Recommended Video
'അതുപോലെ ഒരിക്കൽ അരയന്നങ്ങളുടെ വീടിന്റെ സെറ്റിൽ വെച്ച് മമ്മൂട്ടി എന്നെ കൊണ്ട് പാട്ട് പാടിച്ചിട്ടുണ്ട്. ഷൂട്ടിങ്ങിനിടെ ഒരു ദിവസം ഉച്ചയ്ക്ക് എല്ലാവരും വിശ്രമിക്കുന്ന സമയത്ത് അദ്ദേഹം തന്നോട് പെട്ടന്ന് പാട്ട് പാടാൻ പറയുകയായിരുന്നു. ആദ്യമൊന്ന് അമ്പരന്നിരുന്നെങ്കിലും പിന്നീട് പാട്ട് പാടി.' സോന പറഞ്ഞു.
ഷൂട്ടിങ് സെറ്റിൽ മമ്മൂട്ടിക്ക് അന്ന് മുതൽ ലഭിക്കുന്ന ബഹുമാനത്തെ കുറിച്ചും സോന പറഞ്ഞു. 'അദ്ദേഹം വരുമ്പോൾ തന്നെ എല്ലാവരും നിശ്ശബ്ദരാകും. അപ്പോൾ നമ്മുക്ക് മനസിലാക്കാം മമ്മൂട്ടി എത്തിയെന്ന്' സോന പറഞ്ഞു.
-
സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ
-
'ആകെ ഈ പണിയല്ലേ ചെയ്യാനുള്ളു, അത് മര്യാദക്ക് ചെയ്തൂടെ?'; ലാല് ജോസിനെ അന്ന് മമ്മൂട്ടി വഴക്ക് പറഞ്ഞു
-
ഗര്ഭിണിയാണെന്ന് പറഞ്ഞ് പറ്റിക്കുവാണോ? ദീപിക പദുക്കോണിന്റെ വയര് കാണുന്നില്ലെന്ന് ആരോപണം! ഫോട്ടോ വൈറൽ