അന്നും ഇന്നും ഇന്ദ്രൻസ് ചേട്ടൻ ഇങ്ങനെയാണ്, രൂപം കൊണ്ടോ ഭാവം കൊണ്ടോ സ്വഭാവം കൊണ്ടോ ഒരു മാറ്റവുമില്ല

താൻ ചേട്ടനോട് വന്നപ്പോഴെ ചോദിക്കുവായിരുന്നു ഇതുപോലെയിരിക്കാൻ എന്തേലും ചെയ്യുന്നുണ്ടോ എന്ന്. താൻ ചേട്ടനെ ആദ്യത്തെ സിനിമയിൽ കാണുന്നത് എങ്ങനെയാണോ അതുപോലെ തന്നെയാണ് ഇപ്പോഴും എന്ന് ഉർവശി പറഞ്ഞു. ഇതെല്ലാം പറയുമ്പോഴും ഒരു ചെറുപുഞ്ചിരിയോടെ തൊട്ടടുത്ത് നിൽക്കുന്നാണ്ടായിരുന്നു ഇന്ദ്രൻസ് ചേട്ടൻ. ഇന്ദ്രൻസ് ചേട്ടനോട് തങ്ങളെയൊക്കെ സിനിമയിലൂടെ ഞെട്ടിക്കുവാണല്ലോ പുതിയ സിനിമയുടെ വിശേഷം എന്താണെന്ന് ചോദിച്ചപ്പോഴും ഇതിലും ഞെട്ടിപ്പിക്കും എന്നാണ് മറുപടി നൽകിയത്. ഒരു ​ഗംഭീര സിനിമയാണെന്നാണ് ഇന്ദ്രൻസ് ചേട്ടൻ പറഞ്ഞത്.

വസ്ത്രാലങ്കാര രം‌ഗത്തു നിന്ന് അഭിനയ രംഗത്തേക്ക് എത്തിയ താരമാണ് ഇന്ദ്രൻസ്. മലയാളത്തിൽ 250-ലധികം ചിത്രങ്ങളിൽ അഭിനയിച്ചിട്ടുണ്ട്. സി ഐ ഡി ഉണ്ണികൃഷ്ണൻ ബി എ, ബി എഡ് എന്ന ചിത്രത്തിലെ വേഷം അഭിനയ ജീവിതത്തിലെ വഴിത്തിരിവായി മാറി. പുതുമുഖ സംവിധായകൻ വിസി അഭിലാഷിന്റെ സംവിദാനത്തിൽ 2018-ൽ പുറത്തിറങ്ങിയ ആളൊരുക്കം എന്ന ചിത്രത്തിലെ അഭിനയത്തിന് 2018-ൽ മികച്ച നടനുള്ള കേരള സംസ്ഥാന ചലച്ചിത്ര അവാർഡ് നേടി.

2019-ൽ വെയിൽമരങ്ങൾ എന്ന ചിത്രത്തിലൂടെ സിംഗപ്പൂർ സൗത്ത് ഏഷ്യൻ ഇന്റർനാഷണൽ ഫിലിം ഫെസ്റ്റിവലിൽ മികച്ച നടനുള്ള അന്താരാഷ്ട്ര പുരസ്ക്കാരവും താരം സ്വന്തമാക്കിയിരുന്നു.

ഇന്ദ്രൻസ്, ഉർവശി എന്നിവരുടെ കോമ്പോയിൽ വരുന്ന ഒരു ആക്ഷേപ ഹാസ്യ ചിത്രമാണ് ജലധാര പമ്പ് സെറ്റ് സിൻസ് 1962. ആശിഷ് ചിന്നപ്പയാണ് സംവിധാനം. വണ്ടർഫ്രെയിംസ് ഫിലിംലാൻഡിന്റെ ബാനറിലാണ് ചിത്രം തീയേറ്ററുകളിൽ എത്തുന്നത്. ഉർവ്വശിയും ഇന്ദ്രൻസും ഒരിമിച്ച് വരുമ്പോൾ പ്രേക്ഷകരെ പൊട്ടിച്ചിരിപ്പിക്കാൻ കഴിയുന്ന ചിത്രമായിരിക്കും എന്നാണ് പ്രതീക്ഷ. ഇന്ദ്രൻസ്, ഉർവശി എന്നിവരെ കൂടാതെ സാഗർ, ജോണി ആന്റണി, ടിജി രവി, സനുഷ, നിഷ സാരംഗ് തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.

Read Also: എന്നെക്കുറിച്ച് അറിയേണ്ടതെല്ലാം ഇതിലുണ്ട്! പുത്തൻ സെൽഫി ചിത്രങ്ങളുമായി അഭയ ഹിരൺമയി

Recommended Video

Indrans Exclusive Interview | മലയാള സിനിമ കളഞ്ഞിട്ട് വേറെ സിനിമ ചെയ്യില്ല | FilmiBeat Malayalam

ഇന്ദ്രൻസിന്റെ പുറത്തിറങ്ങാൻ ഒരുങ്ങുന്ന പുതിയ ചിത്രമാണ് കളിഗമിനാർ. ഏറെ ദുരൂഹതകളും ഫാന്റസിയും ഒക്കെയായി എത്തുന്ന ചിത്രമാണ്. ഗമിനാർ എന്ന ബംഗ്ളാവിൽ മൂന്നു ഗ്യാംങ്ങ് സ്റ്റേഴ്സിൻ്റെ കളികളാണ് പൂർണ്ണമായും ത്രില്ലർ മൂഡിൽ ഈ ചിത്രത്തിലൂടെ അവതരിപ്പിക്കുന്നത്.ഏറെ ദുരൂഹതകളും സസ്പെൻസുമൊക്കെ കോർത്തിണക്കിയാണ് അവതരണം. ചിത്രം സംവിധാനം ചെയ്യുന്നത് നവാഗതനായ ഷാജഹാൻ മുഹമ്മദാണ്.