ഞാനും പ്രിയയും അടുത്ത സുഹൃത്തുക്കൾ!! പാട്ട് ഹിറ്റാകാനുള്ള കാരണം മറ്റൊന്നാണ്, റോഷൻ പറയുന്നു...

പ്രിയയ്ക്കും തനിയ്ക്കും ഇടയിൽ

നടി പ്രിയാ വാര്യരോട് തനിയ്ക്ക് യാതൊരു തരത്തിലുളള അസൂയയും ഇല്ലെന്ന് റോഷൻ. തങ്ങൾ വളരെ അടുത്ത സുഹൃത്തുക്കളാണെന്നും റോഷൻ പറഞ്ഞു. തനിയ്ക്കും പ്രിയയ്ക്കും ഇടയിൽ ഒരു പ്രത്യേകം കെമിസ്ട്രി വർക്കാവുന്നുണ്ട്. അത് കൊണ്ടാണ് മാണിക്യ മലരായ പൂവി എന്ന ഗാനം ഹിറ്റായതെന്നും താരം കൂട്ടിച്ചേർത്തു. പാട്ടിലെ കണ്ണിറുക്കൽ കൊണ്ട് പ്രിയ താരമായത് കണ്ട് താൻ ഞെട്ടിയെന്നും റോഷൻ പറഞ്ഞു.

തമ്മിലുളള ഈഗോ

തങ്ങളെല്ലാവരും പുതുമുഖങ്ങളാണ്. അതിനാൽ തന്നെ ഈഗോയോ മറ്റ് താരതമ്യങ്ങളെ തങ്ങൾക്കിടയിൽ നടന്നിട്ടില്ല. അതുകൊണ്ട് സെറ്റിൽ അത്തരത്തിലുളള താരതമ്യങ്ങൾ നടന്നിട്ടില്ലെന്നും റോഷൻ കൂട്ടിച്ചേർത്തു. ഒറ്റ രാത്രി കൊണ്ട് പാട്ടും സൈറ്റടിയും ഹിറ്റായത് ഇപ്പോഴും വിശ്വസിക്കാൻ കഴിയുന്നില്ലെന്നും താരം പറഞ്ഞു.

ആളുകളുടെ പ്രതികരണം

ഒരിക്കലും ഒരു സിനിമ താരമാകുമെന്ന് പ്രതീക്ഷിച്ചിരുന്നില്ല. ഇപ്പോൾ പുറത്തു പോകുമ്പോൾ ആളുകൾ ഓടിയെത്തുകയും സെൽഫി എടുക്കുകയുമൊക്കെ ചെയ്യാറുണ്ട്. എന്നാലും സെലിബ്രിറ്റി ആയെന്നുളള തോന്നലെന്നും തനിയ്ക്ക് ഇല്ലെന്നും റോഷൻ കൂട്ടിച്ചേർത്തു. മഴവില്ല് മനോരമ അവതരിപ്പിച്ച ഡാൻസ് റിയാലിറ്റി ഷോയായ ഡി ഫോർ ഡാൻസിലൂടെയാണ് റോഷൻ പ്രേക്ഷകരുടെ മുന്നിൽ എത്തുന്നത്.

ആഗ്രഹം മാത്രം പോര

ഈ പ്രായത്തിൽ തനിയ്ക്ക് കിട്ടിയ ഏറ്റവും മികച്ച റോളായിരുന്നു അഡാർ ലവിൽ കിട്ടയതെന്ന് റോഷൻ പറഞ്ഞു. സിനിമ മനസ്സിൽ കൊണ്ട് നടന്നിട്ട് അവസരം കിട്ടാത്ത പലരേയും തനിയ്ക്ക് അറിയാം. എന്നാൽ ആഗ്രഹം മാത്രം പേര ഭാഗ്യവും കൂടി തുണച്ചാവ്‍ മാത്രമേ സിനിമയിൽ പിടിച്ചു നിൽക്കാൻ സാധിക്കുകയുള്ളുവെന്നും താപംരം കൂടിച്ചേപ്‍ത്തു.