ഹാപ്പി വെഡ്ഡിംഗിന് പകരം സമൂഹ വിവാഹം നടത്തിയാല്‍ പുണ്യം കിട്ടും; തിയേറ്റര്‍ ഉടമ പറഞ്ഞത് ഓര്‍ത്ത് ഒമര്‍ ലുലു

എന്നാല്‍ കളിയാക്കി വിട്ട തീയറ്ററില്‍ തന്നെ മൂന്നാമത്തെ ആഴ്ച ഹാപ്പിവെഡ്ഡിങ്ങ് വന്നൂ ദൈവം ഉണ്ട് മോനെ എന്നും അദ്ദേഹം കമന്റിലൂടെ അറിയിക്കുന്നുണ്ട്. പിന്നാലെ വേറേയും പോസ്റ്റുകളിലൂടെ ഒമര്‍ ലുലു തന്റെ പ്രതികരണങ്ങള്‍ അറിയിക്കുന്നുണ്ട്. ഒരുപാട് പേര്‍ സിനിമ എന്ന വലിയ സ്വപ്നത്തിന്റെ പുറകെ കഷ്ടപ്പെട്ടു വന്നിട്ട് വലിയ താരങ്ങള്‍ ഇല്ലാ, ഇനി അഥവാ സിനിമക്ക് മെല്ലെ അഭിപ്രായം കിട്ടി വന്നാല്‍ തന്നെ പലരുടെയും അധ്വാനങ്ങള്‍ ഒന്നു ഹോള്‍ഡ് പോലും ചെയാതെ സ്റ്റാര്‍ പടങ്ങള്‍ വന്നാല്‍ പുറം കാല് കൊണ്ട് തൊഴിച്ചു കളയും പലരും എന്നാണ് ഒമര്‍ ലുലു പറയുന്നു. അതേസമയം ഹാപ്പിവെഡ്ഡിങ്ങ് എന്റെ ഭാഗ്യത്തിന് നോമ്പ് കാലത്തായി വേറെ റിലീസ് ഉണ്ടായില്ല അത് കാരണം മെല്ലെ രക്ഷപ്പെട്ടുവെന്നും അദ്ദേഹം പറയുന്നു.

പുതുമുഖങ്ങളുടെ സിനിമക്ക് മിനിമം റണ്‍ എന്ന രീതി ഏര്‍പ്പെടുത്തുകയാണ് വേണ്ടതെന്ന അഭിപ്രായവും ഒമര്‍ ലുലു പങ്കുവെക്കുന്നുണ്ട്. കഷ്ടപ്പെട്ടു നേടിയ പലതും ത്യജിച്ചിട്ടാണ് ഒരുപാട് പേര്‍ സിനിമ എന്ന വലിയ സ്വപ്നത്തിന്റെ പുറകെ എത്തുന്നത്. വലിയ താരങ്ങള്‍ ഇല്ലാത്ത കാരണം ഇനീഷ്യല്‍ കിട്ടില്ല എന്ന് പറഞ്ഞും, അഥവാ ഇനി പുതുമുഖങ്ങളുടെ സിനിമക്ക് നല്ല അഭിപ്രായം കിട്ടിയാല്‍ തന്നെ ഒന്നു ഹോള്‍ഡ് ചെയ്ത് പോലും സപ്പോര്‍ട്ട് ചെയാതെ സ്റ്റാര്‍ പടങ്ങള്‍ക്ക് പിന്നാലെ ഓടിയ തീയേറ്റര്‍ ഉടമകള്‍ക്ക് കിട്ടിയ അടിയാണ് മരക്കാര്‍ എന്നാണ് ്അദ്ദേഹം മറ്റൊരു പോസ്റ്റില്‍ പറയുന്നത്.

Recommended Video

പണത്തിനോട് ഇത്ര ആർത്തിയാണേൽ വേറെ പണി നോക്ക്'; ആന്റണി പെരുമ്പാവൂരിന് പൊങ്കാല

ഇത് ഒരു വെളിപാടാണ് ഇനിയെങ്കിലും പഴയ രീതികള്‍ വിട്ട് പുതുമുഖങ്ങളുടെയും ചെറിയ താരങ്ങളുടെയും സിനിമകളെ കൂടി സപ്പോര്‍ട്ട് ചെയ്യൂ. മിനിമം റണ്‍ (കുറഞ്ഞത് രണ്ടാഴ്ച്ച ഒരു ഷോ എങ്കിലും) എന്ന ആശയം നടപ്പാക്കുക സിനിമ വളരട്ടെ അത് ഒരുപാട് പേരുടെ ജീവിതവും സ്വപ്നമാണെന്നും അദ്ദേഹം പറയുന്നു. ഹാപ്പിവെഡ്ഡിങ്ങ് എന്ന എന്റെ ആദ്യ സിനിമ വലിയ താരങ്ങള്‍ ഇല്ലാതെ എങ്ങനെ ഓടി എന്ന് ചോദിക്കുന്നവര്‍ക്കായി വളരെ കുറച്ച് തീയറ്ററില്‍ ആയിരുന്നു റിലീസ്. മെല്ലെ മൗത്ത് പബ്‌ളിസിറ്റി കിട്ടി വന്ന ആ സമയത്ത് റംസാന്‍ നോമ്പ് കാരണം വേറെ പുതിയ റിലീസ് ഉണ്ടായില്ലെന്നും അദ്ദേഹം വ്യക്തമാക്കുന്നു.