അയ്യോ നിന്റെ സാരി അഴിഞ്ഞു പോയി! വീണു കിടന്ന സാരിയുമെടുത്ത് ഓടിയ കഥ പറഞ്ഞ് അനു സിത്താര

എട്ടാം ക്ലാസില്‍ പഠിക്കുമ്പോഴാണ് കലാമണ്ഡലത്തില്‍ ചേരുന്നത്. യൂണിഫോം സാരിയാണ്. തൊഴെ പൈജാമയും. ആ സമയത്ത് സ്വന്തമായി മുടി പോലും വൃത്തിയായി കെട്ടാന്‍ എനിക്ക് അറിയില്ലായിരുന്നു. ആ ഞാന്‍ ആദ്യ ദിവസം സീനിയേഴ്‌സ് പഠിപ്പിച്ചു തന്നത് പോലെ സാരിയുടുത്ത് ക്ലാസിലേക്ക് പോകുന്നു. ക്ലാസ് കഴിഞ്ഞു. ഞാന്‍ മുറിയിലേക്ക് നടന്നു. പെട്ടെന്നാണ് ഒപ്പമുള്ള കൂട്ടുകാരി പറയുന്നത്, അയ്യോ നിന്റെ സാരി അഴിഞ്ഞു പോയി എന്ന്. നോക്കുമ്പോള്‍ സാരിയുടെ കുത്തഴിഞ്ഞ് താഴെക്കിടക്കുന്നു. പൈജാമയുള്ളത് കൊണ്ട് കുഴപ്പമില്ല. നിലത്തു വീണു കിടന്ന സാരിയും എടുത്ത് മുറിയിലേക്ക് ഒറ്റ ഓട്ടമായിരുന്നുവെന്നാണ് അനു പറയുന്നത്. എന്നാല്‍ അന്ന് രാത്രി തന്നെ വൃത്തിയായി സാരിയുടുക്കാന്‍ പഠിച്ചുവെന്നും അനു സിത്താര പറയുന്നു.

കരിയറിലെ ഉയര്‍ച്ച താഴ്ചകളെ താന്‍ ഉള്ളിലേക്ക് എടുക്കാറില്ലെന്നാണ് അനു സിത്താര പറയുന്നത്. രണ്ടും അനുഭവങ്ങളാണെന്നും രണ്ടില്‍ നിന്നും ഒരുപാട് പഠിക്കാനുണ്ടെന്നും താരം പറയുന്നു. അത് നമ്മളെ കരത്തരാക്കുമെന്നാണ് അനുവിന്റെ അഭിപ്രായം. ഒരു ദിവസം സങ്കടമുണ്ടായാല്‍ തൊട്ടപ്പുറത്ത് സന്തോഷിക്കാനുള്ള സാഹചര്യവുമുണ്ടാകുമെന്ന്ാണ് അനു കരുതുന്നത്. താന്‍ വളര്‍ന്നത് അച്ഛന്റേയും അമ്മയുടേയും ജീവിതം കണ്ടാണെന്നും അവരുടെ ജീവിതത്തില്‍ ഇതെല്ലാമുണ്ടായിരുന്നുവെന്നും അനു പറയുന്നു.

ജീവിതത്തില്‍ തനിക്ക് ഒരുപാട് ആഗ്രഹങ്ങളൊന്നുമില്ലെന്നതാകാം സന്തോഷത്തോടെയിരിക്കാന്‍ പറ്റുന്നതിന്റെ കാരണമെന്നാണ് അനു പറയുന്ന്ത്. ഇനി കിട്ടുന്നതെല്ലാം ബോണസാണെന്നും താരം പറയുന്നു. സിനിയമില്‍ വിജയപരാജയങ്ങള്‍ ഉണ്ടായിട്ടുണ്ട്. അതെല്ലാം ഓരോ അനുഭവങ്ങളാണ്. തിരഞ്ഞെടുപ്പ് പാളിപ്പോയിട്ടുണ്ടാകാം. ആ കഥാപാത്രത്തെ മനസിലാക്കിയതിന്റെ കുഴപ്പമാകാം. നന്നാക്കാമായിരുന്നുവെന്ന് തോന്നിയ കഥാപാത്രങ്ങളുണ്ടായിട്ടുണ്ട്്. എന്നാല്‍ വീഴ്ചകള്‍ ദൈവം തരുന്നതാണെന്നും അതില്‍ നിന്നും പഠിക്കാനുണ്ടെന്നും അനു പറയുന്നു.