ഒട്ടും ദാരിദ്രമനുഭവിക്കാത്ത അണ്ണന്‍ എത്ര കെട്ടി, മൂന്നാമത്തെയല്ലേ? ഗോപി സുന്ദറിനോട് ദയ അശ്വതി

മലയാളികള്‍ക്ക് സുപരിചിതരാണ് ഗോപി സുന്ദറും അമൃത സുരേഷും. പാട്ടിന്റെ ലോകത്തിലൂടെ നേരത്തെ തന്നെ ഇരുവരേയും മലയാളികള്‍ക്ക് അടുത്തറിയാം. ഈയ്യടുത്തായിരുന്നു ഗോപി സു്ന്ദറും അമൃതയും തങ്ങള്‍ പ്രണയത്തിലാണെന്ന വിവരം വെളിപ്പെടുത്തിയത്. പിന്നാലെ ഇരുവരും ഒരുമിക്ക മ്യൂസിക് വീഡിയോ ആയ തൊന്തരവയുടെ പോസ്റ്ററും സോഷ്യല്‍ മീഡിയയില്‍ വൈറലായിരുന്നു.

കഴിഞ്ഞ ദിവസം അമൃതയും ഗോപി സുന്ദറും ജാംഗോ സ്പേസ് ടിവിക്ക് നല്‍കിയ അഭിമുഖവും വൈറലായിരുന്നു. തങ്ങളുടെ സംഗീത ആല്‍ബമായ തൊന്തരവായുടെ വിശേഷങ്ങളായിരുന്നു ഇരുവരും പങ്കുവച്ചത്. അഭിമുഖത്തില്‍ ഗാനം ഇറങ്ങുന്നതിന് മുന്‍പ് കിസ്സിങ് സീന്‍ പോസ്റ്ററിലുള്‍പ്പെടുത്തിയതിനെക്കുറിച്ചും അദ്ദേഹം സംസാരിച്ചിരുന്നു. പോസ്റ്ററിന് ലഭിച്ച കമന്റുകളിലൂടെ മലയാളികളുടെ ലൈംഗിക ദാരിദ്ര്യം മനസിലാക്കിയെന്നും അദ്ദേഹം പറഞ്ഞിരുന്നു.

മ്യൂസിക് ആല്‍ബത്തിന് നല്ല ഭംഗിയുള്ളൊരു പോസ്റ്ററായിരുന്നു ആദ്യം ചെയ്തത്. അത് പോസ്റ്റ് ചെയ്തപ്പോള്‍ ആരും തിരിഞ്ഞുനോക്കിയിരുന്നില്ലെന്ന് ഗോപി സുന്ദര്‍ പറയുന്നു. അതിന് ശേഷമായാണ് കിസ്സിങ് രംഗമുള്ള പോസ്റ്റര്‍ പങ്കുവെച്ചത്. അതിന് ശേഷമായാണ് കേരളത്തിലെ ലൈംഗിക ദാരിദ്ര്യം എത്രത്തോളമാണെന്ന് മനസിലാക്കിയത് എന്നായിരുന്നു ഗോപി സുന്ദര്‍ പറഞ്ഞത്. ഇതിനിടെ ഇപ്പോഴിതാ ഗോപി സുന്ദറിനെതിരെ വിമര്‍ശനവുമായി എത്തിയിരിക്കുകയാണ് ബിഗ് ബോസ് താരം ദയ അശ്വതി.

നിങ്ങളുടെ കാര്യം കണ്ടാലേ ഒരു കോമഡിയാണ്, എന്നാലും എന്റെ അഭിപ്രായം പറയാമെന്ന് വിചാരിച്ചു. നിങ്ങള്‍ പാട്ടിനെക്കുറിച്ച് അഭിപ്രായങ്ങള്‍ പറഞ്ഞോളൂ. കാരണം പാടാനുള്ള കഴിവ് രണ്ടാള്‍ക്കുമുണ്ട്. പാട്ടുമായി ബന്ധപ്പെട്ടുള്ള അഭിമുഖം കൊടുത്തോളൂ, അത് വളരെ നല്ല കാര്യമാണ്. എന്നാല്‍ മലയാളികളുടെ നെഞ്ചത്തോട്ട് കുതിര കയറാനൊന്നും നിങ്ങളായിട്ടില്ലെന്നായിരുന്നു ദയ അശ്വതിയുടെ പ്രതികരണം.

അത്രയ്ക്ക് പെര്‍ഫെക്ടായ വ്യക്തിയുമല്ല ഗോപി സുന്ദര്‍ എന്നാണ് താരം പറയുന്നത്.. മലയാളികള്‍ക്ക് ഒരു തെങ്ങില്‍ തുണി ചുറ്റിയത് കണ്ടാലും ലൈംഗിക ദാരിദ്ര്യമാണ് എന്നല്ലേ, ഒട്ടും ദാരിദ്രമനുഭവിക്കാത്ത അണ്ണന്‍ എത്ര കെട്ടി, എത്ര പേര് കൂടെ കൊണ്ട് നടക്കുന്നു. മൊത്തത്തില്‍ മൂന്നാമത്തെയല്ലേ എന്നും ദയ അശ്വതി ചോദിക്കുന്നുണ്ട്. അമൃതയ്ക്ക് മുമ്പ് ഗോപി സുന്ദറിന്റെ ജീവിതത്തിലുണ്ടായിരുന്ന ബന്ധങ്ങളെക്കുറിച്ചായിരുന്നു ദയ അശ്വതിയുടെ വാക്കുകള്‍.

ഈ അണ്ണന് ഒട്ടും ദാരിദ്രമില്ല. ഒന്നുകെട്ടി രണ്ടാമത് ലിവിങ് റ്റുഗദര്‍, മൂന്നാമത്തേത് കെട്ടിയെന്ന് പറയാന്‍ ധൈര്യമില്ലെന്നും ആദ്യം സ്വന്തം കാര്യം തിരുത്താന്‍ നോക്കൂ, എന്നിട്ട് മറ്റുള്ളവരെ കാര്യം നോക്കൂവെന്നും ദയ അശ്വതി ഗോപി സുന്ദറിനോടായി പറയുന്നുണ്ട്.

ഞങ്ങളുടെ ജീവിതം ചികയാന്‍ ആര്‍ക്കും അവകാശമില്ലെന്ന് പറഞ്ഞല്ലോ, അതേപോലെ നാട്ടുകാരുടെ നെഞ്ചത്ത് പൊങ്കാലയിടാനുള്ള അവകാശം നിങ്ങള്‍ക്കുമില്ലെന്നും അവര്‍ വ്യക്തമാക്കുന്നു. ഒന്നില്‍ത്തുടങ്ങി മൂന്നിലെങ്കിലും നിങ്ങള്‍ അവസാനിപ്പിക്കുമോയെന്നും ദയ അശ്വതി ചോദിക്കുന്നുണ്ട്. ഈ വീഡിയോ സോഷ്യല്‍ മീഡിയയില്‍ ചര്‍ച്ചയായി മാറുകയാണ്. നിരവധിപേരാണ് വിമര്‍ശിച്ചും അനുകൂലിച്ചുമെത്തുന്നത്.