ഇതുവരെ ആരെയും പ്രണയിച്ചിട്ടില്ല, ഡോക്ടറോട് സീരിയസായി പ്രണയം തോന്നിയിട്ടില്ലെന്ന് ദിൽഷ

തനിയ്ക്ക് കുടുംബത്തെ പരിഗണിക്കാതെ എടുത്ത് ചാടി ഒരു വിവാഹം ചെയ്യാന്‍ കഴിയില്ല, റോബിന് ആണെങ്കില്‍ പെട്ടന്ന് വിവാഹം വേണം, പക്ഷെ ദിൽഷക്ക് അങ്ങനെ പറ്റില്ലെന്ന് വീഡിയോയിലൂടെ പറയുകയും ചെയ്തു. കട്ടന്‍ വിത്ത് ഇമ്മാട്ടി എന്ന മാറ്റിനിയുടെ ചാറ്റ് ഷോയില്‍ ദില്‍ഷ തന്റെ പ്രണയത്തെക്കുറിച്ച് പറഞ്ഞത്, പ്രണയിക്കുന്നത് തെറ്റൊന്നുമല്ലെന്നാണ്, ആങ്കറുടെ മറ്റൊരു ചോദ്യം ആയിരുന്നു ആദ്യം ക്രഷ് തോന്നിയത് ആരോടാണെന്ന് ചോദിച്ചപ്പോള്‍ സിനിമാ നടന്മാരുടെ പേര് നിരത്തി പറയുകയായിരുന്നു ദില്‍ഷ.

Read Also: ആരെയും നിർബന്ധിച്ചു വിവാഹത്തിന് സമ്മതം വാങ്ങരുത്, റോബിന് പൂർണ്ണ പിന്തുണയുമായി നിമിഷ

അതല്ലാതെ പ്രണയം ആരോടും തോന്നിയിട്ടില്ലേ എന്ന് ചോദിച്ചപ്പോള്‍ ഇല്ല എന്ന് ദില്‍ഷ വ്യക്തമാക്കി. താന്‍ പ്രണയത്തിന് എതിര് അല്ല. എന്നാല്‍ ആരോടും എനിക്ക് അങ്ങനെ പ്രത്യേകിച്ച് ഒരു ഇഷ്ടം തോന്നിയിട്ടില്ല, പലരും എന്നോട് ഇഷ്ടമാണ് എന്ന് പറഞ്ഞിട്ടുണ്ട്. സത്യത്തില്‍ പഠിക്കുന്ന പ്രായത്തിൽ തനിക്ക് പ്രേമിക്കാന്‍ പേടിയായിരുന്നു. അതുകൊണ്ടാവും പ്രണയം വോ​ഗം തോന്നാത്തതും.

പക്ഷെ ഇപ്പോള്‍ തനിക്ക് ഒരാളോട് ഇഷ്ടം തോന്നിയാൽ അത് തുറന്ന് പറയാന്‍ പേടിയില്ല, എന്നാല്‍ അത്ര പെട്ടന്ന് ഒന്നും ഒരാളെ പ്രേമിക്കാന്‍ എനിക്ക് കഴിയില്ല എന്നാണ് ദില്‍ഷ പറഞ്ഞത്.

അതേ അഭിമുഖത്തിൽ തന്നെ ഡോക്ടർ റോബിനോട് ഇഷ്ടം തോന്നിയിട്ടില്ലെ എന്ന ചോദ്യത്തിനും ദിൽഷ മറുപടി പറഞ്ഞിരുന്നു. ഡോക്ടറോട് ഒരു ചെറിയ ഇഷ്ടമൊക്കെ ഉണ്ട്. പക്ഷെ അതിനെ പ്രണയം എന്നൊക്കെ പറയാൻ കഴിയുമോ എന്നറിയല്ലെന്നും ദിൽള പറഞ്ഞു. ഡോക്ടറുമായി കുറച്ച് സംസാരിച്ച് കഴിയുമ്പോളഅ‍ ചിലപ്പോൾ പ്രണയം തോന്നി വിവാഹത്തിലേക്ക് എത്തിയേക്കാം എന്നും ദിൽഷ പറഞ്ഞിരുന്നു. മാറ്റിനിയുടെ അഭിമുഖം വന്ന് മണിക്കൂറുകൾക്ക് ശേഷമാണ് ദിൽഷ വീഡിയോ ഇൻസ്റ്റ​ഗ്രാമിൽ പോസ്റ്റ് ചെയ്തത്.

കഴിഞ്ഞ കുറച്ച് ദിവസങ്ങളായി ദിൽഷ സമൂഹ മാധ്യമങ്ങളിലൂടെ സോഷ്യൽ മീഡിയ ബുള്ളിയിം​ഗ് നേരിട്ട് കൊണ്ടിരിക്കുകയാണ്. തനിക്കെതിരെ സോഷ്യൽ മീഡിയയിൽ വരുന്ന ആരോപണങ്ങളെക്കുറിച്ചും വീഡിയോയിലൂടെ ദിൽഷ വ്യക്തമാക്കിയിരുന്നു. ദിൽഷയെ അനുകൂലിച്ചും പ്രതികൂലിച്ചും നിരവധി പേർ രം​ഗത്ത് വന്നിരുന്നു. കഴിഞ്ഞ ദിവസം ബി​ഗ് ബോസ് മത്സരാർത്ഥിയായിരുന്ന ഡെയ്സിയും ദിൽഷയെ സപ്പോർട്ട് ചെയ്തിരുന്നു.

ദിൽഷക്ക് പറയാനുള്ളത് പറഞ്ഞു, അവളുടെ തീരുമാനത്തെ മാനിക്കണം ദയവ് ചെയ്ത് അവൾക്കെതിരെയുള്ള ബുള്ളിയിം​ഗ് നിർത്തണം എന്ന് പറഞ്ഞു. ഷോ കഴിഞ്ഞു അതോടെ എല്ലാം കഴിഞ്ഞു, പിന്നീടുള്ള അടുത്ത വിഷയത്തിന് ദിൽഷ മറുപടിയും പറഞ്ഞു ഇനി വിട്ടേക്ക് എന്നാണ് ഇൻസ്റ്റ​ഗ്രാമിലെ സ്റ്റോറിയിലൂടെ ഡെയിസി പറഞ്ഞത്.