'ഞാൻ പഴങ്കഞ്ഞിയാണേൽ ലാലേട്ടനേയും പഴങ്കഞ്ഞിയെന്ന് വിളിക്കണം, ദിൽഷ ജയിക്കേണ്ട മത്സരാർഥിയല്ല'; ഫിറോസ് ഖാൻ

കൂടാതെ യുട്യൂബ് ചാനൽ ആരംഭിച്ച് അത് വഴി ജീവിതത്തിലെ ഓരോ വിശേഷങ്ങളും ഇരുവരും പ്രേക്ഷകരോട് പങ്കുവെക്കാറുണ്ട്. ഇപ്പോഴിത നാലാം സീസണിനെ കുറിച്ചും ബി​ഗ് ബോസിന് ശേഷം കരിയറിൽ വന്ന മാറ്റങ്ങളെ കുറിച്ചും വെളിപ്പെടുത്തിയിരിക്കുകയാണ് ഫിറോസ് ഖാൻ.

'ദില്‍ഷ ബിഗ് ബോസ് സീസണ്‍ നാലിലെ വിജയി ആയിരിക്കുമെന്ന് ഒരിക്കലും പ്രതീക്ഷിച്ചിരുന്നില്ല. ബിഗ് ബോസില്‍ വോട്ടിങ്ങിന് വലിയ പ്രധാന്യമുണ്ട്. അതിന് അർത്ഥം ഗെയിം കളിക്കാത്തവർക്ക് പിന്തുണ കൊടുക്കും എന്നല്ല.'

'നന്നായി കളിക്കുന്നവർക്കും റിസ്ക്ക് എടുക്കുന്നുവർക്കുമായിരിക്കുല്ലോ ആളുകള്‍ വോട്ടുകൊടുക്കുക. പ്രത്യേകിച്ച് മലയാളികള്‍ നല്ല ബുദ്ധിയുള്ള ആളുകളാണ്.'

Also Read: റോപ്പിൽ ആടി വന്നുള്ള ഇടിയാണെങ്കിൽ മമ്മൂക്ക ഹാപ്പി; ലാലേട്ടന് നാച്വറലാണിഷ്ടം: മാഫിയ ശശി

'ഒരു സംഭവം കാണുമ്പോള്‍ അതില്‍ എത്രത്തോളം അവർ റിസ്ക് എടുക്കുന്നു. എത്രത്തോളം പരിശ്രമിക്കുന്നു എന്നുള്ളതൊക്കെ അവർ കൃത്യമായി മനസിലാക്കും. ബിഗ് ബോസ് സീസണ്‍ ഫോറില്‍ എനിക്ക് അറിയുന്ന കുറെ ആളുകളുണ്ടായിരുന്നു.'

'മികച്ച രീതിയില്‍ ഗെയിം കളിക്കുന്ന ഒരാള്‍ക്കായിരുന്നു എന്റെ പിന്തുണ. ദില്‍ഷ ഒരിക്കലും വിജയി ആവുമെന്ന് പ്രതീക്ഷിച്ചിരുന്നില്ല. വിചാരിക്കാത്തൊരു കുട്ടിക്കാണ് സമ്മാനം കിട്ടിയത്.'

'ഈ സീസണിലെ മൂന്ന്, നാലുപേർ നല്ല ഗെയിമറായിരുന്നു. അവരൊക്കെ ഞാന്‍ വിചാരിക്കുന്നതിന് മുമ്പ് തന്നെ പുറത്തായിപ്പോയി. അതേക്കുറിച്ച് ഇപ്പോള്‍ പറഞ്ഞിട്ട് കാര്യമില്ലാലോ.'

'ബിഗ് ബോസെന്ന് പറയുന്നത് ഉത്സവം പോലെയാണ്. അകത്ത് മാത്രമല്ല പുറത്തും ചർച്ചകള്‍ സജീവമാവണം. ഇതൊന്നും ഇല്ലെങ്കില്‍ ബിഗ് ബോസ് ബിഗ് ബോസ് ആവുന്നില്ല. പുറത്ത് ആർമിക്കാരൊക്കെ വേണം. ആർമിക്കാരുടെ ഫൈറ്റൊക്കെ വരുമ്പോഴാണ് ഒരു ഹരത്തിലേക്ക് കടക്കുന്നത്. അല്ലെങ്കില്‍ ഒരു സാധാ സീരിയല്‍ പോലെയായി മാറും.'

'പുറത്തെ ആർമി ഫൈറ്റൊക്കെ വേണമെന്നാണ് എന്റെ അഭിപ്രായം. പക്ഷെ അത് ആരോഗ്യപരമായിരിക്കണം. അല്ലാതെ മറ്റൊരാളെ വേദനിപ്പിക്കുന്ന അവസ്ഥയിലേക്കോ തെറിവിളിയിലേക്കോ പോവാന്‍ പാടില്ല.'

'സജ്നയുടെ നല്ലൊരു സീരിയല്‍ ഇപ്പോൾ സംപ്രേഷണം ചെയ്ത് പോകുന്നുണ്ട്. അതിലെ നെഗറ്റീവ് കഥാപാത്രത്തെ അവള്‍ മികച്ച രീതിയില്‍ അവതരിപ്പിക്കുന്നുണ്ട്.'

'എനിക്ക് ഏറ്റവും ഇഷ്ടപ്പെട്ട ഭക്ഷണം പഴങ്കഞ്ഞിയാണ്. അതുകൊണ്ടായിരിക്കും പഴങ്കഞ്ഞിയെന്ന് വിളിക്കുന്നത്. അങ്ങനെയാണ് എന്നെ പഴങ്കഞ്ഞിയെന്ന് വിളിക്കുന്നതെങ്കിൽ ലാലേട്ടനേയും പഴങ്കഞ്ഞിയെന്ന് വിളിക്കണം. കാരണം പുള്ളിക്കും ഏറ്റവും ഇഷ്ടം പഴങ്കഞ്ഞിയാണ്.'

'ബി​ഗ് ബോസിൽ പോയപ്പോഴും ഞാൻ എപ്പോഴും പഴങ്കഞ്ഞി കുടിക്കുമായിരുന്നു. ബി​ഗ് ബോസ് സ്പെഷ്യൽ ഭക്ഷണം വേണമെങ്കിൽ എഴുതി കൊടുക്കാൻ പറഞ്ഞപ്പോഴും ഞാൻ പഴങ്കഞ്ഞിയാണ് എഴുതിയത്. ഭയങ്കര ​ഗുണമുള്ള സാധനമാണ് പഴങ്കഞ്ഞി' ഫിറോസ് ഖാൻ പറഞ്ഞു.