'ഒരുപാട് ഓഡിഷനുകൾക്ക് പോയി റിജെക്റ്റ് ചെയ്യപ്പെട്ടിട്ടുണ്ട്; ബിഗ് ബോസിലെ പ്രകടനം കണ്ടാണ് അമൽ നീരദ് വിളിച്ചത്!'

'എൽ.കെ.ജിയിൽ പഠിക്കുമ്പോൾ ആന്വൽ ഡേക്ക്​ പെർഫോം ചെയ്താണ്​ തുടക്കം. മൂന്നാം ക്ലാസിലായപ്പോഴേക്കും ശാസ്ത്രീയ നൃത്തത്തിൽ അരങ്ങേറ്റം കഴിഞ്ഞു. അഞ്ചാം ക്ലാസിലും ഏഴാം ക്ലാസിലും വെച്ച്​ ചാനലുകളിൽ ഡാൻസ്​ റിയാലിറ്റി ഷോ ചെയ്തു. അങ്കിൾ സമീറാണ് എന്നെ​ ഡാൻസിന്‍റെ ലോകത്തേക്ക്​ കൊണ്ടുവരുന്നത്​. ഇന്ന്​ എന്നെ എല്ലാരും അറിയുന്നത് ഡാൻസർ എന്ന രീതിയിലാണ്​,' ​

'ഒമ്പതിൽ പഠിക്കുമ്പോഴാണ്​ ഡി4 ഡാൻസ്​ എന്ന റിയാലിറ്റി ഷോയിൽ വിജയിയായത്​. അതിന് മുൻപ് റിയാലിറ്റി ഷോയിൽ പങ്കെടുത്തിരുന്നെങ്കിൽ വിജയി ആയില്ല. ഡി4 ഡാൻസ് ചെയ്തപ്പോഴാണ്​ കൂടുതലായി ഡാൻസിനെപ്പറ്റി പഠിക്കാൻ കഴിഞ്ഞത്​. അഞ്ചുവർഷത്തോളം സമയമെടുത്ത്​ ഡാൻസ്​ പഠിക്കുന്നത്ര സഹായകരമാണ്​ ഒരു റിയാലിറ്റി ഷോയിലൂടെ പരിശീലിക്കപ്പെടുന്നത്,'

'റിയാലിറ്റി ഷോകൾ​ വളരെ സഹായകരമായിരുന്നു. നമ്മൾ അറിയാതെതന്നെ നൃത്തത്തെക്കുറിച്ചുള്ള കൂടുതൽ അറിവ്​ നമ്മിലേക്ക്​ എത്തും. ഒരുപാട്​ സമയമെടുത്ത്​ പഠിക്കേണ്ടവ പെട്ടെന്നുതന്നെ സ്വായത്തമാക്കാൻ കഴിഞ്ഞതിന്​ റിയാലിറ്റി ഷോകളുടെ സ്വാധീനം വലുതാണ്​,'

'സിനിമയിൽ ഭീഷ്മപർവം തന്നെയാണ് എനിക്ക്​ ലഭിച്ച​ വലിയ ബ്രേക്​ത്രൂ. ബാലതാരമായി ചില സിനിമകൾ ചെയ്തിട്ടുണ്ട്​. സിനിമ ആരും നമ്മളെ വിളിച്ചുതരില്ല. ഒരുപാട്​ ഓഡിഷൻസ്​ അറ്റൻഡ്​ ചെയ്തിട്ടുണ്ട്​. റിജക്ട്​ ചെയ്യപ്പെട്ടിട്ടുമുണ്ട്​. ബിഗ്​ബോസിലെ പ്രകടനം കണ്ടിട്ടാണ്​ അൻവർ റഷീദിക്ക വഴി അമൽ നീരദ്​ സാർ ഭീഷ്മപർവത്തിനായി വിളിക്കുന്നത്​.

'അവരൊക്കെ ബിഗ്​ബോസിലെ എന്‍റെ പ്രകടനം കണ്ടിട്ടുണ്ട്​ എന്നതുതന്നെ വലിയ ഭാഗ്യം. സ്​റ്റേജ്​ ഷോകളും സിനിമ അഭിനയവുമായി അങ്ങനെ മുന്നോട്ടുപോകുന്നു. ഭീഷ്മപർവം കഴിഞ്ഞതിൽ പിന്നെ കാര്യമായി സ്ക്രിപ്​റ്റ്​ കേൾക്കുന്നുണ്ട്​. പല മേഖലകളിൽനിന്നായി ഓഫറുകളും വരുന്നുണ്ട്​. ഇനി അടുത്ത ചിത്രം എനിക്ക്​ ഇങ്ങനെയും അഭിനയിക്കാൻ പറ്റുമെന്ന്​ പറയാനാകുന്ന ഒരു കഥാപാത്രം വേണം. അത്തരം ഒരു ചിത്രത്തിനായി പരിശ്രമിക്കുകയാണ്​ ഇപ്പോൾ,'

'പെട്ടെന്ന്​ ഒരു സിനിമയിൽ നായകനാകാനൊക്കെ പേടിയാണ് എനിക്ക്​​. രണ്ടര മണിക്കൂർ എന്നെ തിയേറ്ററിൽ കാണാൻ ഓഡിയൻസ്​ ​കയറുന്ന തരത്തിലേക്ക്​ ഞാൻ എത്തിയിട്ടില്ല. അങ്ങനെയാകാൻ ഇനിയും ഒരുപാട് വർക്ക്​ ചെയ്യണം. അതിനായാണ്​ ശ്രമം തുടരുന്നത്​,' റംസാൻ പറഞ്ഞു.

ഫിറ്റ്നസിനെ കുറിച്ചുള്ള തന്റെ കാഴ്ചപ്പാടും താരം പങ്കുവച്ചു. 18 വയസ്സ് മുതൽ ഫിറ്റ്നസിൽ ശ്രദ്ധിക്കണം. ദിവസത്തിൽ ഒരുമണിക്കൂർ അല്ലെങ്കിൽ അരമണിക്കൂർ ഫിറ്റ്​നസിനായി ചെലവഴിക്കണം. എല്ലാ ദിവസവും പറ്റിയില്ലെങ്കിലും ആഴ്ചയിൽ രണ്ടു ദിവസം എങ്കിലും മുടക്കാതെ വേണം.

ഇതിലൂടെ ഒരുപാട്​ രോഗങ്ങൾ, പരിക്കുകൾ എന്നിവയിൽനിന്ന്​ നമുക്ക്​ രക്ഷപ്പെടാം. ഒപ്പം പ്രായം കുറെ കഴിഞ്ഞാലും മമ്മുക്കയെ പോലെ ഗ്ലാമറായി നടക്കാനും പറ്റുമെന്നും റംസാൻ പറഞ്ഞു.