ഡയറക്ടർ രാത്രി റൂമിലേക്ക് വിളിച്ചു; പിന്നീട് സംഭവിച്ചത്..!; കാസ്റ്റിങ് കൗച്ച് നേരിട്ടതിനെ കുറിച്ച് സൂര്യ

'എനിക്ക് കുറെ ദുരനുഭവങ്ങൾ ഉണ്ടായിട്ടുണ്ട്. എനിക്ക് സംഭവിച്ചത് എല്ലാവർക്കും സംഭവിക്കണം എന്നില്ല. വളരെ മാന്യമായി സിനിമകൾ ചെയ്യുന്ന ധാരാളം നടിമാർ ഉണ്ട്. എന്നെ ചിലർ അങ്ങനെ അപ്രോച്ച് ചെയ്തിട്ടുണ്ട്. അതിലൊരു അനുഭവം എന്താണെന്ന് വച്ചാൽ, ഞാൻ ഒരു സിനിമ ചെയ്യാൻ പോയി. അതിൽ രണ്ടു നായികമാർ ആയിരുന്നു. ഞാൻ ആദ്യം ചെന്നപ്പോൾ ഒരു 4 സ്റ്റാർ ഹോട്ടലിൽ ഒക്കെയാണ് താമസം ഒരുക്കിയിരുന്നത്,'

'അന്ന് രാത്രി ആയപ്പോൾ ഡയറക്ടർ എന്നോട് സൂര്യ ഒന്ന് റൂമിലേക്ക് വരണം. സ്ക്രിപ്റ്റിന്റെ കുറച്ചു കാര്യങ്ങൾ ഡിസ്‌കസ് ചെയ്യണം എന്ന് പറഞ്ഞു. പുള്ളി ഉദ്ദേശിച്ചത് ഞാൻ ഒറ്റയ്ക്ക് ചെല്ലുമെന്നാണ്. ഞാൻ എന്റെ അമ്മ ആയിട്ട് ആണ് ചെന്നത്. അവിടെ ചെന്നപ്പോൾ പുള്ളി കുളിച്ച് കുട്ടപ്പനായി പൗഡറൊക്കെ ഇട്ട് റൂമിൽ അത്തറൊക്കെ പൂശി നിൽക്കുകയായിരുന്നു. പുള്ളി ചോദിച്ചു, ഞാൻ സൂര്യയെ ഒറ്റയ്ക്ക് അല്ലെ വിളിച്ചത്, അമ്മ എന്തിനാ കൂടെ വന്നത്,'

'ഞാൻ ചോദിച്ചു, അമ്മ വന്നതിന് എന്താണ് കുഴപ്പമെന്ന്. അപ്പോൾ പുള്ളി വേറെ മീറ്റിംഗ് ഉണ്ട് പിന്നെ വിളിക്കാം പൊക്കൊളു എന്ന് പറഞ്ഞ് പറഞ്ഞുവിട്ടു. അപ്പോഴേക്കും നമുക്ക് കാര്യം മനസിലായി. റൂമിൽ ചെന്നപ്പോൾ അമ്മയ്ക്ക് ടെൻഷൻ ആയി, മോളെ നമ്മുക്ക് പോകാം എന്നൊക്കെ പറഞ്ഞു. പിറ്റേ ദിവസം ഞാൻ ലൊക്കേഷനിൽ എത്തിയപ്പോൾ പുള്ളി വളരെ ഹാർഷ് ആയിട്ടായിരുന്നു പെരുമാറ്റം,'

'എന്റെ ടേക്ക് ഒന്നും ശെരിയാവുന്നില്ല എന്ന് പറഞ്ഞു കൊണ്ടേ ഇരുന്നു. അന്ന് രാത്രി എന്നെ ഒരു തേർഡ് ക്ലാസ് ലോഡ്‌ജിലേക്ക് മാറ്റി. ഒരു കാര്യവും ഇല്ലെന്ന് കരുതിയിട്ടാകണം. സെറ്റിൽ വച്ച് എന്നെ ഒരു സൈഡിലേക്ക് വിളിച്ചിട്ട് ഞാൻ അന്ന് ഒറ്റയ്ക്ക് അല്ലെ വിളിച്ചത് എന്ന് ചോദിച്ചു. ഞാൻ ഒറ്റയ്ക്ക് ഒന്നും വരില്ല സാർ എന്ന് പറഞ്ഞു. പള്ളിയ്ക്ക് അത് ഇഷ്ടമായില്ല. ഒരാഴ്ചത്തെ ഷൂട്ട് ഒക്കെ കഴിഞ്ഞു. നായിക ആണെന്ന് ഒക്കെയാണ് പറഞ്ഞിരുന്നത്,'

'ഒരു ദിവസം പുള്ളി പറഞ്ഞു ഒരു പാട്ട് സീൻ കൂടിയുണ്ട്. സൂര്യ വീട്ടിലേക്ക് പൊക്കോളൂ. ഞാൻ വിളിക്കാമെന്ന്. ഒരു രൂപ പോലും തന്നിട്ടില്ലായിരുന്നു. അങ്ങനെ വീട്ടിൽ പോയി. അപ്പോൾ ഞാൻ അമ്മയോട് പറഞ്ഞു ഇനി തിരിച്ചു വിളിക്കാൻ ഒന്നും പോകുന്നില്ലെന്ന്. അങ്ങനെ പടം റിലീസായി. എന്റെ ഒന്ന് രണ്ടു സുഹൃത്തുക്കൾ പോയി കണ്ടിരുന്നു. ഫസ്റ്റ് ഹാഫ് കഴിഞ്ഞ് അവർ വിളിച്ച് നിന്നെ കണ്ടില്ലലോ പടത്തിൽ, ഇതുവരെ വന്നില്ലേ എന്നൊക്കെ ചോദിച്ചു. ആദ്യം മുതൽ ഉണ്ടല്ലോ എന്ന് ഞാൻ പറഞ്ഞു,'

'സിനിമ കഴിഞ്ഞ് അവർ വീണ്ടും വിളിച്ചിട്ട്, നിന്നെ പറ്റിച്ചെടി എന്ന് പറഞ്ഞു. അവർ എന്റെ മുഴുവൻ രംഗവും ഒഴിവാക്കി. ഒരു ആൾക്കൂട്ടത്തിന്റെ ഇടയിൽ നിൽക്കുന്ന ഒരു സീൻ മാത്രമാണ് ഉണ്ടായത്. എന്റെ രംഗങ്ങൾ കളഞ്ഞാലും കഥയെ അത് നേരിട്ട് ബാധിക്കില്ലായിരുന്നു. ഒരാഴ്ച ഷൂട്ട് ചെയ്ത എന്റെ മുഴുവൻ രംഗങ്ങളും കളഞ്ഞു,' സൂര്യ പറഞ്ഞു.