'നസ്രിയ വന്നതിന് ശേഷം ഫഹദ് കുറേക്കൂടി നന്നായി, അല്ലായിരുന്നുവെങ്കിൽ വേറെ വഴി പോയേനെ'; ഫാസിൽ പറയുന്നു

'നസ്രിയ എല്ലാകാര്യങ്ങളെക്കുറിച്ചും അപ്‌ഡേറ്റാണ്. പ്രൊഫഷണൽ ആർടിസ്റ്റല്ല ഇപ്പോൾ... നേരത്തെ ആയിരുന്നിരിക്കാം. വിവാഹശേഷം കുടുംബ ബന്ധങ്ങളിലോട്ടാണ് നസ്രിയയ്ക്ക് കൂടുതൽ താൽപര്യം.'

'ഫഹദിനൊപ്പം ചേർന്ന് വീടിന്റെ ഇന്റീരിയറൊക്കെ ചെയ്തിരുന്നു. പെട്ടെന്ന് അഭിനയിക്കാൻ തോന്നി. ഒരു ക്യാരക്ടർ വന്നപ്പോൾ അതും അഭിനയിച്ചു. മുന്നിലൊരു കഥയും ക്യാരക്ടറും വന്നാൽ ഇനിയും ചെയ്യും.'

'അങ്ങനെയാണ് എനിക്ക് തോന്നുന്നത്. ഇത് ഞാൻ ചെയ്താൽ ശരിയാവില്ലെന്ന് പറഞ്ഞ് ചിലപ്പോൾ വിട്ടുകളയും. വിക്രം മലയാളത്തിൽ ഡബ്ബ് ചെയ്യാൻ പറഞ്ഞപ്പോൾ പറ്റില്ലെന്ന് ഫഹദ് പറഞ്ഞിരുന്നു.'

Also Read: 'മല്ലികയ്ക്കോ മക്കൾക്കോ അറിയാത്ത ഒത്തിരി ഇടപാടുകൾ സുകുമാരന് ഉണ്ടായിരുന്നു'; സുകുമാരനെ കുറിച്ച് നിർമാതാവ്!

'തെലുങ്ക് സിനിമ സൂപ്പർഹിറ്റായപ്പോൾ അത് മലയാളത്തിൽ ചെയ്യാൻ പറഞ്ഞിട്ട് നസ്രിയയും ചെയ്തില്ല. രണ്ടാളും തമ്മിൽ നല്ല സാമ്യമുണ്ട്.ഉള്ളിലൊരു ഫയറുണ്ടെങ്കിലെ അവർ സിനിമ ചെയ്യൂ. അപൂർവമായി മാത്രമെ സമ്മർദ്ദത്തിലൂടെയായി സിനിമ ചെയ്യൂ.'

'ഫഹദിന് അങ്ങനെ ചെയ്യേണ്ടി വന്നിട്ടുണ്ട്. നസ്രിയയ്ക്ക് അതൊന്നുമില്ല. നസ്രിയ വന്നതിന് ശേഷം ഫഹദ് കുറേക്കൂടി നന്നായി. അല്ലായിരുന്നുവെങ്കിൽ വേറെ വഴിയൊക്കെ പോയേനെ. നസ്രിയയുടെ സാന്നിധ്യം അവന് വളരയെധികം ഹെൽപ് ഫുളായെന്നാണ് എനിക്ക് തോന്നുന്നത്' ഫാസിൽ പറയുന്നു.

'എടോ... തനിക്കെന്നെ കെട്ടിക്കൂടേ'യെന്ന് ഫഹദിനോട് ചോദിച്ച് നസ്രിയയായിരുന്നു ആദ്യം പ്രൊപ്പോസ് ചെയ്തത്. പ്രായവ്യത്യാസമൊന്നും തങ്ങൾക്കൊരു പ്രശ്‌നമല്ലെന്നും ഇരുവരും പറഞ്ഞിരുന്നു.

വിവാഹ​ശേഷം നസ്രിയ അഭിനയത്തിൽ നിന്നും വിട്ടുനിന്നപ്പോൾ പലരും ഫഹദിനെയാണ് വിമർശിച്ചത്. ഫഹദ് കാരണമായിരിക്കാം നസ്രിയ സിനിമകൾ ചെയ്യാത്തതെന്നുവരെ അന്ന് സിനിമാ പ്രേമികൾ‌ക്കിടയിൽ ചർച്ചയുണ്ടായി. എന്നാൽ സത്യം അതല്ലെന്ന് പിന്നീട് നസ്രിയ തന്നെ വെളിപ്പെടുത്തി.

'സിനിമയിൽ നിന്നും വിട്ടുപോയതായി ഇതുവരെ തോന്നിയിട്ടില്ല. സിനിമാകുടുംബത്തിലേക്കാണ് കല്യാണം കഴിച്ചത്.'

'അതിനാൽത്തന്നെ സിനിമ കൂടെയുണ്ടായിരുന്നു. ഇപ്പോൾ സിനിമകളുമായി ബന്ധപ്പെട്ട തിരക്കിലായിപ്പോയാൽ ഫഹദിന്റെ വീട്ടുകാർക്ക് എന്റെ വീട്ടുകാരെക്കാൾ നന്നായി അവസ്ഥ മനസിലാക്കി സപ്പോർട്ട് ചെയ്യുമെന്നാണ്' നസ്രിയ അടുത്തിടെ അഭിമുഖത്തിൽ പറഞ്ഞത്.

Recommended Video

ഫഹദിന്റെ എല്ലാ പടവും കണ്ടിട്ടുണ്ട്, വലിയ ആരാധകനെന്ന് പുഷ്പ ഡയറക്ടര്‍

നസ്രിയ വീണ്ടും അഭിനയിക്കുന്നതിൽ തനിക്ക് സന്തോഷമേയുള്ളൂവെന്നായിരുന്നു ഫഹദും പറഞ്ഞത്. മികച്ച അവസരം ലഭിച്ചാൽ എല്ലാ സൗകാര്യങ്ങളും താനൊരുക്കുമെന്നും ഫഹദ് പറഞ്ഞിരുന്നു.

ഫഹദിനെ എപ്പോഴും കൂളാക്കി നിർത്താനാണ് താൻ ശ്രമിക്കാറുള്ളതെന്നും അദ്ദേഹം സമ്മർദ്ദത്തിലാണെങ്കിൽ വീട്ടിലും അതറിയാനുണ്ടാവുമെന്നും അത്തരം സന്ദർഭങ്ങൾ ഒഴിവാക്കാറുണ്ടെന്നായിരുന്നു നസ്രിയ പറഞ്ഞത്.

ഫഹദിന്റേതായി റിലീസിന് തയ്യാറെടുക്കുന്ന ഏറ്റവും പുതിയ സിനിമ മലയൻ കുഞ്ഞാണ്. അണ്ടെ സുന്ദരാനികിയാണ് ഏറ്റവും അവസാനം നസ്രിയ അഭിനയിച്ച് റിലീസ് ചെയ്ത സിനിമ.